الموضوع: الى خبراء ال 4*4

اولا بالنسبة للاسعار مش هتلاقى موديل 1998 ب50 الف او حتى 60 الف دة لو حضرتك بتتكلم على حالة نضيفة جدا
اما لو حضرتك بتتكلم عن موديلات من 1992 الى 1997 هتلاقى ان شاء الله فى الرينج بين 55 الف الى 60 الف حالة نضيفة جدا وممكن اقل
اهم حاجة فى الشيروكى الحالة بتاعتها يعنى متاخدش عربية شاكك فيها ولو بنسبة 1%
وانت بتشترى اهم حاجة تبوص على الفتيسين والكوراين والسقف الفتيسين او الكوارين لو فيهم حاجة هيزعلوك اوى فخلى بالك واكشف عليها فى اى مركز محترم
بالنسبة لقطع الغيار انزل حضرتك شارع شامبليون عشان تقطع الشك باليقين بس على فكرة قطع الغيار مش غالية اوى زى مالناس فاكرة ولعلم حضرتك قطع غيار ال6 سلندر ارخص من ال4 سلندر ومنتشرة اكتر منها كمان
وعامة لازم حضرتك تحدد احتياجاتك اية من العربية هل حضرتك هتدخل بيها صحرا وكدة فيبقى اختيارك ال6 سلندر او مش هتدخل وهتسخدمها على الاسفلت يبقى ال4 سلندر تقدر تقوم بالواجب
وعلى فكرة الشيروكى ممكن تتركب 4سلندر و6 سلندر بس اللى جرب ال6 سلندر صعب يسوق 4 سلندر لان موتور ال6 سلنر جباااااااار 190 حصان 4000 سى سى 305 نيوتن
وسواء 4 او 6 سلندر كلة هيتوقف على احتياجات حضرتك
انا امتلكت موديلات 1992 و1993و1995و1998 عامة العربية محترمة جدا جدا جدا بس المهم ان ايد حضرتك تكون فيها بمعنى اصح متهملهاش خلى بالك منها هتاخد منها احلى اداء والعربية اصلا مبتقولش لا على حاجة قطع الغيار لو اصلية واسمها موبار بتبقى معمرة جدا جدا جدا وفى منها الصينى والتايوانى وكلة حسب ميزانية حضرتك بس المهم خلى بالك منها ومن صيانتها صدقنى هتنساها
عيوبها العفشة ناشفة شوية بس دة لانها مصممة للطرق الوعرة
الكنبة اللى فى الخلف ضيقة شوية
وعامة دور حضرتك فى كونتاكت كار وسيبك من الاسعار المكتوبة
ساعة الكاش الغالى يبقى ببلاش
والله اعلى واعلم فيما قلت

مشكور على الرد
الموديل بدايه من 1997 و 1998 الناس بتتكلم بدايه من 75 الى 85 ألف تقريبا مع ان المفروض العربيات دى وقعت عشان تكلفه البنزين والضريبه وفيه ناس مبهدله العربيات

كنت عايز اسأل حضرتك لو العربيه فيها فتيس او كارونه تمنهم كام استيراد وجديد
مقاس واسعار الكاوتش وبتاخد كام ليتر زيت للموتور
وعايز اعرف استهلاك البنزين داخل وخارج البلد
وهل سهل انى ابيع العربيه بسهوله ولا لا
انا اعتقد ان صعب بيعها شويه عشان موضوع الضريبه والبنزين

مقتبس من العضو sasa28
http://www.nilemotors.net/Nile/29419...00-2001-a.html
بسم الله

الشيروكي في منه مصري و امريكي الصنع
يتم معرفتها من رقم ال VIN لو اول حرف d يبقي مصري لو A او اي حاجه تانيه تبقي امريكي او المهم مش مصري
معظم الامريكي بيبقي فقير في امكانياته يعني مثلا بدون زجاج او كروز كنترول و جنوط حديد وكراسي قماش و مش كهرياء و هي بتتسمي ال SPORT TRIM
المصري هو اكثر حاجه موجوده
و كله لو سته يبقي LIMITEDفي مانويل و اتوماتيك
و الاربعه مانويل بس وفقير زي الامريكي السبورت
بالنسبه للموديلات المصري
موديل 98 النص الاول بدون اريال كهرباء او ABS
النص التاني من 98 الي موديل 2000لا يوجد فرق علي الاطلاق
موديل 2001 LIMITED تم تغيير الجنوط فقط لتصبح اكثر رياضيه و تسمي الجنوط المفحمه
2001 LX اضافه علي الليمتد سبويلر خلفي فوق الشنطه و فتحات تهويه في الكابوت

