الموضوع: موضوع للمناقشة .. ليه ستروين لا ؟

حاجه تانيه لو سمحت كنت عايز اسأل فيها
بما ان سيرة الفانتازيا اتفتحت هنا .... كان عندي سؤال مهم واكيد اغلب الناس بتسأله
طبعا كمواصفات ال c5 تغلب بكل تأكيد
والسؤال هنا : بالنسبة لاعادة البيع وانتشار قطع الغيار وجودة الصيانه فى التوكيل يكونوا لصالح الاوكتافيا ؟؟؟ ايه رايك فى ال 3 اسئله دول :) :)

المشاركة الأصلية كتبت بواسطة alshahba

طبعا متفق معاك ان كماليات بره اكتر من جوه (مصر المحروسه)
-بكل تأكيد ان مواصفات موتر c5 اكبر وارقي بكتيييييير من الاوكتافيا ..... اما موضوع الشكل فدي فروقات نسبية يعني بتتغير من شخص لاخر ... اما المواصفات الفنيه والكماليات فده شئ ملموس لصالح حبيبتنا c5

- ياريت لو سمحت توضح ايه التسهيلات بتاعت c5 زي ماقلت ..... وايه هيه عروض الصيانه
ياريت توضحلنا لان ده شئ جديد

شكرا للافاده

التسهيلات هى كانت عرض صيانة مجانية لمدة 3 سنين يعنى مش هتدفع حاجة غير بنزين العربية و الحاجات البسيطة فى الصيانة .. كأنك راكب العربية من غير مصاريف ثقيلة يعنى .. و كان فيه عرض مقدم 100 الف تقريبا او 120 و الباقى اقساط بدون فوايد بس مش متأكد العروض ديه لسه موجودة و لا لا

المشاركة الأصلية كتبت بواسطة alshahba

حاجه تانيه لو سمحت كنت عايز اسأل فيها
بما ان سيرة الفانتازيا اتفتحت هنا .... كان عندي سؤال مهم واكيد اغلب الناس بتسأله
طبعا كمواصفات ال c5 تغلب بكل تأكيد
والسؤال هنا : بالنسبة لاعادة البيع وانتشار قطع الغيار وجودة الصيانه فى التوكيل يكونوا لصالح الاوكتافيا ؟؟؟ ايه رايك فى ال 3 اسئله دول :) :)

اعادة البيع هتبقى فى صالح الاوكتافيا طبعا و انتشار قطع الغيار برضه لصالح الاوكتافيا و دا كله لأن الاوكتافيا منتشرة عن السى 5 مش عشان هى احسن منها .. جودة الصيانة فى التوكيل بصراحة عز العرب بيحاول على قد ما يقدر انه يحافظ على العربية بشكل كويس و فيه شكاوى على فكرة برضه من ارتوك اوتو فهتلاقى الجودة فى الصيانة تقريبا واحدة خصوصا ان عز العرب بيعامل عملاء ستروين بشكل مختلف عن عملاء بروتون و برضه السى 5 فئة عالية من الستروين فهيبقى فيه اهتمام بالعميل بعكس الاوكتافيا فى ارتوك اوتو كل الناس ركباها

عندك حق .... عملاء سي 5 مختلفين عن اي حد تقريبا
بس الواحد سامع كلام مش كويس عن الوكيل انهم مش بيعرفو فى الصيانه كويس
وان قطع الغيار بتتأخر

ايه رايك فى الكلام ده !!! صحيح ولا اتعدل واتحسن ؟؟؟

المشاركة الأصلية كتبت بواسطة alshahba

عندك حق .... عملاء سي 5 مختلفين عن اي حد تقريبا
بس الواحد سامع كلام مش كويس عن الوكيل انهم مش بيعرفو فى الصيانه كويس
وان قطع الغيار بتتأخر

