لوجان اوتو او صنى 2013 اوتو

**pinocchio** · 02-10-2012 12:08 AM

وحلو بردو موضوع شالية الساحل دة انا بردو لازم اعمل حسابة اوحتى اجبيلى عشة فى جمصة

**medomadamody** · 02-10-2012 12:23 AM

المشاركة الأصلية كتبت بواسطة ahmed a rahman

بص يا باشا انا اترددت قبل ما اكتب لك ردي بقالي كذا يوم
سعادتك عامل مقارنة حقيقية بكل اللي في العربيتين وعارف كل حاجه عنهم الاثنين
طالما وصلت للمرحلة دي يبقى القلب وما يريد يا باشا لانك زي مانت شايف الاثنين واحد

جايز تشتري اللوجان وتبص على الصني وتشتهيها
جايز تشتري اللوجان و تيجي تفرمل في غرزة تفتكر الabs
جايز تشتري اللوجان ولما ينزل الشكل الجديد تتحسر حتى لو نزل بعد سنتين

جايز تشتري الصني ويطلع فيها خوازيق لانها لسه جديدة وساعتها حتتقهر من اللوجان اللي مغرقة الدنيا
جايز تشتري الصني وتتخانق في مودرن موتورز وتفتكر توكيل رينو الاحسن بدرجة طفيفة
جايز تشتري الصني وتتحسر على ال 23 الف جنيه وتقعد تفتكر الاستثمارات العملاقة اللي كان ممكن تعملها وتبقى مليونير والشالية بتاع الساحل الشمالي اللي حتيجيبه من الارباح

زي ماحضرتك شايف الشيطان حيدخلك حيدخلك ويحاول يحسرك مهما اشتريت وعشان كده :
1. اللي انت بتحبها اكتر هاتها
2. الاستخارة
3. التوكل على الله حتى لو العربية الثانية بتقول بابا وماما

يا باشا تسلم على الرد ده وعلى فكره كلامك كله صح وده فعلا الى بيحصل

**gebreel** · 03-10-2012 11:26 PM

لو قارنا التوكيلين
التوكيلين محترمين و الشركتين (رينو و نيسان) ولاد عم و في نفس الوقت مبيسمحوش ان حاجة تبقى في الضمان و العميل يشيلها

فرق الفلوس لو مش فارق معاك هات الصني لأن في رأيي وسائل الامان اهم من اي حاجة في العربية

موضوع 110 حصان و مش عارف كام حصان دي مش هتفرق معانا في مصر قوي لأن عدد الاحصنة بيفرق في السرعة القصوى و احنا اساسا مش عارفين نجيب 80 على الدائري

سحب اللوجان الاوتو طلعتها بطيئة الكلام ده صح بس انا مجربتش النيسان بصراحة

الabs و الebd مهمييييين مهمييييييين مهمييييييييييييين و انا كنت هموت لولا ربنا و يليه العربية و الabs (عربية مش اللوجان) كان زماني دلوقتي متوفي

زي ما د/ احمد قالك
استخير و اتوكل على الله

و نصيحة اخيرة انزل على المصرية علشان بيبقى عندهم عرض كثير و اركب دي و اركب دي و اشتري من اي حتة ثانية غير المصرية =)

**gebreel** · 05-10-2012 10:13 PM

المشاركة الأصلية كتبت بواسطة pinocchio

شكرا لرد حضرتك انا فعلا بدأت اميل ناحية الصنى علشان وسائل الامان اكتر ومن يومين كنت ماشى بالعربية وفجأة لانسر فرملت ادامى فأنا فرملت بس العربية زحفت وخبطت فية فأخذت قرار ان لازم وشرط اساسى فى العربية الجديدة ان يكون فيها abs وانا اشاء الله هنزل قريبا احجز الصنى من التوكيل.وعلى فكرة اكصدام الانوس قوى جدا محصلوش اى حاجة من الخبطة ودة مخلينى هتدايق قوى لما ابيعها وشكرا ليكو

الف مبروك مقدما يا باشا و ربنا يهديك للي فيه الخير

و على فكرة اللوجان بردو اكصدامها جامد قوي و عن تجربة ميكروباص الترامكو رزع فيا من ورا مجراش اي حاجة غير ان الاكصدام خرج من مكانو من اليمين بدون حتى قطع في الودان و ركب ثاني ولا اكن حاجة حصلت =)))

**pinocchio** · 05-10-2012 11:56 PM

المشاركة الأصلية كتبت بواسطة gebreel

الف مبروك مقدما يا باشا و ربنا يهديك للي فيه الخير

و على فكرة اللوجان بردو اكصدامها جامد قوي و عن تجربة ميكروباص الترامكو رزع فيا من ورا مجراش اي حاجة غير ان الاكصدام خرج من مكانو من اليمين بدون حتى قطع في الودان و ركب ثاني ولا اكن حاجة حصلت =)))

انا بحب اللوجان جدا وشايف انها عربية محترمة وتسوا اكتر من تمنها بس الناس كلها بتتكلم عن فرامل الabs واد ايه هى بتنقظ من الحوادث بس انا المعلومة الوحيدة اللى نقصانى عن الصنى هى قوة الصاج انا مش عارف الصنى الجديدة صاجها عامل ازاى

وربنا يهدينا للاختيار الصحيح