استفسار عن صيانات الماروتي

**lidosasa** · 01-10-2012 12:25 PM

السلام عليكم ورحمة الله وبركاته
قمت بحمد الله بشراء عربية سوزوكى ماروتى موديل 2007 عاملة 52 ألف كيلو من حوالى أسبوع ودى أول عربية ليا ولسه جديد فى السواقة ( يعنى من الآخر أبيض )
وكنت متابع المنتدى من زمان قبل ما أشترى العربية وأستفتدت من المواضيع كتير لما أشتريت العربية
وحصلت معايا مشكلة فى الحرارة وأنا فى الشارع وأضطريت إنى أخلط مياه عادية مع مايه خضرا هل دا ممكن يعمل حاجة للعربية وأيه الحل ؟
وبالنسبة لتغير فلتر الهوا وفلتر البنزين بتغير كل كام كيلو تقريباً وصاحب العربية بيستخدم بنزين 90 وأنا فولت بنزين 92 وأنا مش عارف هو مغيرهم على كام كيلو بس أنا على إتصال معاه وممكن أسأله .
آسف طولت عليكم
ولسه حتسمعوا منى كتير لإنى لسه على قد حالى فى العربيات وربنا يخليكوا لينا يارب

**mesaharaty** · 01-10-2012 12:58 PM

المشاركة الأصلية كتبت بواسطة exact

المياه الخضراء يتم تزويدها بمياه عادية وليست خضراء

لا كده الحتة دى محتاجة شرح شوية
يعنى أنا مثلا على طول بازود مياه من بتاعة موبيل الزرقا دى كل ما احتاج أزود (هى نفس المياه اللى محطوطة فى الردياتير والقربة)
هل لازم التزويد يبقى من مياه عادية ؟

**dr.hazem** · 01-10-2012 01:51 PM

المشاركة الأصلية كتبت بواسطة lidosasa

السلام عليكم ورحمة الله وبركاته
قمت بحمد الله بشراء عربية سوزوكى ماروتى موديل 2007 عاملة 52 ألف كيلو من حوالى أسبوع ودى أول عربية ليا ولسه جديد فى السواقة ( يعنى من الآخر أبيض )
وكنت متابع المنتدى من زمان قبل ما أشترى العربية وأستفتدت من المواضيع كتير لما أشتريت العربية
وحصلت معايا مشكلة فى الحرارة وأنا فى الشارع وأضطريت إنى أخلط مياه عادية مع مايه خضرا هل دا ممكن يعمل حاجة للعربية وأيه الحل ؟
وبالنسبة لتغير فلتر الهوا وفلتر البنزين بتغير كل كام كيلو تقريباً وصاحب العربية بيستخدم بنزين 90 وأنا فولت بنزين 92 وأنا مش عارف هو مغيرهم على كام كيلو بس أنا على إتصال معاه وممكن أسأله .
آسف طولت عليكم
ولسه حتسمعوا منى كتير لإنى لسه على قد حالى فى العربيات وربنا يخليكوا لينا يارب

اولا الف مبروك العربيه وربنا يديك خيرها ويكفيك شرها

ثانيا اهلا وسهلا بيك اخ عزيز معانا منورنا في بيتك التاني نايل موتورز

نخش عالشديد بقا
ههههههههههههههههههههه
مبدئيا الميه الخضرا تتغير بالكامل او لما تنقص تتزود ميه مقطره (مش عاديه)
الشرح بسيط
الميه الخضرا = ميه مقطرة + ايثيلين جلايكول (الماده اللي ليها تركيز معين خلينا نقول 20%)

الميه نقصت يعني الميه اتبخرت بالتالي تركيز الماده في الميه المتبقيه زاد
فانت لو زودت ميه خضرا انت فعليا عمالك تزود التركيز وده له اضرار مبتحصلش من مره ولا اتنين لكن لما التركيز بيزيد عن ال 50%

لكن لما تتبخر الميه وتعوضها بميه مقطره هتحافظ عالتركيز ثابت بدون مشاكل ان شاء الله

انت حاليا مش هيحصلك مشاكل لكن نصيحتي ليك بما انها مستعمله انك تعمل صياناتك حاليا بغض النظر عن المالك اللي قبلك
انصحك بتنضيف دورة الميه في بنزينه وتغير الميه بالكامل لميه جديده خضرا
بالنسبه للصيانات الباقيه
جدول الصيانه موجود هجيبلك لنكه حالا ان شا الله
لكن انت كده كده هتغير الفلاتر والسيور ولو حابب تغير طقم الكهربا بالمره تبقى عملت كل اللي يتعمل