في بعض الاحيان يتم تسجيل سيارات موديل 98 في الرخصه 99و هو تاريخ بيعها من المصنع
و كذالك ياقي الموديلات لذلك تجد شخص يدعي ان سيارته موديل 2002 و الحقيقه انه تم ترخيصها 2002 و هي رواكد موديل 2001 و للعلم في مصر هم عدد حوال 140 سياره او 70 معظمهم سماوي و فضي
و يتم التاكد من موديل الشاسيه الخاص بالسياره من الرقم العاشر في كود التعريفVIN وليس من الرخصه
الشيروكي ل XJ من السيارات الجميله ولكن يعيبها و يميزها الاتي
- السياره ناشفه في المطبات جدا يعني لو راجل ظهره بيوجعه بلاش او ست حامل
-( نتيجه لارتفاع مركز الثقل للسياره الجيب عن السيدان فانسبه حدوث انقلاب علي السرعات العاليه اثناء المناوره مرتفعه جدا) اول جمله يتم كتابتها في الكتالوج الخاص بالسياره و معلومه لكل من يريد شراء سياره SUVاو دفع رباعي
-علبه الدركسيون ملحومه في قعده علي فرده الشاسيه و مع الوقت بيحصل في كل العربيات شرخ في هذا الجزء و بيؤدي لرجه في الدركسيون اثناء الشراء تأكد من وجود هذا العيب لو لاقيته و مش متعالج مش مشكله لكن لو متعالج غلط بلاش منها
- مش كل الميكانيكيه بيفهمو فيها و لازم حد بيفهم وامين
- اوعي تشتري عربيه رشه سقف او اقوايم لان سعر اعاده البيع مش هيعجبك لو لاقيت حد يشتريها اصلا في حين لو العربيه مغيره ماتور مره او اتنين و عمله عداد نص مليون مش مشكله
- لو من النوع اللي بيشد وبيجري فوق 120 هتتفرج علي عداد البنزين و هو بيلعب قدامك
- تاكد من الكوارين و الفتايس
- تاكد من عداد ضغط الزيت اللي في التابلوه و العربيه سخنه يكون فوق ال3.6 او 4
- تاكد من عدم وجود بارومه عند مفصلات الشنطه مع السقف او تحت فرش الشنطه
- فرده الكاوتش الواحده من 700 الي 1200 جنيه يعني الاربع فرد ب 3500جنيه
-دوره التبريد في السياره يجب مراقيتها و التأكد من درجه الحراره خاصه في الجهد الاقصي و مع تشغيل التكيف و مراجعه الردياتير والدوره بصفه مستمره لان ذلك السبب الرئيسي لتغيير المواتير في مصر
- مصاريف تسجيل و نقل ملكيه الامريكي حوالي 2500 جنيه و المصري 700و اتأكد منها قبل ماتشتري
- الضريبه في المرور للامريكي او المصري 6 او 4 موحده حوالي 1150 جنيه سنويا
- العربيه ضيقه في الكنبه الخلفيه و فتحه الدخول للباب صغيره
-متوسط استهلاك البنزين 140 كم في الصفيحه
- اوعي تحطلها بنزين 80 لان في ناس فكره ان عشان مكتوب علي التنك بنزين اوكتين 85 يبقي عادي و الحقيقه ان رقم الاوكتين الخاص بالولايات المتحده 85 يساوي 93 او 92 للاتحاد الاوربي و ده اللي ماشي في مصر
- ممكن تركيب غاز طبيعي لو الماتور حالته كويسه جدا ولازم يكون سيكونشال سيستم
-قطع الغيار بتعتها زي الرز ورخيصه جدا بس المشكله ان مثلا العفشه عشان تغيرها هتجيب حجات كتير جدا ممكن تعدي ال10000 جنيه
-بس علي العموم قطع الغيار الاستهلاكيه و الصاج كتير و انواع و رخيصه و متوفره استيراد
-لا يتم عمل عمره للماتور واو اصلاح الفتيس يتم تغييرهم استيراد

ارجو ان اكون قد افادتك بما لدي من معلومات و ارجو منك التحقق من الخبراء و الله اعلي و اعلم