شركة كونتاكت اصبح تقسيطها إسلامى .....!!!!

**mohammedaly** · 28-07-2008 12:52 PM

المشاركة الأصلية كتبت بواسطة Scent7104

بصوا يا جماعة من الآخر مفيش حاجة اسمها ده اسلامي في مصر "بغرض انه يتقي ربنا" انما هما بيعملوا كده من مبدأ "اللي تغلب به العب به"

انا بلغوني الموافقة امبارح ورديت عليهم عملتوا ايه في موضوع العقد : قالواانه لازم و اعاوا لي اسبابهم تاني " اللي ذكرتها قبل كده" - انهم بيضمنوا حقهم!!!

طيب خليني معاهم اسمع للآخر (زي ما قلت علشان احط نفسي مكانهم)...

أولا " : احنا بنقول اسلامي ليه عشان مفيش نسخة مفتاح (البنك كمان دلوقتي مش بيعمل نسخة مفتاح)
ثانيا": فائدة 1% على التأخير (ده لسه موجودة)
ثالثا" : حظر البيع (البنك قال لي برده مفيش حظر بيع)
رابعا" : انه بيشتري العربية و بعدين يبعها لي ( علشان ما يبيعش ما لا يملك) طيب اذا كان هما لسه هيشتروا لي العربية (بعد ما اتفقوا معايا و طلعوا لي الموافقة) يعني هما ما عندهمش معرض و كمان قالوا لي ممكن تروحي تشوفي العربية في معرض تاني و لو جبتيها ارخص ماشي هنجبهالك (طيب ما هو ده برده نفس الكلام اللي قالوه لي في البنك) و برده البنك قال لي هايشتري العربية من المعرض و بعدين يتعاقد معايا!!!
خامسا": التأمين ( لسه اجباري) آه ممكن يديلك الفرصة تختار بينهم و بين شركة تانية.
سادسا" : الأساتذة بتوع كونتكت اللي خايفين من العملاء اللي بينصبوا عليهم و علشان كده طلعوا حكاية التوكيل ده - طالبين مني اكتب لهم شيكات بقيمة الأقساط (كل شيك بتاريخ القسط) و لو انا معنديش حساب في البنك هيفتحوا لي في باركليز حساب و امضي على شيكات من غير رصيد!!! علشان اذا فرضنا و انا اتأخرت عن الدفع يروح مندوب ليهم و يصرف الشيك!!!

و أخيرا" الفائدة 8,6% بزيادة 1% عن البنك
التأمين 3,6%
1% مصاريف ادارية

طيب حد يفهمني ... جايز افهم ايه الفرق...

انا بس هأقول حاجة اخيرة : من يومين كنت باسمع محاضرة للدكتور محمد سليم العوا عن الوسطية و الافتاء و الحكم في ظل الظروف و المتغيرات...و الراجل قال انه في حقبة من الزمن اجيز بيع غير ما يملك الفرد و لكن بمعايير محددة حتى لا ترقى إلى اي من شبهات في ربا (وذلك تحت ظروف اجتماعية معينة في هذه المنطقة ) فالأساس أن الحكم ثابت و لكن التطبيق يختلف.

و في النهاية انا هأحاول ابعد عن التقسيط خالص ...و يا رب يلهمني و يوفقني ... و لا ندم من استخار.

على فكرة ما فيش بنك بيشترى العربية لحد ,,, البنك بيمول وبس ,,, لانه حسب القانون المصرى لايحق للبنوك الدخول فى عمليات بيع وشراء

**abohagar2001** · 28-07-2008 03:12 PM

السلام عليكم
ايوة فعلا هو كتيييرررررر جدا جدا بس اعمل ايه
انا لفيتها من فيصل لل كونتاكت ل التمويل المصرى السعودى ل قبنور ى
وكله تغيير مسميات بس الاقى فى الاخر برضه البنك يمول والتاجر يشترى بناء على طلبك و حجزك عشان كدا انا وافقت مضطر
لانى كنت يا اما اعمل كدا يا اشترى مستعمل
بس الحمد لله انا مش زعلان ونفسيتى مستريحة جدا بغض النظر عن الفائدة
يا اخوان الموضوع مش سهل دا ربنا بيقول لنا ان دى حرب منه هو احنا قادرين نحارب نفسنا
ربنا يغنينا بالحلال

**mhoss** · 28-07-2008 04:29 PM

المشاركة الأصلية كتبت بواسطة abohagar2001

السلام عليكم
ايوة فعلا هو كتيييرررررر جدا جدا بس اعمل ايه
انا لفيتها من فيصل لل كونتاكت ل التمويل المصرى السعودى ل قبنور ى
وكله تغيير مسميات بس الاقى فى الاخر برضه البنك يمول والتاجر يشترى بناء على طلبك و حجزك عشان كدا انا وافقت مضطر
لانى كنت يا اما اعمل كدا يا اشترى مستعمل
بس الحمد لله انا مش زعلان ونفسيتى مستريحة جدا بغض النظر عن الفائدة
يا اخوان الموضوع مش سهل دا ربنا بيقول لنا ان دى حرب منه هو احنا قادرين نحارب نفسنا
ربنا يغنينا بالحلال