في انتظار استفساراتك كلها بصدر رحب ان شاء الله

تحياتي

**dr.hazem** · 01-10-2012 01:56 PM

اتفضل جدول الصيانه من هنا
http://www.nilemotors.net/Nile/308180-a.html

المشاركة الأصلية كتبت بواسطة mesaharaty

لا كده الحتة دى محتاجة شرح شوية
يعنى أنا مثلا على طول بازود مياه من بتاعة موبيل الزرقا دى كل ما احتاج أزود (هى نفس المياه اللى محطوطة فى الردياتير والقربة)
هل لازم التزويد يبقى من مياه عادية ؟

تم الشرح

تحياتي

**lidosasa** · 01-10-2012 02:09 PM

المشاركة الأصلية كتبت بواسطة hm414

اولا الف مبروك العربيه وربنا يديك خيرها ويكفيك شرها

ثانيا اهلا وسهلا بيك اخ عزيز معانا منورنا في بيتك التاني نايل موتورز

نخش عالشديد بقا
ههههههههههههههههههههه
مبدئيا الميه الخضرا تتغير بالكامل او لما تنقص تتزود ميه مقطره (مش عاديه)
الشرح بسيط
الميه الخضرا = ميه مقطرة + ايثيلين جلايكول (الماده اللي ليها تركيز معين خلينا نقول 20%)

الميه نقصت يعني الميه اتبخرت بالتالي تركيز الماده في الميه المتبقيه زاد
فانت لو زودت ميه خضرا انت فعليا عمالك تزود التركيز وده له اضرار مبتحصلش من مره ولا اتنين لكن لما التركيز بيزيد عن ال 50%

لكن لما تتبخر الميه وتعوضها بميه مقطره هتحافظ عالتركيز ثابت بدون مشاكل ان شاء الله

انت حاليا مش هيحصلك مشاكل لكن نصيحتي ليك بما انها مستعمله انك تعمل صياناتك حاليا بغض النظر عن المالك اللي قبلك
انصحك بتنضيف دورة الميه في بنزينه وتغير الميه بالكامل لميه جديده خضرا
بالنسبه للصيانات الباقيه
جدول الصيانه موجود هجيبلك لنكه حالا ان شا الله
لكن انت كده كده هتغير الفلاتر والسيور ولو حابب تغير طقم الكهربا بالمره تبقى عملت كل اللي يتعمل

في انتظار استفساراتك كلها بصدر رحب ان شاء الله

تحياتي

الله يبارك فيك
وألف شكر على الإهتمام
وأنا بالفعل ظبت كهربة العربية كلها وركبت كتاوت كهرباء وإنذار
بالنسبة للمياه هى مش إتبخرت ولا حاجة الكهربائى ربنا يسامحه نسى يوصل مروحة التبريد بعد ما خلص شغل وبما إنى لسه مبتدأ ما أخدتش بالى من أمبير الحرارة لحد المايه ما أتنطرت كلها من الريداتير والحمد لله عدت على خير فلما رحت للمكيانيكى كان معايا حوالى لتر مايه خضرا وهو زود الباقى مايه عادية
وبالنسبة للمياه المقطرة دى أجيبها منين فى البنزينة ولا من عند نفس الناس اللى بتيبع مايه خضرا

**lidosasa** · 02-10-2012 02:46 PM

النهاردة وبتاء على المشورة المفيدة اللى سمعتها من الأعضاء الكرام فى المنتدى
رحت لبتاع الريداتير عشان يفضيه ويتنضفه ويمله ميه خضرة . وأشتريت وأنا رايح مايه خضرة abro أسبانى
ورحت لواحد قالى لاء الميه دى تقيله على العربية وحتاكل الريداتير مصدقتش الراجل ورحت لواحد تانى وقالى نفس الكلام وقالى رجع دى وهات ميه زرقا موبيل . المهم سبته ينضف الريداتير ويفضيه وجبت ميه زرقا موبيل ب 75 جنيه الجركن وأخدته ب 70 بالواسطة ومليت الريداتير ميه زرقا وفاضل حوالى ثلث الجركن .
وأشكر مرة أخرى كل الأعضاء الكرام على نصائحهم الغاليه وربنا يبارك ليكم يارب .