ركنت مكان واحد ورجعت لقيته سايب ذكرى على العربية

**m_adeleid** · 06-10-2012 12:29 AM

الناس بتتكلم بأقتناع غير طبيعي و منتهي الرضا عن النفس و يقولك
مكاني-تحت بيتي-حركن بعيد يعني
انا مشفتش انانيه زي دي بصراحه
يعني انت فاكر اننا عايشين علشان نرضي جنابك مثلا
يا فندم منك له كل اللي تملكه في البلد دي (بيتك (لو كان ملك)-عربيتك-هدومك-فلوسك-عفشك(لومش كاتب قايمه)-....الخ)
غير كده متملكش حاجه في البلد دي ولا تجرأ انك تنسبها لنفسك
فوقو من الوهم اللي انتو عايشين فيه و متدوش نفسكوا اكتر من الحجم اللي تستحقه
عايز بقي اشوف اللي حتاخده العزه بالاثم لما ييجي يرد عليا و نشوف باقي الامراض

**K.Ossama** · 06-10-2012 01:02 AM

لا حول ولا قوه الا بالله

**hossam_elwani** · 06-10-2012 01:15 AM

زى ما الست ليها بيتها وبس العربيه كمان ملهاش الا جراج وبس تحياتى وربنا يصبرنا على الاشكال القذره المريضه الى بتعمل الافعال المريضه دى

**amr_8800** · 06-10-2012 02:27 AM

والله يا جماعه موضوع الركنه ده بقا حاجه مقرفه بجد
بس احنا عندنا في الشارع كنا عملين حاجه حلوه وكانت مريحانا جدا
كان عندنا مشاكل من الركنات وناس بتقفل على ناس وناس بتركن قدام جرشات ناس وحجات من دي كتييير اوي
وفي يوم من خمس سنين كده اتجمعنا كل سكان الشارع الي عندهم عربيات واتفقنا ان كل واحد هيركن في المكان الفلاني وخلاص كل واحد عرف مكانه والدنيا بقت تمام اوي والناس كلها ملتزمه
بقت على قد لو حد غريب او مش من المنطقه ركن مكاني مثلا مكنتش انا بركن مكان حد وكان في حتتة ارض فاضيه في اول الشارع كنت بروح اركن فيها وكذلك بيحصل مع اي حد مكانه بيتاخد من حد غريب
وكنا مستريحين والدنيا زي الفل
لغاية ما جارنا ربنا يسامحه بقا هو بيته زي بيتنا 6 ادوار زي ما القانون والترخيص بتقول انك مينفعش تبني في الشارع هنا اكتر من 6 ادوار
المهم الباشا طقت في دماغه وراح باني 5 ادوار مخالف بقا بيته 11 دور
5 ادوار في الدور شقتين يعني 10 شقق وطبعا اجرهم والناس الي ساكنين جم بعربيتهم طبعا الشارع زاد فيه 12 عربيه من الاخر مبقاش فيه خرم تقف انت فيه مش تركن عربيتك
لدرجت ااني بقيت مبعرفش اتأخر بره عشان ارجع الاقي مكان اركن فيه يعني لو جت عليك الساعه 11 وانت بره خلاص بقا انسى انك تلاقي خرم تركن فيه (طبق عربيتك وشيلها فوق الدولاب)
ورجعنا تاني لنقطة البدايه

**graffittiii** · 06-10-2012 04:18 AM

والله يجماعة اللي بيحصل ده طبيعي جدا طالما إحنا بنبني البيوت بمزاجنا ومافيش تخطيط لأي حاجة ...

المشاركة الأصلية كتبت بواسطة m_adeleid

الناس بتتكلم بأقتناع غير طبيعي و منتهي الرضا عن النفس و يقولك
مكاني-تحت بيتي-حركن بعيد يعني
انا مشفتش انانيه زي دي بصراحه

علي فكرة ياباشا الموضوع موضوع أمن فقط لاغير ....
ولا أي حد يفرق معاه يركن ف أي حته ....
لو الدنيا أمان كان كل واحد رمي عربيته ف أي شارع قريب وخلاص ....
لكن كل واحد دلوقتي بيحاول يخلي عربيته قريبة بقدر الإمكان علي أمل أنه يسمع صوت الإنذار أو يبص عليها من وقت للتاني ....

المشاركة الأصلية كتبت بواسطة amr_8800

لغاية ما جارنا ربنا يسامحه بقا هو بيته زي بيتنا 6 ادوار زي ما القانون والترخيص بتقول انك مينفعش تبني في الشارع هنا اكتر من 6 ادوار
المهم الباشا طقت في دماغه وراح باني 5 ادوار مخالف بقا بيته 11 دور
5 ادوار في الدور شقتين يعني 10 شقق وطبعا اجرهم والناس الي ساكنين جم بعربيتهم طبعا الشارع زاد فيه 12 عربيه من الاخر مبقاش فيه خرم تقف انت فيه مش تركن عربيتك
)
ورجعنا تاني لنقطة البدايه :s_thum1[1]:

هو ده ياعمرو باشا ....

