رابطة حائزى فلوينس سيدان و ميجان هاتش باك 3 --مشاركات 2011

**bukla** · 02-10-2011 10:30 AM

المشاركة الأصلية كتبت بواسطة hkandil

السلام عليكم
يوم الخميس الماضي 29-09 كنت واقف عند النادي الأهلي مدينة نصر -يمين طريق الأتوستراد - خرجت من النادي الساعة 11.00 مساءا لقيت واحد ابن تيت كاسر الهواية اليمين الخلفية ,بس الحمد لله ما عرفش يفتح السيارة علشان الأمان ,ودورت طبعا عليها يوم الجمعة والسبت واتصلت بالوكيل - قال لي ان الهواية موجودة ب 440 جنيه شاملة الضريبة وسالت بره عند الثلاثي في شارع الطيران قال لي الزجاج التفصيل ب 40 جنيه و التركي (مش موجود في الفترة الحالية وممكن يكون موجود علي نصف الشهر) و طبعا الحاجة مرة عملت الزجاج التفصيل.
والحمد لله علي كل حال

لا حول و لا قوة الا بالله قدر الله ما شاء فعل
الحمد الله انها جت على قد كده و ارجوك حاول بعد كده تركن فى مكان فيه حركه من الناس (فى الشارع اللى جوه قدام النادى او قدام المحلات اللى فى مواجهة النادى) علشان ماتخليش حد يفكريكسر حاجه و عيون الناس الى راحه و جايه على العربيه
ان شاء الله لما تغير الزجاج ابقى احكى لينا عملته ازاى و فين و بكام علشان لا قدر الله لو حد مننا حصله كده يبقى عارف ممكن يتصرف ازاى
بالتوفيق ان شاء الله

**bukla** · 02-10-2011 10:43 AM

المشاركة الأصلية كتبت بواسطة horas3000

زي ما الرجاله قالوا ده النبيتي يا زعيم
و ده نفس لون عربيه اختي
ناقص بس الحكات في الاكصدمات ورا و قدام و ده هيحصل هيحصل

اشكرك يا باشا ما شاء الله لون جميل فعلا
اما الحكات بقى فكلنا لها طالما انك فى بلدنا الجميله
ربنا يهدى الناس و يهدينا جميعا

**m.bialy** · 02-10-2011 04:46 PM

الساده الافاضل ملاك الفلوينس...بعد الكثير من البحث قررت اشتري فلوينس ان شاء الله..بس محتار بين 3 الوان..الفضى او الفبراني او لون اسمه اويستر جراي..يا ريت لو حد عنده اللون الاخير ده يرفع صوره للعربيه لأني ما شفتوش على الطبيعه . و شكرا لكم جميعا لأني استفدت كثيرا من المنتدى و المناقشات و ده كان عامل مهم في اختياري للسياره.

**bukla** · 02-10-2011 08:28 PM

المشاركة الأصلية كتبت بواسطة elsewedy

يا شباب محتاج نصيحتكم ضرورييييييييييييييييييييي يييي

بصراحة كدة لو موضوع فارق السعر بين الفنتازيا و الفلونس مش فارق معايا أوي يعني فلوس الأثنين متوفرين

تنصحوني بأيه لوجه الله عشان فعلا محتار جدااااااااااااا

أنا مش بتاع جري و سواقتي هادية و مش ناوي أغير العربية قبل 5 سنين

و أيه أخبار فرق التوكيلات و قطع الغيار؟

و حد يعرف لو كانت الفنتازيا لازم بنزين 95 عشان دا عامل مهم

و أسف على الأطالة

ربنا يوفقك ان شاء الله فى اختيارك بس لازم حضرتك تقول الحد الاقصى اللى ممكن تدفعه كام لانك لو ماعندكش مشكله فى انك تجيب اعلى فئه فى الفانتازيا و تدفع فرق فلوس حوالى 40 الف جنيه عن اعلى فئه فى الفلوينس يبقى توكل على الله و جيب الفانتازيا بدون تفكير لكن لو ناوى على اول فئه فى الفانتازيا يبقى لازم تفكر كويس لان الاوبشنز اقل فى الفانتازيا اول فئه عن الفلوينس الفئه الثانيه اتوماتيك و فرق الفلوس (25 الف جنيه) اما فرق الاوبشنز فقط بين اعلى فئه فى الفلوينس و اول فئه فى الفانتازيا كبير قوى
استخير و توكل على الله