ايه رايك فى الكلام ده !!! صحيح ولا اتعدل واتحسن ؟؟؟

ممكن أعرف مين اللي قال لحضرتك الكلام ده ؟؟

أنا بتعامل معاهم بقالي سنة ونص ,عمري ماشفت ده خالص

إن قطعة غيار تتأخر دي في حالة واحدة بس
لو حضرتك طالب حاجة تجيلك من فرنسا برقم شاسيه العربية
زي مثلا طقم مفاتيح لوك بتاع العجل أو لو طالب مفتاح مثلا :)
و ده مش تأخير بس على ما الحاجة تيجي

لسة زميلنا حسام كان مصلح عربيته ds3 و كان فيها دهان و سمكرة و سلموهاله قبل المعاد كمان :)

المشكلة عندنا السمع ده ,مخلي ناس كتير تتنازل و تركب حاجات مش عاجباها :)

المشاركة الأصلية كتبت بواسطة ALshahba

طبعا متفق معاك ان كماليات بره اكتر من جوه (مصر المحروسه)
-بكل تأكيد ان مواصفات موتر c5 اكبر وارقي بكتيييييير من الاوكتافيا ..... اما موضوع الشكل فدي فروقات نسبية يعني بتتغير من شخص لاخر ... اما المواصفات الفنيه والكماليات فده شئ ملموس لصالح حبيبتنا c5

- ياريت لو سمحت توضح ايه التسهيلات بتاعت c5 زي ماقلت ..... وايه هيه عروض الصيانه
ياريت توضحلنا لان ده شئ جديد

شكرا للافاده

زي ما مهاب قال في تسهيلات كتير جدا في الدفع من عز العرب أو من الموزعين زي القرش أو اوتوماجد

ده غير عرض الصيانة اللي على ال c5 و كل العربية ال picasso
بس يا ريت تتأكد من عرض الصيانة ده

كانوا منزلين حاجات كتير من شهرين , زي برده اشتراك 3 سنين في citroen vip club

ممكن حضرتك تكلم جورج و تشوف إيه المتاح دلوقتي

المشاركة الأصلية كتبت بواسطة ALshahba

حاجه تانيه لو سمحت كنت عايز اسأل فيها
بما ان سيرة الفانتازيا اتفتحت هنا .... كان عندي سؤال مهم واكيد اغلب الناس بتسأله
طبعا كمواصفات ال c5 تغلب بكل تأكيد
والسؤال هنا : بالنسبة لاعادة البيع وانتشار قطع الغيار وجودة الصيانه فى التوكيل يكونوا لصالح الاوكتافيا ؟؟؟ ايه رايك فى ال 3 اسئله دول :) :)

اعادة البيع : الاوكتافيا تكسب طبعا بذات في أول سنتين تلاتة بس بعد كده الفروقات دي بتقل
انتشار قطع الغيار : ده لصالح الأوكتافيا برده بس حد جايب عربية بربع مليون و هيصلحها بره !!!!!
ده غير إن c5 عليها عرض صيانة 60000 أو 3 سنين مجانا ;)

جودة الصيانة : أنا مشفتش منهم أي حاجة وحشة بصراحة معرفش بقى توكيل skoda إيه نظامه

اشكرك جدا علي كم الاجابات علي كل سؤال

وللعلم توكيل سكودا مش قد كده والناس بتشتكي منه ..... من ناحية تانية الاغلبية مش واخدين بالهم منها
ان لو العربيه منتشره جدا ده بيأثر علي كفائة التوكيل لان بتلاقي كمية عربيات كتيره جدا رايحه فى نفس الوقت فبيأثر علي سرعة الفني وبيخليه "يقلب" بسرعه علشان يلحق يخلص اللي وراه والا حياخد جزا
اما العربيات الغير منتشره فبيدي صدد عند الناس ان العربيه وحشه زلكن هيا اكبر ميزه فى الصيانه لانها بتاخد وقتها الكافي فى الصيانه بدون مشاكل

بس معلومه اخيره ....... تقريبا جميع التوكيلات مش كويسه

وانا سعيد جدا انك فعلا مجرب توكيل عز العرب وبتشكر فيه

هو لو عايزه اشتري سيتروين مستعمل نضيف في حدود ٨٠ -٩٠ الف الاقي ؟

وانهي فئة وتقريبا تكون عامله كام كيلو وسنة كام ؟