اقتباس المشاركة الأصلية كتبت بواسطة dawns_mist مشاهدة المشاركة
طبعا الشارك فئة أعلى من الريو ... لكن مافيش شك إن المقارنة برضه بالنسبة لصاحب الموضوع محيرة ..!!

- الموتور ( العزم - التسارع - الاعتمادية ) .... الشارك تكتسح .. ولو قرينا الرفيوهات الأجنبية على أغلب المواقع من ( كار كونكشن - كار آند درايفر - كار بايار - توب جير - .... ) هنلاقيهم مشتركين في نفس النقطة ... موتور الريو أضعف من اللي توقعناه !!

- الثبات ... برضه الشارك تكتسح .. مع الشاسيه الجبار الجديد للشارك اللي بيشيل لحد 500 حصان و اللي بيتعمل عليه عربيات زي الأوت لاندر .. الشاسيه قوي جدا و أمان جدا ده كلام مافيهوش فصال ... و العفشة الخلفية للشارك متميزة جدا عن نظام التعليق الخلفي للريو ، و ده فرق كبير في الثبات ، و كمان مساحات احتكاك الهوا مع جسم الشارك تديها ثبات أفضل مع العرض بتاعها ، مع الجنط العريض كمان ... بكل المقاييس ثبات الشارك أفضل ... و كتجربة شخصية ( فرق كبير لصالح الشارك ) .. لو دخلت على المواقع المتخصصة في المقارنات هتلاقي الشارك ( gt ) بتتقارن في الثبات مع الجيتا و الفانتازيا .

- الاتساع الداخلي .. الشارك أوسع بفرق كبير

- الكماليات .. طبعا الريو هاي لاين تكسب أول فئة من الشارك في الكماليات بفرق كبير

- الوكيل .. برضه الريو وكيل أفضل

- قطع الغيار ... الفروق مش شايفها كبيرة للدرجة دي .. لكن الريو تكسب من ناحية إنها أرخص

- وسائل الأمان .. الريو الهاي لاين برضه أفضل

- التكييف .. الشارك تكسب

- الراحة الداخلية .. بعض مواقع الريفيوهات بتقول إن أكبر عيب في الريو إنها ناشفة .. من تجربتي الشخصية هي مش ناشفة للدرجة دي ، لكنها أنشف أكيد من الشارك .. بالتالي الشارك تكسب .. مع إن الشارك رياضية و تتحمل أكتر منها بكتير ، لكن الريو أنشف من الشارك بفرق ملحوظ جدا ، خصوصا للكنبة الخلفية.

* تقييم شامل ... الشارك تكسب بفرق كبير
الشارك من غير abs - ebd و حتى كمان من غير airbag أكتر أمان من الريو الهاي لاين .. لإن الأمان في الأصل ( ثبات - متانة شاسيه - جودة أنظمة التعليق و الفرامل - جودة التصميم ) و كل ده متوفر في الشارك الفئة الأولى ........................... أنا عندي أركب عربية ( قوية - واسعة - مريحة - ثابتة ) أفضل بكتير ماركب عربية كلها كماليات لكن أقل في النقط المهمة اللي فاتت دي ........................ توكيل ميتسوبيشي ماحدش أصلا بيحتاجه ولا بيروحله لإن الشارك صيانتها سهلة جدا و قطع غيارها مرطرطة في كل مكان ................... قطع غيار الشارك الداخلية و الخارجية انتشرت في كل مكان خارج التوكيل و منها الصيني و التايواني و المصري و الياباني ، لكن قطع غيار الريو الجديدة أغلبها لسه ماخرجش بره التوكيل ......................... اعتمادية مواتير و شاسيهات ميتسوبيشي اللي اتعودنا عليها تخليني مش محتاج أجرب موديل جديد لسه مش عارف هيكون اعتمادي زي اللي أنا عارفه ولا لأ !!!

- أنا لو مكان صاحب الموضوع أكيد هختار الشارك حتى لو كان إزازها بأوكر!!!

مش عارف اقولك ايه اكتر من انك فعلا لخصت الموضوع فى رغيف فعلا ...شكرا كثيرا واكثرالله من امثالك...