بيمراوي جديد وشوية اسئلة عن e90-316

**horas3000** · 07-10-2012 11:19 PM

الف مبروك يا كريم باسا
و ربنا يحفظها لك

و بالنسبه للزيت
اي نوع مكتوب عليه انه مطابق ل bmw ll-04
يبقي موافق عليه من بي ام دبليو
و عموما اغلب العربيات البي ام بينصح لها بزيت 5w-30

**نينو** · 08-10-2012 03:29 AM

الف مبروك يا كريم انا كنت محتاس زيك كدة و مازلت برضو لاني مغير من اوبترا و جبت e46 بس الناس هنا بجد محترمة اوي انا بشكرك و الله العظيم انك عملت منتدي زي ده عندك نوفا و شيكو ناس محترمة جدا و بيحبو يساعدة الناس والاستاذ شريف انا مصدعة معايا بجد و انسان في قمة الاحترام انا روحت عند الشيخ طارق غيرلي زيت بس هو حطلي شيل اصفر انا قولتلو عاوز كاسترول قالي معنديش و خد مصنعية 100 جنيه علي تغير زيت و فلتر و فلتر تكييف و فلتر هواء و البضاعة من عندو خد كلو 600 جنيه و انا بيني و بينك مش مستربح لشيل الاصفر ده خالص للموتور انا انشاء الله هكلم شريف و هسالو علي شوية حاجات عاوز اجيبها لان هو مرجع للبي ام هو و نوفو لتاني مرة بقولك الف مبروك و ربنا يباركلك فيها و يستر طريقك و شكرا يا شيكو و يا نوفو
اخوكم مينا

**titos_81** · 08-10-2012 04:36 AM

الف مبروك يا باشا على العربيه و يكفيك شرها و يديك خيرها ان شاء الله و العربيه كاتينه صلب مش سير يا باشا و موضوع البوجيهات المرطبه دى افتكاس مصرى بحت لما بيركبوا بوجيهات مش بتاعت العربيه و متظبتش معاهم انا ححاول اجبلك نوع البوجيهات بتاعتها و ارقامها فى اقرب وقت

**egyptiandiver** · 08-10-2012 04:46 AM

مبروك عليك

**JapRuleZ** · 08-10-2012 05:15 AM

الف مبروك و ياريت مقارنة سريعة بين ال 316 و ال corolla 1.6

**Ahmed Selim** · 08-10-2012 07:06 AM

ألف مبروك يا كيمو و ربنا يديك خيرها و يكفيك شرها إن شاء الله.

زمان كنت بتعامل مع طارق فوزي ( الشيخ طارق) كان عنده ورشتين واحدة عند كوبري التجنيد بعد الكوبري و أنت جاي من الحرفيين على ناصية الشارع اللى فيه بنزينة التعاون.

و التانية فى الكيلو 4.5 طريق السويس عند بنزينة شل اللى على شمالك و انت رايح السويس.

راجل زى الفل و 100 100...........و أمين لأقصى درجة و مش بتاع فتح شغل.

**novo** · 08-10-2012 11:24 AM

المشاركة الأصلية كتبت بواسطة نينو

الف مبروك يا كريم انا كنت محتاس زيك كدة و مازلت برضو لاني مغير من اوبترا و جبت e46 بس الناس هنا بجد محترمة اوي انا بشكرك و الله العظيم انك عملت منتدي زي ده عندك نوفا و شيكو ناس محترمة جدا و بيحبو يساعدة الناس والاستاذ شريف انا مصدعة معايا بجد و انسان في قمة الاحترام انا روحت عند الشيخ طارق غيرلي زيت بس هو حطلي شيل اصفر انا قولتلو عاوز كاسترول قالي معنديش و خد مصنعية 100 جنيه علي تغير زيت و فلتر و فلتر تكييف و فلتر هواء و البضاعة من عندو خد كلو 600 جنيه و انا بيني و بينك مش مستربح لشيل الاصفر ده خالص للموتور انا إن شاء الله هكلم شريف و هسالو علي شوية حاجات عاوز اجيبها لان هو مرجع للبي ام هو و نوفو لتاني مرة بقولك الف مبروك و ربنا يباركلك فيها و يستر طريقك و شكرا يا شيكو و يا نوفو
اخوكم مينا

شل الأصفر يستخدم فى توكيل البافارية و ممتاز بس لازم تقيس الزيت كل شهر بس كاسترول أفضل
المصنعية كده مش وحشة
ما تنساش تقيس زيت الباور و ممكن تبقى تغيره برضه لو لونه وحش و هتاخد عبوة و نص زيت atf موبيل أو شيل أو ليكوي مولي
ما تنساش تغير زيت الفرامل برضه و مياه الردياتير