بنبني بمزاجنا كل بيت بابه من ناحية غير التاني ....
وبنحدد عرض الشارع بمزاجنا ...
وبنحدد عدد الأدوار بمزاجنا ...
وبنتحايل علي القانون لما يخصص مساحة للجراج ف كل بيت ...
لازم طبعا نتخانق علي الركنة ...

**bmya** · 06-10-2012 04:25 AM

انه زيت الباكم اللعييييييين لعنه الله على اللي عملها اياكش عربيته تولع يرجع يلاقيها مولعه

**blazer** · 06-10-2012 10:13 PM

المشاركة الأصلية كتبت بواسطة graffittiii

علي فكرة ياباشا الموضوع موضوع أمن فقط لاغير ....
ولا أي حد يفرق معاه يركن ف أي حته ....
لو الدنيا أمان كان كل واحد رمي عربيته ف أي شارع قريب وخلاص ....
لكن كل واحد دلوقتي بيحاول يخلي عربيته قريبة بقدر الإمكان علي أمل أنه يسمع صوت الإنذار أو يبص عليها من وقت للتاني ....

ملهاش علاقة بلمان ولا باى بطيخ ,, لو ربنا كاتب ليك حاجة هتشوفها ,, انما انك تأذى الناس بحجج زى الامان وانى ابص من الشباك اشوف العربيه تحت

اسمحى لى دا كلام فارغ

وحسبى الله ونعم الوكيل مره تانية
بس ان جيت للحق
العيب مش على اى حد بيعمل كدا
لما يبقى فيه قانون الى يعمل كدا يتغرم 5 الاف جنية هتلاقى كل واحد فيهم نازل يفك الحديدة من نفسة

عشان للاسف احنا شعب جبان يخاف ميختشيش

**graffittiii** · 07-10-2012 03:50 AM

المشاركة الأصلية كتبت بواسطة blazer

ملهاش علاقة بلمان ولا باى بطيخ ,, لو ربنا كاتب ليك حاجة هتشوفها ,, انما انك تأذى الناس بحجج زى الامان وانى ابص من الشباك اشوف العربيه تحت

اسمحى لى دا كلام فارغ

هو ده الجزء الوحيد اللي حضرتك شايف إن هو بيمثل وجهة نظري ؟؟

بص ياباشا خلينا نتفق الأول أن أنا ماكنتش بتكلم عن نفسي ....
دا بما إنك أستعملت كلمات زي (( تأذي الناس ... وكلام فارغ ... وتقريبا حسبنت عليا بعد كده !!!

)) ..
أنا كده كده العربية ف جراج ولا يفرق معايا ....

أنا كنت بفسر الناس ليه ممكن تكون حابه تركن تحت بيتها ...

سعادتك بتقول ملهاش علاقة بأمن ولا ______ ... ومع ذلك الناس زمان كانت بتركن ف أي حته عادي ...
دلوقتي بقو بيتمسكو بالمكان أكتر تفتكر إيه السبب ؟؟...

أنت مش هتروح تقنع كل واحد أن لو ليك نصيب ف حاجة تخدها حتي لو تحت بيتك ...

خلينا نفكر براحة كده ...
كون تفكيرهم غلط وغير قانوني مايمنعش أننا نشوف ليه بيعملو كده ...
أنا شايف إنهم بيعملو كده لسببين :
1- غياب الأمن ..
2- هل من المنطقي أن أنا لو رجعت مثلا لقيت ال 7 شوارع اللي حوالين بيتي والشارع اللي انا ساكن فيه مافيهمش مكان أركن فيه ...
لما أنزل الصبح أخد تاكسي مثلا عشان أوصل لعربيتي ف المكان اللي هي فيه ولا إيه الحل ؟؟؟

أنا لا قولت نحط حديد ولا نحجز مكان علي فكرة ......

ولا حتي قولت أن السببين اللي فوق دول مبرر بس هما أدو لنتيجة وهي أن الناس عملت كده ...

انا قولت أن اللي بيحصل ده طبيعي طالما مافيش تخطيط لإن يكون في مكان مخصص للجراج ف كل بيت حسب عدد الشقق ...
.

**أحمد كمال** · 07-10-2012 04:05 AM

طيب لو كل واحد حجز قدام بيته و محله اما هيروح مكان تاني عشان اي حاجة (زيارة اقارب, مشوار, البنك, الطبيب ....... الخ الخ) هيركن فين ؟ ماهو الاماكن اللي هناك برضه ليها اصحاب و مش اقل منك و عايزين يركنوا قريب و انت برضه غريب عليهم .......

-

الموضوع: ركنت مكان واحد ورجعت لقيته سايب ذكرى على العربية

LinkBack

أدوات الموضوع

عرض

-

-

-

-

-

-

المواضيع المتشابهه

عشان ركنت دقيقة ، الكوتش اتضرب بسكينة ! و عملت محضر ورجعت حقي !

خلاص ركنت العربية

ورجعت من السفر (عرفت إيه مشكلة العربية)

مكان واحد فية كل حاجة

مشاكل مع البطارية لو ركنت العربية يوم او اتنين

الكلمات الدلالية لهذا الموضوع

المفضلات

المفضلات

ضوابط المشاركة