المشاركة الأصلية كتبت بواسطة Salsaa

هوة ده!!! اعتقد المشكلة فعلا كانت فى فتحة التكييف .. اما تكون فتحة التكييف اللى ناحية الرجلين مفتوحة و التكييف مقفول بتدخل هوا سخن (وده طبيعى بصراحة) .. انا جربت امبارح اقفل فتحة التكييف دى وامشى بيها من غير تكييف .. الصهد ماكنتش حاسس بيه .. بس محتاج اجربها كمان انهاردة عشان اتاكد ..

بالنسبة للأرضية .. فعلا هية متغطية بموكيت لغاية تحت الدواسة .. بس لو طلعت فوق شوية كمان (المكان ده يعتبر تحت التابلوه) .. هتلاقى مفيش موكيت (معرفش ده طبيعى ولا لأ بصراحة) .. و افتكرت ان ده هوة السبب .. بس بتهيألى السبب زى مانت قلت بالظبط ..

امبارح انا طلعت بيها اول سفرية .. ايه ده!!!! ما شاء الله ثبات و عزم و نعومة مفيش بعد كدة .. و بعدين مثبت السرعة ده اختراع .. ده الواحد حاسس انى كنت قاعد جنب السواق .. مش انا اللى سايق

انا فضلت ماشى الطريق كله بمثبت السرعة ( إحداث بقى

) .. فعلا هى دى متعة القيادة زى ما بيقولوا ..

يا باشا ربنا يباركلك فيها و تتمتع بيها لاخر يوم ليها معاك ان شاء الله و الحمد الله انك عرفت الهواء السخن سببه ايه لانى كنت متأكد انه فتحات التكييف زى ما قالك اخونا WAWOO

المشاركة الأصلية كتبت بواسطة m.bialy

الساده الافاضل ملاك الفلوينس...بعد الكثير من البحث قررت اشتري فلوينس ان شاء الله..بس محتار بين 3 الوان..الفضى او الفبراني او لون اسمه اويستر جراي..يا ريت لو حد عنده اللون الاخير ده يرفع صوره للعربيه لأني ما شفتوش على الطبيعه . و شكرا لكم جميعا لأني استفدت كثيرا من المنتدى و المناقشات و ده كان عامل مهم في اختياري للسياره.

ربنا يوفقك ان شاء الله فى اختيارك و صدقنى كل الالوان فيها حلوه
شوف الصوره دى يمكن يكون فيها اللون اللى بتقول عليه

**Abomar77** · 02-10-2011 10:13 PM

الف الف مبروك ياباشا وربنا يديك خيرها ويبعد عنك شرها وشر الحساد ....

اللون الابيض لسه شايفة من يومين تحفة بجد مكنش الواحد متخيل انه يكون بالجمال ده .....

وأجاباتي على اسئلتك باللون الازرق

المشاركة الأصلية كتبت بواسطة arafatehegazy

باركولي يا شباب. الحمد لله استملت الفلوينس يوم الاربعاء. وبجد بشكر كل أعضار صفحة رينو وبخاصة الاخ بوكلا لأنهم خلوني أقتنع بالعربية دي وأشتريها بعد حيره شديدة ومقارنات عنيفة.
ما شاء الله لا قوة الله بالله العربية تستاهل كل جنيه ادفع فيها وأكتر كمان. أبعاد العربية كبيره شوية بس ما شاء الله البور الكهرباء دا حكاية وبيساعد بشكل غير عادي في التحكم ف العربية. فعلا أكنك بتلعب بلايستيشن.
أعتقد اني أول واحد يجيب اللون الابيض من الفلوينس في المنتدي :) . طبعا كله قالي حد يجيب أبيض .... بس بعد ما شافوها على الحقيقه كله اقتنع بجمال اللون الابيض.

