الي جميع مالكي الفيرنا استفسار من حضارتكم

**semihuman** · 05-07-2008 04:02 PM

حد ساق فيرنا المصري و الفيفا؟
طيب
هل في فرق في نعومه الماتور بين الفيفا و الفرنا؟
و استهلاك البنزين؟(علي اساس دي 1600 16v
والفيفا 1500 12v)
والثبات و العفشه زي بعض؟
متشكر مقدما

**MEDO80** · 05-07-2008 04:15 PM

موتور المصري تكنولوجيا اعلي و اداء اقوي و بعدين ملهوش علاقة بالتقفيل ( ال 1600) لان الموتور بيجي متقفل من كوريا و يا دوبك يتركب في مصر
الباقي الله اعلم بس عفشة المصري ظريفة جدا جدا لاني اعرف ناس كتير عدت ال 50 الف و لسة ما غيروش اي حاجة و العفشة جميلة معاهم جدا بس المواظبة علي التربيط و الزوايا و الكلام دا و دا طبيعي

**Nile_Storm** · 05-07-2008 06:39 PM

فعلا موتور ال 1600 احدث و خد جوائز قبل كده
و استهلاكه للبنزين جيد جدا

**semihuman** · 05-07-2008 08:29 PM

انا بس الي مضايقني اني مش بحب شكل الفيرنا المصري بحب شكل الفيفا اكتر

**MEDO80** · 06-07-2008 01:11 AM

اما الشكل دا اذواق و لوني اعرف معظم الناس بتفضل شكل المصري

**kind** · 06-07-2008 07:23 AM

الفيفا سحبها وتسارعها احسن ومحدش يسألنى ازاى اللى مش مصدق يجرب الاتنين ويسوق والفيفا استهلاكها فى البنزين كويس جدا وعفشتها ناشفه بس فى نفس الوقت بتحس بنعومه كبيره جوه العربيه الفيفا صوتها منخفض جدا القيفا ثباتها ممتااااز بجد انا فى النقطه ده بالذات بأكد ان ثباتها ممتاز ده غير ان الفيفا فى رأيى الشخصى شكلها افضل

وفى النهايه ده اذواق

**MEDO80** · 06-07-2008 02:41 PM

كل واحد بيدافع عن عربيتة

**MEDO80** · 06-07-2008 02:48 PM

و الجري اول مره اسمع حد يقول الفيفا سحبها احسن عموما دية تفرق في البنزين و الاوكتان و السواق و الطريق و الزيت بس الموتور المصري موديل و تكنولوجيا اعلي من الهندي و دية حاجة معروفة الفيفا دية الاكسنت موديل 2002 و الفيرنا هيا الاكسنت السنوات الي بعد كدا و الموتور ال 1600 موتور جديد هوا الي راكب في الالنترا 2006 و الماتريكس و الكوبية يبقي ازاي موتور الهندي افضل ؟
الهندي افضل في التقفيل
اما الاتزان واحد الفرق في الزوايا و الترصيص و مقاس العجل و الطريق الي انت ماشي علية انما التصميم مفهوش الفرق الرهيب دا
الاشيك بقي دية اذواق
العفشة بقي و دية نقطة تميز في المصري و انا اتكلمت عنها قبل كدا في المشاركات مفهاش كلاممممممممم الناس كلها معدية ال 50 الف و في ناس وصلت 70 و 80 الف مغيروش اي حاجة و العفشة تحفة رغم ان الشوارع سيءه جدا في اسكندرية
عفشة الهندي مش عارف اية نظاتمها علشان احكم عليها مش اعرف ناس كتير جابوها و بعدين الي جابها لسة جديدة معاه

**MEDO80** · 06-07-2008 02:56 PM

بالمناسبة هيا الهندي فيها 1600؟
طيب الاسعار دلوقتي بقيت بكام المصري و الهندي
انا اعرف ان المصري فول اوبشن مانيوال 72 الف طيب الهندي ايه الدنيا ؟

**kind** · 06-07-2008 04:04 PM

و الجري اول مره اسمع حد يقول الفيفا سحبها احسن عموما دية تفرق في البنزين و الاوكتان و السواق و الطريق و الزيت بس الموتور المصري موديل و تكنولوجيا اعلي من الهندي و دية حاجة معروفة الفيفا دية الاكسنت موديل 2002 و الفيرنا هيا الاكسنت السنوات الي بعد كدا و الموتور ال 1600 موتور جديد هوا الي راكب في الالنترا 2006 و الماتريكس و الكوبية يبقي ازاي موتور الهندي افضل ؟
الهندي افضل في التقفيل
اما الاتزان واحد الفرق في الزوايا و الترصيص و مقاس العجل و الطريق الي انت ماشي علية انما التصميم مفهوش الفرق الرهيب دا
الاشيك بقي دية اذواق
العفشة بقي و دية نقطة تميز في المصري و انا اتكلمت عنها قبل كدا في المشاركات مفهاش كلاممممممممم الناس كلها معدية ال 50 الف و في ناس وصلت 70 و 80 الف مغيروش اي حاجة و العفشة تحفة رغم ان الشوارع سيءه جدا في اسكندرية
عفشة الهندي مش عارف اية نظاتمها علشان احكم عليها مش اعرف ناس كتير جابوها و بعدين الي جابها لسة جديدة معاه

انا معاك ان الموتور اعلى بس مش هتفرق فى حاجه اوى عشان انتا عارف الزحمه عندنا عامله ازاى
بالنسبه للعفشه ممتازه برده زى عفشة المصرى(مع ان فى ناس اشتكت ان المصرى منخفضه اوى عن الفيفا وبتحك) وانا مش بشكك فى المصرى بس مش عاجبنى فيها التقفيل والثبات عشان الناس اللى معاهم المصرى بيقولو ثبات وتقفيل الفيفا احسن وفى ناس قالت سحب الفيفا احسن بس مش مشكله النقطه ده ممكن ترجع لعوامل كتيره

بالمناسبة هيا الهندي فيها 1600؟
طيب الاسعار دلوقتي بقيت بكام المصري و الهندي
انا اعرف ان المصري فول اوبشن مانيوال 72 الف طيب الهندي ايه الدنيا ؟

الفيفا هاف عامله 65.5 على اخر الاخبار بس سمعت ان هيا زادت تانى
الكامله داخله على ال 70 دلوقتى 69.750

الموضوع: الي جميع مالكي الفيرنا استفسار من حضارتكم

LinkBack

أدوات الموضوع

عرض

؟ -

-

-

-

-

-

-

المواضيع المتشابهه

مشروع مشاركة من جميع مالكي الفليشيا بالمنتدي

عاوزة استشير حضارتكم

استفسار من مالكي 131

إلى مالكي الفيرنا - فيفا : افتح تابلوة سيارتك

الي مالكي الفيرنا سؤال بخصوص العفشة و الطنابير؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة