تقييم اللوجان بعد السبعين ألف ... الصراحة مش جيد

**wael30003** · 01-10-2012 02:13 AM

المشاركة الأصلية كتبت بواسطة pharmacology

معلش انا عندي سؤال مهم جدا ... ايه هو فرع التوكيل اللي حضرتك بتتعامل معاه ؟؟؟؟

السؤال ده مهم جدا الاجابة عليه ؟

لانى من كلام حضرتك حسيت انك بتتعامل مع ورشة تحت السلم

مش توكيل محترم

ده حتى محصلش توكيل صينى

ولو الكلام ده فعلا حصل يبقى لازم تبعت شكوى لجمعية حماية المستهلكين

ومع ذلك ان مقدرش اقيم التوكيل لانى رحت التوكيل 3 مرات بس 5 و 10 و 15

وطبعا ده ما لقدرش اقيمه تقييم كامل - بس لما بيكون عندى شكوى او استفسار بيردو عليا او بيزيلوا

اسباب الشكوى

وانا الحمد لله ما عنديش اى مشاكل مع العربية

**zemoss** · 01-10-2012 03:29 PM

السلام عليكم

شاكر جدا لردودكم ولمشاركتكم يا جماعة ...

ودي إجابات لبعض الأسئلة:
- التوكيل : المقطم (مجربتش غيره)
- سعر ربط علبة الشكمان مش عارفه فعلا .. لإن المهندس اللي سلمني العربية قالي الكلام ده على إنّها مجاملة منه
- تيل الفرامل الاصلي اتغير عند 20000 كيلو تقريبا
- أنا اللي سايق العربية مش سواق .... وعلى فكره انا سواقتي متوسطة ... وتقدر تقول هادية كمان حتى في الطرق المفتوحة
- طقم البريك متغيرش لما قولتلهم المشكلة ... غيرو فقط ترس المارشدير
- علبة الفوج لايت مش بتتباع غير في التوكيل مش هتلاقيها بره
يا ريت يا جماعة حد ينصحني أعمل إيه ... هل أشتكي في التوكيل ؟؟؟ أم في أي مكان تاني؟؟

وشكرا للشباب اللي رد بالتفصيل ... مجهود محترم

**Ahmed A Rahman** · 01-10-2012 03:47 PM

روح فرع العبور يا باشا انا عمري ما رحت فرع المقطم ولا فكرت اروحه
قبل ما تروح ابعت شكوى تفصيلية بس بطريقة هادئة لرينو مصر واطلب تكلم مدير خدمة العملاء فرع العبور
حتروح له وتحكي لي كل حاجه بالتفصيل وصدقني كل حاجه بالتفصيل حتتحل بإذن الله
لو متحلتش فيه طرق تصعيدية اكتر