الموضوع: السرعه القصوى كام ؟

هو أنت ممكن بس يكون عندك بوش شويه فى الفتيس ( يعنى لما الفتيس يكون متمور وتطلعه وتنزله لفوق وتحت تلاقيه بيجى معاك ميه كدا ) فدا إلى بيخليك وأنت بتنقل يبقى صعب معاك شوية دا + بقى إن ممكن يكون كمان زيت الفتيس ناقص او عايز يتغير فعشان كدا تلاقى المساله معاك مضاعفه ولا حاجه , يعنى دا إحتمال من الإحتمالاات

موضوع الصوت إلى بيروح بدوسك على الدبرياج دا أعتقد والله أعلم زى ما كنت سمعت فى المنتدى هنا لأعضاء تقريباً كان حصلهم نفس مشكلتك , إن بيبقى طقم الدبرياج فيه حاجه و بيبقى فى الغالب عايز يتغير ( بس طبعاً دا مش أكيد ممكن تكون حاجة بسيطه الى عايزه تتغير او تصلح )

أه أفتكرت و بالنسبه برده لموضوع قراءة ال rbm ممكن كذا إحتمال , من ضمنهم إن تكون العربيه كانت سخنة جدا و ماشيه كتيير فساعتها بقى بتبقى سحبها وشدها أفضل دا غير إن الزيت برده كان نوعه كويس او متغير لسه جديد فعشان كدا كان ال rbm قراءته مرتاحه معاك , والله أعلم

انا عندى فعلا الدبرياج جامد شويه مش عارف ده بقى ايه بس انا قولت عادى انا لسه مغير زيت الموتور وحاطط موبيل 10000 وفيه ناس قالتلى حط زيت معدنى 5000 افضل
وممكن لو حد يعرف زيت الفيتيس بكام واحسن نوع ايه ؟ وكمان سعر طقم الدبرياج
وايه هيا اجزاء طقم الدبرياج ؟ اسطوانه وديسك ولا دول حاجه تانيه ؟
وعلى فكره الفيتيس مفهوش بوش لكن انا اللى كنت عنيف معاه زمان ده الى اقصده وشكرا ليك استاذ شربينى على اهتمامك وردك

لا شكر على واجب يا أستاذ حماده , دا واجبنا إتجاه بعض
هو أولاً زيت الماتور ملوش علاقه بالدبرياج بتاتاً , فلو جامد شويه فممكن تخلى واحد بتاع عفشه يبصلك عليه يمكن يكون عايز يظبطله ظبطه كدا
أما زيت الماتور , فزيت موبيل ال 10000 غالى على الفاضى ومهوش كويس خالص ( برده بناءاً على تجربة الأعضاء ) أما المعدنى ال 3000 او ال 5000 ( إذا كان فى 5000 ) فدا كارثه طبيعيه لوحده ( أنا عن نفسى مجرب ال 3000 وكان سىء بصراحه ) و متفكرش فيه من الأساس , عندك شركات زيوت كتيرة محترمة منها :
1/ كاسترول ماجناتيك نصف تخليقى , و دا الى فى عربيتى حالياً وبسم الله ما شاء الله عليه كفاءته عاليه جدا و ممتاز ( ودا الى شركة فولكس بتوصى بيه لعربياتها عموماً ) دا غير إن فى منها برده زيوت للفتيس بس انا معرفهاش الصراحه هيه موجوده فى الموقع بتاعها بس , و مسمعتش حد قال عنها حاجه , وتدعى Castrol Syntrax Universal Plus 75W-90 ههههههههههه
2/ ليكوى مولى , ودا زيت ألمانى نظيف جدا وفى اعضاء كتير اثنوا عليه و شكروا جامد فيه , و ممكن تخش على الموقع بتاعهم وتكتب موديل عربيتك وهما يقولولك على الزيت المناسب لسيارتك برده ( وعلى فكره داخل فى دا كمان باقى زيوت العربيه من زيت فتيس و زيت باكم و زيت باور , دا طبعا فى حالة عدم قدرتك على الحصول على زيت الباور الأخضر الاصلى بتاع فولكس من توكيل فولكس بس على فكره زيت ليكوى الخاص بالباور أخضر برده ويعتبر نفس لزوجة الأصلى بالظبط ) وباقى الزيوت متواجده عادى , ممكن تبص على الإعلان الى فى أعلى الصفحه الخاص بهم
3/ فالفولين أعتقد إنه ألمانى برده و إنة جودته نظيفه و مناسبة لفولكس برده , وله إعلان فى اعلى الصفحة برده و فى التلفزيون ههههههههه
4/ فيسكو ودا من نفس شركة كاسترول ( BP ) و تصنيع إماراتى برده , وناس كتير كانت بتستخدمة قبل ما كاسترول تنزل مصر بإعتباره البديل ليه , وتجيب إبتداء من 3000 كم
5/ شــــــــــــــيــــل , وهو يعتبر أخر خيار أدامك لانه أوروبى ( إتحاد أوروبى تقريباً ) و أحسن من موبيل بكتيييير ( دا على رأى الأعضاء أيضاً )

وربنا يوفقك

بالنسبة لطقم الدبرياج فاعتقد إنه حاجه تانيه غير الأسطوانة والديسك

شكرا استاذ شربينى تانى مره وربنا يكرمك يا رب وشكرا الف شكر على المعلومات انا لسه مغير الزيت من حوالى 2000 كيلو حمشى بيه شويه كمان ( على الاقل ابقى استفدت بفلوسى فيه ) وبعدين ان شاء الله اغيره وحروح لبتاع عفشه زى ما قولت يبصلى على العفشه بالمره وكمان اقوله على الدبرياج التقيل المشكله انى لسه مش عارف انهو صنايعى بيشتغل فى ايه

1- تلف الأسطوانة (الأكثر شيوعاً) :
- وده بيكون في شكل ضعف في سحب العربية بشكل عام وعلى المطالع والتحميل بشكل خاص .
- سخونة زايدة وغير مبررة للمحرك .
- رائحة غريبة تشبه رائحة إحتراق الكاوتش وخصوصا عند بداية التحرك وعند المطالع .

