الموضوع: ليه موديلات بيجو صغيرة ومتوسطة الحجم مفيش عليها اقبال فى السوق المصرى؟؟

المشاركة الأصلية كتبت بواسطة mbx4e

عفوا ممكن تفهموني انتم بتكلموا بشكل عام ؟؟؟
ولا بتقارنوا موديلات وفئات معينه عشان كدا انت دخلتو الدنيا في بعضها عندي
وعفوا في الكلمه بشكل عام الصناعه الاوربيه بتختلف عن الاسيويه في العيوب قبل المميزات والتكنولوجيا
بالنسبه لغلاء قطع الغيار الاوربيه عن الاسيويه عموما برده عشان محدش يفهمني غلط او الدنيا تخش في بعضيها زي محصل عندي
اظن ارنفاع اسعار العماله في اوروبا عن اسيا عامل اساسي + كميه الانتاج الاسيوي اكبر من الاوروبي بشكل عام ودا يخلي سعر القطع اقل + ان الجوده بتاعت الاوروبي اعلى من الاسيوي بسبب المعايير القاسيه للجوده والامان اللي ببتطبق اكتر فيها عشان كدا الغالي تمنه فيه
بغض النظر بقى عن جهل الصنايعيه عندنا وذكاؤهم المفرط اللي توقف عند موديلات التسعينات الاسيويه بسبب بساطتها في الفك والتركيب وكثرة تعلمه فيها بسبب كتر اعطالها وكثر عدد مرات الزياره لبليه الميكانيكي

أكيد بنتكلم فى الموديلات الحديثه المتوسطه و الصغيره و عن اغلبيه الناس اللى بتشترى بتفكر ازاى و هى بتشترى و ظروف السوق

المشاركة الأصلية كتبت بواسطة mbx4e

سؤال لكل من شارك هنا
هل حد فيكم ركب اي فئه في الاسد سواء قديم ولا جديد ؟
هل حد فيكم ركب عربيه اوروبي من الدرجه الاولي ( الماني انجليزي فرنساوي ) وجربها ؟
مش معنى ان السوق عندنا بيفضل حاجه يبقى الحاجه دي جامده مثال على كلامي ومع احترامي لاصحابها فيات 128

انا عن نفسى ركبت فى فتره ما بيجو حديث 406
و عندى عربيه المانى و عايز اعرف ده هيفيد حضرتك فى إيه فى التحليل ؟

المشاركة الأصلية كتبت بواسطة land_cruiser

انا عن نفسى ركبت فى فتره ما بيجو حديث 406
و عندى عربيه المانى و عايز اعرف ده هيفيد حضرتك فى إيه فى التحليل ؟

اولا اشكر حضرتك على ذوقك العالي في الرد وان حضرتك فهمتني بموضوعيه
انا لاحظت في البروفايل بتاع حضرتك ان معاك صني حديث ودي عربيه محترمه جدا لابعد مدى ( ودا مش مجامله ) لاني دخلت المصنع بتاع نيسان في اكتوبر وشوفت مقدار النظافه في الشغل
المهم سؤالي لحضرتك هل المقارنه بين البيجو والنيسان ( طبعا بغض النظر عن اختلاف الموديل والفئه والحاله والتكنولوجيا وقطع الغيار و تكاليف السيرفيس والصيانه ) مجال او وجه المقارنه اللي عايزك تحكم بيه هو الاحساس والشعور بالرضا اكتر في صالح من البيجو ولا النيسان ؟ وانا متقبل رايك ايا يكون
اتمنى ان يكون وجهة النظر بتاعتي وصلت لحضرتك

