شركة كونتاكت اصبح تقسيطها إسلامى .....!!!!

**mhoss** · 13-07-2008 03:00 PM

المشاركة الأصلية كتبت بواسطة abohagar2001

طيب يا اخى هما نزلوا العقود الجديدة والا لسه يمكن لما ينزلوها يغيروا النظام

موضوع التوكيل ده بره العقد خالص و هما بيقولولك ده أجراء روتينى؟؟؟؟!!!! العقود الجديدة نزلت بس للأسف المشايخ اللى راجعت العقود و قالت انها سليمة ماكنتشى تعرف موضوع التوكيل ده للأسف لأنه مش منصوص فى العقد أى أشارة عن التوكيل علشان كده لما قولت للشيخ على استغرب و قالى العقد مفهوش كده:arghh:

**mhoss** · 13-07-2008 03:02 PM

المشاركة الأصلية كتبت بواسطة Qamar

طيب يا جماعة آخر كلام أنا عاوز عربية من عندهم لكن مش عاوز تامين خالص كده ينفع ولا لأ

لو من غير تأمين يبقه أحسن بس هما للأسف التامين عندهم لازم بس الأول كان إجبارى تأمن عندهم تبع الشركة اللتى متعاقدين عليها و دلوقتى هما فتحوا باب التامين علشان تختار الشركة اللى تأمن معاها بس لازم تأمن!

**أبو عبدالله** · 13-07-2008 04:29 PM

المشاركة الأصلية كتبت بواسطة mhoss

السلام عليكم،،،

شوفت أمبارح أخبار السيارات و لاقيت شركة كونتاكت عامله مقالة كبيرة عن تغير العقد و انهم راجعو العقد مع احد أئمة الاقتصاد الاسلامى روحت أفتكرت الاخ اللى قال إن الشيخ على السالوس هو اللى بيراجع عقد كونتاكت فروحت كلمت الشيخ على امبارح الساعة اتنين و نص الظهر وقولته انا سمعت إن حضرتك بتراجع عقد شركة كونتاكت قالى نعم العقد مفهوش حاجة، قولتله طيب يا شيخ بيخلونى أعملهم توكيل بالعربية فى الشهر العقارى قالى مين قال كده يابنى العقد بتاعهم مفهيوش كده خالص قولتله يا شيخ هما بيعملوا الأجراءات ديه بره العقد قالى هذا لايجوز ياريت تتأكد و تكلمنى تانى، قمت كلمت كونتاكت و أتاكدت إن عملية التوكيل لسه شغالة و روحت مكلم الشيخ على فى الحال و قولته انا اتاكدت من موضوع التوكيل قالى هذا لايجوز و بلغهم على لسانى إن الشيخ على بيقول هذا لايجوز و لو اصروا على التوكيل ده لاتتعامل معاهم و الشيخ غضب جداً!!!! روحت كلمت واحد فى المبيعات و بلغته رسالة الشيخ على و قالى هابلغ المسئولين!!! ياجماعة الحاضر يبلغ الغايب (اللهم قد بلغت اللهم فاشهد)،،،

شكرا لك على التوضيح
وجزاك الله كل خير

وربنا يعفينا ويعافي كل مسلم

وياريت الناس تاخد بالها من الكلام ده
منبقاش عاملين زي اللي ما صدقوا حد قالهم بدون تحقق وخلاص

لأن يوم القيامة سوف تسأل عن علمك انت وليس علم غيرك

**mhoss** · 13-07-2008 04:41 PM

المشاركة الأصلية كتبت بواسطة أبو عبدالله

شكرا لك على التوضيح
وجزاك الله كل خير

وربنا يعفينا ويعافي كل مسلم

وياريت الناس تاخد بالها من الكلام ده
منبقاش عاملين زي اللي ما صدقوا حد قالهم بدون تحقق وخلاص

لأن يوم القيامة سوف تسأل عن علمك انت وليس علم غيرك

ربنا يكرمك و إن شاء الله ربنا ييسرنا الخير و من ترك شيئاً لله عوضه خيراً منه و ياريت الناس كلها تتصل بالشركة ديه و يبلغوهم رسالة الشيخ على