أن شاء الله اعمل تقرير عن العربية حتى تعم الفائدة

عندي شويه أسئلة مهمه يا ريت تساعدوني فيها:
1. أول صاينه امتي؟ هل 1000 كيلو ولا 5000 كيلو ( اول صيانة اساسية للعربية هى ال 10000 كم بس لو عايز تشيك على العربية في ال 5000 كم مفيش مشكلة ومجانية كمان )
2. أنا جبت العربية من محمد ذكي. هل لازم أسجل العربيه في التوكيل أو أتصل أعمل اي حاجه؟
(هتروح التوكيل في ميعاد الصيانة القادم وتسجل العربية عندهم بدفتر الضمان )
3. ايه اللي آخد بالي منه في فتره التليين ( العربية بتيجي متلينه بس أحتياطاُ ماتعليش ال rpm عن 3 في اول 1500 كم -- التكييف شغله عادي مفيش مشكلة --- زود الاطارات بالنيتروجين هتحس بفرق كبير - سحب العربية هيفرق معاك جدا بعد ال 3000 لما الكمبيوتر يتعود على سواقتك )
4. أنا بحط بنزين 92 , هل في مشكله وهل لازم يكون 95 في فتره التليين ( الافضل بنزين 95 هيفرق معاك في العربية بس مافيش مشكلة بتاتا لو حطيت 92 بس اهم حاجة تستنضف المحطة ويكون موثوق فيها )
5. هل العربية مفيهاش وحدات رفع فعلا؟ (للاسف مانزلش منها وحدات رفع ومش موجود في التوكيل على ما اعتقد )

معلش تقلت عليكم ( ياباشا ماتقولش كده انت بالظبط فكرتني بنفسي اول ماجبتها ) هههههه

**bukla** · 02-10-2011 11:01 PM

المشاركة الأصلية كتبت بواسطة ArafatEHegazy

باركولي يا شباب. الحمد لله استملت الفلوينس يوم الاربعاء. وبجد بشكر كل أعضار صفحة رينو وبخاصة الاخ بوكلا لأنهم خلوني أقتنع بالعربية دي وأشتريها بعد حيره شديدة ومقارنات عنيفة.
ما شاء الله لا قوة الله بالله العربية تستاهل كل جنيه ادفع فيها وأكتر كمان. أبعاد العربية كبيره شوية بس ما شاء الله البور الكهرباء دا حكاية وبيساعد بشكل غير عادي في التحكم ف العربية. فعلا أكنك بتلعب بلايستيشن.
أعتقد اني أول واحد يجيب اللون الابيض من الفلوينس في المنتدي :) . طبعا كله قالي حد يجيب أبيض .... بس بعد ما شافوها على الحقيقه كله اقتنع بجمال اللون الابيض.

أن شاء الله اعمل تقرير عن العربية حتى تعم الفائدة

عندي شويه أسئلة مهمه يا ريت تساعدوني فيها:
1. أول صاينه امتي؟ هل 1000 كيلو ولا 5000 كيلو
2. أنا جبت العربية من محمد ذكي. هل لازم أسجل العربيه في التوكيل أو أتصل أعمل اي حاجه؟
3. ايه اللي آخد بالي منه في فتره التليين
4. أنا بحط بنزين 92 , هل في مشكله وهل لازم يكون 95 في فتره التليين
5. هل العربية مفيهاش وحدات رفع فعلا؟

معلش تقلت عليكم

الف الف مبروك ربنا يديك من خيرها و يكفيك شرها
انا بس حبيت ابارك لأن اخونا العزيز Abomar77 جاوب عن كل استفساراتك اجابات صحيحه تماما و كمان حابب اهديك الصوره دى لفلوينس بيضاء كنت شوفتها فى التوكيل يوم ما كنت بستلم عربيتى و عجبتنى قوى

ربنا يباركلك فيها و حنسيبك تتمتع بيها شويه بس ماتنساناش بقى فى تقرير مميز بالصور
بالتوفيق ان شاء الله

-

الموضوع: رابطة حائزى فلوينس سيدان و ميجان هاتش باك 3 --مشاركات 2011

LinkBack

أدوات الموضوع

عرض

-

-

-

-

-

المواضيع المتشابهه

رابطة حائزى الفلوينس

مشاركات مفيدة - فلوينس سيدان و ميجان هاتش باك 3

رابطة حائزى ميجان هاتشباك 2 الفرنساوى الاصلى

ميجان سيدان و لا هاتش باك

الكلمات الدلالية لهذا الموضوع

المفضلات

المفضلات

ضوابط المشاركة