المشاركة الأصلية كتبت بواسطة mbx4e

اولا اشكر حضرتك على ذوقك العالي في الرد وان حضرتك فهمتني بموضوعيه
انا لاحظت في البروفايل بتاع حضرتك ان معاك صني حديث ودي عربيه محترمه جدا لابعد مدى ( ودا مش مجامله ) لاني دخلت المصنع بتاع نيسان في اكتوبر وشوفت مقدار النظافه في الشغل
المهم سؤالي لحضرتك هل المقارنه بين البيجو والنيسان ( طبعا بغض النظر عن اختلاف الموديل والفئه والحاله والتكنولوجيا وقطع الغيار و تكاليف السيرفيس والصيانه ) مجال او وجه المقارنه اللي عايزك تحكم بيه هو الاحساس والشعور بالرضا اكتر في صالح من البيجو ولا النيسان ؟ وانا متقبل رايك ايا يكون
اتمنى ان يكون وجهة النظر بتاعتي وصلت لحضرتك

البيجو طول عمرها عربيه محترمه و أن كانت وقعت منها البارس اللى كانت بتتجمع فى ايران دى و مكنش هناك اهتمام كبير بالموديلات الجديده من ناحيه الدعايه و الأسعار مبالغ فيها من وجهه نظرى . هو انا كمان عندى e46 على فكره و علشان كده عندى فكره عن المدارس المختلفه فى صناعه السيارات . انا بس عايز أوضح لحضرتك حاجه لان حضرتك اسئلتك كانت غريبه عن هل حد ركب بيجو أو سيارات اوروبيه قبل كده و مفهمتش سبب السؤال بصراحه و مدى علاقته بالموضوع. ما علينا المهم اللى عاوز اوضحه لحضرتك أن صاحب الموضوع محدد حاجات معينه بيسأل فيها و هى مدى انتشار السيارات البيجو الصغيره و المتوسطه و كل اللى كان بيرد و انا منهم كان بيحلل سبب الموضوع بناء على ظروف السوق المصرى بتاعنا و ازاى المستهلك بيفكر و الكلام مره تانيه على الفئات الصغيره و المتوسطه و مش معنى أننا بنحاول نحلل معلومه اننا بنقلل منها أو بنقول أنها تعبانه لكنها قد تكون مظلومه فى السوق بتاعنا زى عربيات كتير منها الفورد مثلا أو السوبارو او الانسر الشارك قصاد البومه لانها ببساطه مش ماشيه فى السوق و الناس بتفضل حاجات تانيه عنها لرخص قطع الغيار و سهوله اصلاحها و ارتفاع سعر أعاده البيع على حساب الامان و جوده التقفيل و عراقه الصانع مثلا وده مش معناه أن معايير الاختيار بتاعه الشعب سليمه أكيد لكن فى الاخر هى دى اختياراته و بالتالى اللى بتؤثر على قرار الشراء. يعنى مثال بسيط لو سألت ١٠ اشخاص تشترى ٢٠٧ و لا النترا ممكن تلاقى ٨ منهم بيقولولك النترا و السبب أنها أكبر و شنطتها اوسع و بتجرى و فيها وسائل أمان برضه و شكلها جديد و سعر اعاده بيعها ممتاز. و كذلك لو قلتله مثلا ٢٠٦ و لا صنى الشكل الجديد تفتكر الاغلبيه هتختار مين لو عايز عربيه عائليه و ما يقدرش يدفع اكتر من كده مع العلم بأن شكلها صعب حبتين؟ هو ده كان قصدى يعنى هو ممكن يضحى بالأمان الممتاز و التقفيل المحترم علشان حاجه أكبر بنفس السعر أو حتى علشان الشنطه أو سعر اعاده البيع. الموضوع فى الاخر ثقافه مستهلك وواقع بنعيشه قد يكون خطأ لكنه فى الاخر يظل واقع و يمكن بيجو ادركت ده أخيرا و بالتالى دخلت المنافسه بس بطريقه مناسبه و هى التركيز على الفئات العاليه بحيث أنها تحط فيها مواتير و كماليات و تكنولوجيا تقدر تنافس بيها العربيات الغاليه و بكده تهرب من الفئات الصغيره و المتوسطه اللى مش هتقدر تنافس فيها الكورى و الصينى اللى بيجو حاولت تنافسهم فيها بالبارس الايرانى و فشلت و لذلك انتقلت للفئات الاعلى اللى تقدر تجذبها و مش هتفرق معاها السعر قوى قصاد الحاجات الكتير اللى هتاخدها مقابله و أرجو أنى أكون وضحت لحضرتك الصوره و تحياتى لشخصك الكريم و السلام عليكم

وهيا الــ 307 مثلا وحشه ؟؟؟ انا شايفها ممتازه جدا خامه وشكل وامان وكل حاجه

المشاركة الأصلية كتبت بواسطة hossam_elwani

وهيا الــ 307 مثلا وحشه ؟؟؟ انا شايفها ممتازه جدا خامه وشكل وامان وكل حاجه

لا طبعا اكيد مش وحشه بس انا باتكلم عن اغلبيه المستهلكين المصريين بتختار ايه من خلال واقع انتشار العربيات فى الشارع

المشاركة الأصلية كتبت بواسطة land_cruiser

البيجو طول عمرها عربيه محترمه و أن كانت وقعت منها البارس اللى كانت بتتجمع فى ايران دى و مكنش هناك اهتمام كبير بالموديلات الجديده من ناحيه الدعايه و الأسعار مبالغ فيها من وجهه نظرى . هو انا كمان عندى e46 على فكره و علشان كده عندى فكره عن المدارس المختلفه فى صناعه السيارات . انا بس عايز أوضح لحضرتك حاجه لان حضرتك اسئلتك كانت غريبه عن هل حد ركب بيجو أو سيارات اوروبيه قبل كده و مفهمتش سبب السؤال بصراحه و مدى علاقته بالموضوع.

اقصد ان في فرق بين الاسيوي والاوروبي والراجل صاحب الموضوع بيسال عن السوق المصري العربيات البيجو المتوسطه والصغيره مش واخده حقها زي الكوري كمان كل اللي رد ارجع الاسباب لان السوق بيحب الانواع دي من العربيات (الكوري) بسبب شكله وسهولته والاوبشن اللي فيه ورخص قطع الغيار رديت عليها بان السوق عندنا مالوش معيار محدد الحاله ولا الغواي ولا الانتشار ولا رخص وتوفر قطع الغياراو سعر اعاده البيع بس محطناش في حسابنا مستوى الجوده وعوامل الامان وانك راكب عربيه ماشيه على هوا ممكن تخونك لو عصبها مش جامد فاكيد دا هايرجع للجوده الاكبر اللي بمقابل فلوس اكتر وتدينا امان وراحه واحساس بالرضا اكتر و اكتر
حضرتك ماجاوبتنيش على سؤالي بيجو ولا نيسان ؟

المشاركة الأصلية كتبت بواسطة land_cruiser

ما علينا المهم اللى عاوز اوضحه لحضرتك أن صاحب الموضوع محدد حاجات معينه بيسأل فيها و هى مدى انتشار السيارات البيجو الصغيره و المتوسطه و كل اللى كان بيرد و انا منهم كان بيحلل سبب الموضوع بناء على ظروف السوق المصرى بتاعنا و ازاى المستهلك بيفكر و الكلام مره تانيه على الفئات الصغيره و المتوسطه و مش معنى أننا بنحاول نحلل معلومه اننا بنقلل منها أو بنقول أنها تعبانه لكنها قد تكون مظلومه فى السوق بتاعنا زى عربيات كتير منها الفورد مثلا أو السوبارو او الانسر الشارك قصاد البومه لانها ببساطه مش ماشيه فى السوق و الناس بتفضل حاجات تانيه عنها لرخص قطع الغيار و سهوله اصلاحها و ارتفاع سعر أعاده البيع على حساب الامان و جوده التقفيل و عراقه الصانع مثلا وده مش معناه أن معايير الاختيار بتاعه الشعب سليمه أكيد لكن فى الاخر هى دى اختياراته و بالتالى اللى بتؤثر على قرار الشراء. يعنى مثال بسيط لو سألت ١٠ اشخاص تشترى ٢٠٧ و لا النترا ممكن تلاقى ٨ منهم بيقولولك النترا و السبب أنها أكبر و شنطتها اوسع و بتجرى و فيها وسائل أمان برضه و شكلها جديد و سعر اعاده بيعها ممتاز. و كذلك لو قلتله مثلا ٢٠٦ و لا صنى الشكل الجديد تفتكر الاغلبيه هتختار مين لو عايز عربيه عائليه و ما يقدرش يدفع اكتر من كده مع العلم بأن شكلها صعب حبتين؟ هو ده كان قصدى يعنى هو ممكن يضحى بالأمان الممتاز و التقفيل المحترم علشان حاجه أكبر بنفس السعر أو حتى علشان الشنطه أو سعر اعاده البيع. الموضوع فى الاخر ثقافه مستهلك وواقع بنعيشه قد يكون خطأ لكنه فى الاخر يظل واقع و يمكن بيجو ادركت ده أخيرا و بالتالى دخلت المنافسه بس بطريقه مناسبه و هى التركيز على الفئات العاليه بحيث أنها تحط فيها مواتير و كماليات و تكنولوجيا تقدر تنافس بيها العربيات الغاليه و بكده تهرب من الفئات الصغيره و المتوسطه اللى مش هتقدر تنافس فيها الكورى و الصينى اللى بيجو حاولت تنافسهم فيها بالبارس الايرانى و فشلت و لذلك انتقلت للفئات الاعلى اللى تقدر تجذبها و مش هتفرق معاها السعر قوى قصاد الحاجات الكتير اللى هتاخدها مقابله و أرجو أنى أكون وضحت لحضرتك الصوره و تحياتى لشخصك الكريم و السلام عليكم

متفق مع كلامك 100\100
بالمناسبه البارس عربيه عاديه جدا جدا وبعدين ايراني فدي مش اوروبي بردك دا يأكد كلامي عن العربيات الاسيويه (بالرغم اتمنى اننا نكون زي ايران ونعرف نصنع 128 من الالف للياء وانزل اشتريها من بكره بس تكون مصريه 100%) ولو السوق المصري مزبوط كا فيه حاجه يبقى اسمها فيرنا ولا فيفا دول برا اسمهم اكسنت الشكل اللي بعد موديل 2000 بس غبور بيشتغل الناس ويبيع 3 موديلات جنب بعض في نفس السنه ( الاكسنت القديمه + الفيرنا والفيفا +والنيو اكسنت )
انت عارف ايه عيب البيجو واللي خلاها تسقط عالميا تسويقيا انها لما تغير شكل الموديل بتغير اسمه
بس عشان حضرتك تبقى عارف الفيات والبيجو الحديث الصغيره والمتوسطه غير منتشره بسبب انهم مابيطلعوش من اوروبا اصلا من كتر الطلب عليهم فهم زي ماتقول حصلهم اكتفاء + السيطره الكوريه واليابانيه على السوق الخليجي
بالبلدي السوق المصري و دول شمال البحر المتوسط سوق ضعيف ماديا بمقارنه السوق الخليجي والاسواق المجاوره فطبيعي هتلاقي ان البيجو مش مركزه معانا عشان احنا مش من اولويتها دا طبعا غير التوكيل ومشاكله ومشاكل فرق التكنولوجيا

المستقبل القريب فى مصر للعربيات الصغيرة دى و خاصة للسى سى القليل ( بسبب البنزين )
و عموما كل انواع العربيات سواء كورى و لا المانى و لا حتى بطيخى هاتتاح ليها الفرصة عشان تثبت كفائتها من كل النواحى (السعر و خدمة ما بعد البيع و سعر اعادة البيع )
ما تيجوا نشوف :)