2- تلف البلية : ودي بتسمعلها صوت شوشرة وتحس بيها في الفتيس ولما تدوس دبرياج الصوت يروح .

3- تلف الديسك : وده بيكون في صورة زيادة لنشوفية دواسة الدبرياج وممكن يصحبه صوت تزييق .

وتلف أيهم بيأثر على المجموعة بالسلب ويقلل عمرها الأفتراضي .




دى معلومات قريتها فى المنتدى من عضو اسمه المهندس احمد رياض كده انا اتأكدت انى عايز اغير الحاجات دى
ههههههههههههههههههههههههه هههههههههههههه
بس الشيخ ابراهيم عندنا فى اسكندريه فى المندره قالى استنى لما تستهلكهم خالص عشان انت لسه بتتعلم ولو غيرت برضه حيبوظو بسرعه فانا استنى لما يجييبوا اخرهم خالص

المشاركة الأصلية كتبت بواسطة hamada_elzayat

شكرا استاذ شربينى تانى مره وربنا يكرمك يا رب وشكرا الف شكر على المعلومات انا لسه مغير الزيت من حوالى 2000 كيلو حمشى بيه شويه كمان ( على الاقل ابقى استفدت بفلوسى فيه ) وبعدين ان شاء الله اغيره وحروح لبتاع عفشه زى ما قولت يبصلى على العفشه بالمره وكمان اقوله على الدبرياج التقيل المشكله انى لسه مش عارف انهو صنايعى بيشتغل فى ايه

يا سيدى الله يخليك و يكرمك , لا شكر على واجب
وبعدين أيوه طبعا خلص عدد كيلواته للأخر وبعدين غيره إن شاء الله
أنا كان قصدى على المره الجايه إن شاء الله مش تروح على طول تغير إلى عندك ههههههههههه
بالنسبه للصنايعى فميجراش حاجه لو صبرت شويه على ما تسأل على واحد كويس عشان مترجعش تروح لواحد يخليك تلبخ أكتر ما انت

ربنا يوفقك إن شاء الله

المشاركة الأصلية كتبت بواسطة hamada_elzayat

1- تلف الأسطوانة (الأكثر شيوعاً) :
- وده بيكون في شكل ضعف في سحب العربية بشكل عام وعلى المطالع والتحميل بشكل خاص .
- سخونة زايدة وغير مبررة للمحرك .
- رائحة غريبة تشبه رائحة إحتراق الكاوتش وخصوصا عند بداية التحرك وعند المطالع .

2- تلف البلية : ودي بتسمعلها صوت شوشرة وتحس بيها في الفتيس ولما تدوس دبرياج الصوت يروح .

3- تلف الديسك : وده بيكون في صورة زيادة لنشوفية دواسة الدبرياج وممكن يصحبه صوت تزييق .

وتلف أيهم بيأثر على المجموعة بالسلب ويقلل عمرها الأفتراضي .




دى معلومات قريتها فى المنتدى من عضو اسمه المهندس احمد رياض كده انا اتأكدت انى عايز اغير الحاجات دى
ههههههههههههههههههههههههه هههههههههههههه
بس الشيخ ابراهيم عندنا فى اسكندريه فى المندره قالى استنى لما تستهلكهم خالص عشان انت لسه بتتعلم ولو غيرت برضه حيبوظو بسرعه فانا استنى لما يجييبوا اخرهم خالص

بس على فكره معلومات مفيده ما شاء الله
وبعدين متتأكدش ولا حاجه الله اعلم , أما تبقى تروح بس لعفشجى وتشوف ساعتها إيه النظام و ربنا يستر إن شاء الله
و برده الشيخ إبراهيم كلامه معقول جداً , فعلا ممكن تستنى شوية لما تلاقى نفسك بقيت متمكن فى العربيه و إحساسك بيها على ساعتها بقى تبقى تفكر تغير الكلام دا إن شاء الله
وبعدين فى معلومه كانت إتقاليتلى و أنا بتعلم سواقه برده , إن لو انا فضلت سايب رجلى على الدبرياج او بمعنى اصح مريحها على الدبرياج وانا ماشى سنه صغيره كدا إلى إنت ساعتها بتبقى مفكر إنك سايب الدبرياج للأخر دى فاهمنى ؟ دى بتجيب إسطوانه مع كتر طبعا الدوس

بس إلى أنا عايز اعرفه , هى الأسطوانه دى مبيبقلهاش علاقه بالماتور خالص و لا بيبقلها علاقه بس من بعيد شويه , لأن أنا خايف إن موضوع تغيير الأسطوانه دا يبقى له أثر سلبى على الماتور وأداءه