نعم صدقت و الحلال بقه غالى اوى اليومين دول و الله المستعان! بس ممكن سؤال هو لازم أدفع 50% مش ممكن أدفع أقل شوية يعنى 35% على أساس العربية اللى هاشتريها و الفلوس اللى معايا؟؟؟ جزاك الله خيراً

**abohagar2001** · 28-07-2008 07:21 PM

السلام عليكم
ايوة يا اخى اعتقد انه ممكن اقترح انك تقوم بزيارة للمعرض و تدردش مع صاحب المعرض وربنا يوفقك

**mhoss** · 29-07-2008 07:38 AM

المشاركة الأصلية كتبت بواسطة abohagar2001

السلام عليكم
ايوة يا اخى اعتقد انه ممكن اقترح انك تقوم بزيارة للمعرض و تدردش مع صاحب المعرض وربنا يوفقك

الله أكبر ربنا يبشرك بالخير

**ahmedae** · 29-07-2008 02:49 PM

السلام عليكم جميعا

الحمد لله الذي بفضله تتم الصالحات

جزاك الله خيرا يا اخي abohagar2001 وجعلة الله في ميزان حستاتك وبارك لك في سيارتك الجديدة.:laugh:
نرجو منك ان توضح لنا بالتفصيل موضوع هذا المعرض بمعني ما هي صيغة العقد وايه الضمانات المطلوبة وايه هي حكاية %23 دي يعني انت كان متبقي عليك كام واتفقتم تدفعه اد ايه وعلي كام سنة , وهل %23 زيادة دي عن كل سنة ولا ايه والموضوع خد وقت اد ايه , ياريت تعذرنا وتسامحنا ( بس زي ما انت شايف في ناس كتيييير بتدور علي الحلال ولو كان اغلي في السعر ومتشوقيين يعرفوا كل التفاصيل فمعلش اعذرنا ).

**عمرو عمارة** · 29-07-2008 03:32 PM

متابع بإهتمام

**mhoss** · 29-07-2008 06:12 PM

المشاركة الأصلية كتبت بواسطة Renamr

متابع بإهتمام

و انا كمان وربنا هيفرجها علينا و تكون هى ديه الطريقة الشرعية للتقسيط و الله المستعان

**abohagar2001** · 29-07-2008 06:19 PM

السلام عليكم ورحمة الله وبركاته
يا اخوانى انا وضحت ان ماكان فى عقد ارجو ان انتم تراجعوا الموضوع
السيارة كان تمنها 97000 وانا دفعت 50000 وال 47000 الباقيين على 10 شهور بوقع 5500 جنيه كل شهر يبقى تلاقى المبلغ زاد حوالى 8000فى عشرة شهور ودا بشيكات بنكية قبل ميعاد القسط انا بحط القيمة فى الحساب وبعدين انا كتبت التليفون كلموا الراجل يمكن توصلوا لنتيجة احسن منى بالنسبة للفائدة انا اكمنى ما صدقت لاقيته كنت عارف ان انا ما عندي خيار تانى فتنازلت بسرعه حاولوا انتم يمكن تقدروا تشطروا احسن منى
ابو هاجر المصرى

**mhoss** · 30-07-2008 02:08 PM

المشاركة الأصلية كتبت بواسطة abohagar2001

السلام عليكم ورحمة الله وبركاته
يا اخوانى انا وضحت ان ماكان فى عقد ارجو ان انتم تراجعوا الموضوع
السيارة كان تمنها 97000 وانا دفعت 50000 وال 47000 الباقيين على 10 شهور بوقع 5500 جنيه كل شهر يبقى تلاقى المبلغ زاد حوالى 8000فى عشرة شهور ودا بشيكات بنكية قبل ميعاد القسط انا بحط القيمة فى الحساب وبعدين انا كتبت التليفون كلموا الراجل يمكن توصلوا لنتيجة احسن منى بالنسبة للفائدة انا اكمنى ما صدقت لاقيته كنت عارف ان انا ما عندي خيار تانى فتنازلت بسرعه حاولوا انتم يمكن تقدروا تشطروا احسن منى
ابو هاجر المصرى

جزاك الله خيراً و نأسف على كثرة الأسئلة و الإزعاج بس أحنا للأسف زى مابيقولوا ماصدقنا لاقينا حل للتقسيط و الله المستعان:nerd: