اول تجربة شد.... شكرا بيجو

**Ahmed.Fahmy** · 16-07-2012 07:34 PM

السلام عليكم ورحمة الله وبركاته

الحمد لله يا رجالة، اخيرا حد رضى يشد معايا...

اصل انا كنت نفسى اشد مع حد عشان اشوف العربية ادائها عامل ازاى سحب وجرى وكدا

المهم انا كنت ماشى فى امان الله الفجر كدا على الدائرى لقيت 2009-2012 BMW 320i E90 بيحاول يسخننى المهم خليته سبقنى اد 100 متر كدا وقمت دايس على الS ودايس كيك داون والعربية تتعامل بقى وقولت اشوف هجيبه وللا لا

احنا كنا ماشيين تقريبا 100 بس اللى انا ما توقعتهوش انى قربت منه بسرعة جدا وهو زى ما يكون اتخض لقانى جمبه راح كابس بنزين جامد المهم فضلت اقربله لغاية ما اتساوينا فى اقل من 1/2 كم بدأت اعديه

قولت اشوف الFull throttle اللى الاخ Formulator قاللى عليها دى قمت دايس التكة اللى فى اخر دواسة البنزين لقيت العربية نطت سنة كدا وانطلقت بفرق عربيتين على سرعة حوالى 170

شكرا بيجو......

**hany63** · 16-07-2012 08:39 PM

المشاركة الأصلية كتبت بواسطة ahmad--ezzat

ابو حميد

بتاع البي ام حمار حصاوي اكيد :)

لا يافندم المواتير التربو تشد مع الفئه الخامسه كمان
عشان العزم العالي على الار بي ام الواطي
انا كنت مكسر الدنيا بالtsi واسمه كان 1400 سي سي

**lanos2004** · 16-07-2012 09:09 PM

ياريت تكتب مواصفات عربيتك البيجو

**S O P H O S** · 16-07-2012 09:50 PM

ما شاء الله
ربنا يباركلك فيها ويستر طريقك ..

**eng.m7md.ali** · 16-07-2012 09:56 PM

عربيات محترمة
اداء
خامات وتقفيل
شكل
راحة
صالون
بس للاسف ملهاش دعوة مصر خالص سواء بيجو او ستروين

**Ahmed.Fahmy** · 16-07-2012 10:15 PM

المشاركة الأصلية كتبت بواسطة ahmad--ezzat

ابو حميد

بتاع البي ام حمار حصاوي اكيد :)

ممكن بس هو كان شاب ومقطع شوية عربيات تانية وكان بيرمى نفسه تحت تريلا عشان يعدينى وفشل

المشاركة الأصلية كتبت بواسطة hany63

لا يافندم المواتير التربو تشد مع الفئه الخامسه كمان
عشان العزم العالي على الار بي ام الواطي
انا كنت مكسر الدنيا بالtsi واسمه كان 1400 سي سي

مش كدا بردو...

المشاركة الأصلية كتبت بواسطة lanos2004

ياريت تكتب مواصفات عربيتك البيجو

هى 156 حصان 240 نيوتن

المشاركة الأصلية كتبت بواسطة s o p h o s

ما شاء الله
ربنا يباركلك فيها ويستر طريقك ..

الله يباركلك متشكر جدا

المشاركة الأصلية كتبت بواسطة eng f3lix

عربيات محترمة
اداء
خامات وتقفيل
شكل
راحة
صالون
بس للاسف ملهاش دعوة مصر خالص سواء بيجو او ستروين

+111

**kaza** · 16-07-2012 10:30 PM

هههههههههههههه اكيد دي نكتة ..ياسادة موتور ال اي 90 بالذات عزم دورانة مسطح من اول ال1700 لفة وحتي ال6300 لفة وبالتالي اندفاع العربية بكون محترم جدا بالمقارنة بالمحركات الصغيرة الجديدة المشحونة بتوربين وضاغط وبالتالي مافيش وجه للمقارنة اللهم ان سائق البي ام كان مهيس شوية او مالوش مزاج ليس الا وبعدين لو بدعة المواتير المشحونة كويسة كان تم تعميمها من قبل جميع صانعي السيارات ولازم نعرف انه تم اللجوء ليها واعتمادها من بعض الصانعين كمحاولة لتخفيض انبعاثات ثاني اكسيد الكربون والحجم الدمج لتسهيل تجهيز السيارات بالمحركات الكهربية والبطاريات اللازمة لها في السيارات الهجين ومن ثم مافيش حد من الصانعين استغني عن تقنية المحركات ذوات السعات الكبيرة لتجهيز سيارات صالون رياضية او سيارات رودستار او كوبية رياضي

**Ahmed.Fahmy** · 16-07-2012 10:47 PM

المشاركة الأصلية كتبت بواسطة kaza

هههههههههههههه اكيد دي نكتة ..ياسادة موتور ال اي 90 بالذات عزم دورانة مسطح من اول ال1700 لفة وحتي ال6300 لفة

ال 508 من 1400 لفة الى 6000 و240 نيوتن/متر مش 210

وبالتالي اندفاع العربية بكون محترم جدا بالمقارنة بالمحركات الصغيرة الجديدة المشحونة بتوربين وضاغط وبالتالي مافيش وجه للمقارنة اللهم ان سائق البي ام كان مهيس شوية او مالوش مزاج ليس الا

مافيش واحد بينط من 100 الى 170-180 فجأة لما تيجى عربية جمبه وياخد غرز عشان يتقدم ومالوش مزاج.... امال لو ليه مزاج المفروض يمشى لفوق يعنى؟؟

وبعدين لو بدعة المواتير المشحونة كويسة كان تم تعميمها من قبل جميع صانعي السيارات ولازم نعرف انه تم اللجوء ليها واعتمادها من بعض الصانعين كمحاولة لتخفيض انبعاثات ثاني اكسيد الكربون والحجم الدمج لتسهيل تجهيز السيارات بالمحركات الكهربية والبطاريات اللازمة لها في السيارات الهجين ومن ثم مافيش حد من الصانعين استغني عن تقنية المحركات ذوات السعات الكبيرة لتجهيز سيارات صالون رياضية او سيارات رودستار او كوبية رياضي

الBMW 2013 من اول ال116i وال 118i تيربو 8 سرعات 1.6l 137 حصان و 170 حصان
الاوبل الاسترا الجديدة تيربة و 170 حصان
كل الفولكس والاودى والسيات 1.4 تيربو
كل الشركات الاوروبية بتلجأ لها عشان البنزين عندهم غالى جدا واهم الاعتبارات عندهم توفير الوقود

اكمل ولا كفاية كدا

يعنى بيستغنوا عن السعة اللترية الكبيرة وبيستخدموا البدعة دى اللى هى التيربو عشان التوفير فى الوقود مع عدم فقدان الباور اللزمة للاحساس بالمتعة

اه على فكرة الكوبيه والرودستار والحاجات دى كلها يا تيربو يا توين تيربو زى الاودى TT كدا مثلا توين تيربو