المشاركة الأصلية كتبت بواسطة mah_khourshid
حكايتي بدأت من 3 شهور لما كاوتش المساحات اتاكل ولاحظت من اجمل اعضاء حائزي الفلونس ان معظمهم ويكاد يكونو كلهم حصلهم نفس الموضوع ... وفي صيانه ال 20000 من شهرين تقريبا سئلت في توكيل العبور عن المساحات قال لي الاتنين ب 600 جنيه او اكتر للاسف مش فاكر بالظبط وقالي كمان هترخص قريب جدا فقلت استني شويه احنا كده كده في الصيف مش فرقه وكنت لما بحتاج انضف الزجاج بتعامل بحته قماشه و خلاص :H_angry[1]:
المهم من يومين الدنيا مطرت جامد وطبعا لما المساحات اشتغلت ماشوفتش اي حاجه :untitled: و وقفت عل جنب 20 دقيقه لحد لما المطره خلصت تماما وجبت الفوطه تاني وعملت الزجاج علي اد مقدرت عشان اقدر اسوق ومن هنا قلت كفايه اوي لحد كده كانت الساعه 4:30 كلمت التوكيل قالي المساحه الواحده ب 250 جنيه من غير الضريبه !!!!!! ....... طبعا كتير اوووووي وكمان المخزن كان قفل.
كلمت ولاول مره اكلمهم الميكانيكيون العرب قالي موجوده ب 400 جنيه فقلت شكلها كده شيء ولابد منه فتوكلت علي الله واتجهت علي الميكانيكيون العرب وطلبت منه المساحات وياريتني ماطلبت لانه جابلي علبه ملهاش اي داعوه برينو فبقله هي دي اصليه قالي طبعا ياباشا فدورت علي اي كلمه او علامه لرينو تخيلو قريت ايه ؟ لقيت المساحات دي مكتوب علي العلبه بتاعتها فيات بونتو وجراند بونتو فقلتلو ايه ده ؟؟؟ قالي هيه والله بتاعت الفلونس حتي هوريك فطلعها شكل الكاوتش نظيف جدا ونفس المقاس وتركب عادي بس الكفر البلاستك العلي الكلبس بتاع المساحات بتاعت الفلونس مش موجود قلتلو دي مش مساحات الفلونس وبصراحه استخصرت وشكرا وسلام :)
امبارح الصبح اتجهت الي توكيل المقطم الساعه 8:30 لما فتحوا قالولي مفيش غير فرده واحده بس (اليمين الصغيره) ب 250 جنيه (انا طبعا عايز الاتنين) فكلمت العبور قالي نفس الكلام برده اليمين بس هيه الموجوده (متفهمش فيه ايه انا عندي الاتنين باظو ) سألتهم مفيش اي حد ممكن الاقي عنده المساحات؟ قالي المحل الفي الدقي الكان ملك الفلوينس الاستاذ \ بوكلا قلنا عليه في موضوعه الشيق والقيم جدا رابطة حائزى فلوينس سيدان و ميجان هاتش باك 3 --مشاركات 2011 وكتر خيره كان كاتب نمره التليفون فتصلت بيهم قالولي لسه خلصانه برضه وهتيجي بعد يومين وانا مستعجل ...... فقررت اني اتبهدل شويه مانا كده كده واخد اجازه عشان خاطر البرينسيسه هانم الفلوينس واتجهت لشارع دمشق في الكربه وسألت جميع موزعي رينو وللاسف الي عارف مساحات الفلونس بيقول ان عليها اقبال جامد وبتخلص علي طول ... لحد مواحد ابن حلال قالي روح جسر السويس عند واحد اسمه ميشيل حليم (رينو هوم) واتجهت اليه فورا وأول مسئلته قالي انت حظك حلو :) انا جايبها وموجوده في شنطه العربيه وسعرها 175 جنيه (جميييييل جدااا انا مكنتش مصدق لحد ممسكتها بأيدي) الاستاذ هاني ميشيل حليم راجل محترم جدا جدا جدا وقالي كمان لو اي حاااااااجه انت احتجتها من التوكيل للفلونس انا ممكن اجبهالك (لانه ليه تخفيض جامد علي حسب مبيقول) بس بصراحه بعيد عن اني لقيت المساحات عنده انا استريحتله جدا عشان زوقه وطريقه كلامه معايه في منتهي الزوق
انا عارف اني طولت جدا عليكم بس احنا اتعودنا في المندي ان ننقل كل حاجه في سبيل ان حد يستفيد
وشكرا ليكم جميعا