الموضوع: فضيحة سكودا و توكيلها

سلام عليكم يا شباب عايز احكي قصتى مع سكودا و مع ارتوك اوتو
انا عندى سكودا رومستر موديل 2009 عاملة 100,000 كم بالتمام و الكمال
من شهر ظهر صوت غريب فى العربية يعنى بكون ماشى 90 و صوت العربية كأنى ماشى 200 و بمجرد ماشيل رجلى من على البنزين الصوت يختفى تماما كأن لم يكن ادوس بنزين يرجع تانىز
المهم توكلت على الله و بعتها التوكيل يوم الربعاء 4-10 الساعة 8 صباحا طبعا بعد مأخدت معاد بالتليفون
و ديت العربية و ضلت مستنى قالولى على الساعة 4 هنكلمك استنيت مافيش تانى يوم مافيش لحد ما ردوا عليا اليوم 7-10 الساعةة 2:30 ظهرا طبعا فى خلال الفترة دى كنت كل يوم اروح اسأل كمان لما وديت العربية مضونى على ورقة فيها كشف عل الفتيس قولت ماشى و مهندسة الصيانة قلتلى هتتكلف 880 ج قولت قدر الله و ما شاء فعل يوم الخميس قالولى دى حاجة بسيطة و هنحتاج قطع غيار مش غالية قولت الحمد لله
النهاردة اتصلوا عاوزيين حوالى 10.000ج قطع غيار للفتيس و مش موجودة فى مصر و هيبعتوا يجيبوها من التشيك فى خلال 15 يوم
قولتلهم يعنى عايزيين قطع غيا بس ب 10,000 دانا ابيعها احسن
بعدين ازاى عربية اقل من عمرها اقل من 3 سنين و ماشية 100,000 كم يبوظ الفتيس بتاعها امال صيانة ايه اللى كل 10.000كم بالبسها و يقولك فولكس و المانى و حاجة بشعة
الغريبة انى لقيت فى التوكيل 3 عربيات كلهم نفس العيب و كلهم اقل من 100,000كم
قولت عايز عربيتى اخدها اخرطها لفلبط قالو مينفعش لازم تتدفع 1000 مصاريف كشف على الفتيس اللى هو قطع غياره مش موجودة اصلان طاب ازاى يا جدعان قالو هو كده عايز تاخد عربيتك تدفع ال1000 ج
افيدونى افادكم الله
دانا واحد صاحب معاه اسبيرانز اتوماتيك و عاملة 150,000كم
انا هتجنن و الحقيقة مش عارف اعمل ايه قولت ابعت ل سكودا مش لقيلهم ايميل او اى حاجة
انا كان معايا لانسر بومة عامل بيها 210,000كم فى 6 سنين بدون اى تصليح الصيانة و بسس
الغريبة ان كان فيه اكتر من شكوى لسكودا فانتزيا مانيوال برضه فى المنتدى معقوله عيوب التصنيع ديه و ازاى ميتحملوش عيوب العربية و ادفعها انا
افيدونى يا جماعة بالله عليكو انا خلاص هتشل

مش لاقى ايميل لسكودا الأم و الأب حتى لو حد يعرف ياريت يقول