**mhoss** · 13-07-2008 10:21 PM

و على فكرة ممكن لو كلنا اتصلنا و اعترضنا على موضوع التوكيل ده الشركة تلغية لأنها تقريباً الشركة الوحيدة اللى اخترعت موضوع التوكيل دهّ! مش عارف بيجيبوا الحاجات ديه منين؟

**mhoss** · 14-07-2008 10:35 AM

طب و العمل يا جماعة موضوع التقسيط الشرعى كده فشل و لا ايه؟ يعنى الواحد يصرف نظر و يجيب مستعمل

**أبو عبدالله** · 14-07-2008 11:15 AM

المشاركة الأصلية كتبت بواسطة mhoss

طب و العمل يا جماعة موضوع التقسيط الشرعى كده فشل و لا ايه؟

يعنى الواحد يصرف نظر و يجيب مستعمل

ليه حضرتك سبق واتكلمنا في الموضوع و ده وكان اقربهم للصح الشركة العالميه في المعادي بتاعت عبد اللطيف الجميل

والموضوع تقريبا في ساحة البيع والشراء

**M_HaFeZ** · 14-07-2008 02:15 PM

المشاركة الأصلية كتبت بواسطة mhoss

و على فكرة ممكن لو كلنا اتصلنا و اعترضنا على موضوع التوكيل ده الشركة تلغية لأنها تقريباً الشركة الوحيدة اللى اخترعت موضوع التوكيل دهّ! مش عارف بيجيبوا الحاجات ديه منين؟

كلامك صح ..
اللى خلاهم يتجهوا الى نظام شبه اسلامى !!
هو ان فى ناس كتير عايزاه وعايزه تريح ضميرها
واللى خللى برضوا بنوك يهوديه الاصل تعمل فروع اسلاميه فى بعض الدول

مع الضغط هتلاقيهم غيروا موضوع التوكيل ده فى مقابل انهم يتأكدوا اكتر قبل مايتعاقدوا مع اى عميل

**mhoss** · 14-07-2008 03:13 PM

المشاركة الأصلية كتبت بواسطة M_HaFeZ

كلامك صح ..
اللى خلاهم يتجهوا الى نظام شبه اسلامى !!
هو ان فى ناس كتير عايزاه وعايزه تريح ضميرها
واللى خللى برضوا بنوك يهوديه الاصل تعمل فروع اسلاميه فى بعض الدول

مع الضغط هتلاقيهم غيروا موضوع التوكيل ده فى مقابل انهم يتأكدوا اكتر قبل مايتعاقدوا مع اى عميل

ربنا يبشرك بالخير و ياريت كلنا نكلمهم و نقولهم،،،

**Scent7104** · 15-07-2008 11:35 PM

يا جماعة انا كلمتهم النهاردة و ناقشتهم لأني بصراحة كنت كلمتهم اول ما عرفت انهم بقى عندهم تقسيط اسلامي و حددت ميعاد و قابلت واحد من المبيعات ... المهم هما الفائدة عندهم مش كبيرة اوي مقارنة بالشركات اللي بتعمل تقسيط اسلامي يعني 8.6% و هي معقولة في ناس قالت لي لحد 15%.

ثانيا" بالنسبة لموضوع التوكيل ده ، قال لي ان الشركة كده بتضمن حقها لأن الشيكات و الايصالات ما بتدهمش حقهم يعني لو حد ما سددتش لازم ساعتها يرفعوا قضية و لو وقع حظهم مع محامي فبيخسروا القضية و عشان كده اخترعوا موضوع التوكيل ده.

انا بصراحة ماليش في القانونيات ده اوي بس انا بلغتهم اعتراضي و برده قالولي هنشوف. ممكن بس لو اي حد كلمهم و قدر يوصل لحاجة يبلغني عشان اعرف اتكلم معاهم قبل ما امضي العقد.