الموضوع: الكيك داون النترا 2012

أخي الكريم ..

أسأل زي ما أنت عايز كلنا هنا بنجتهد علشان نفيد بعض



.... منظف الرشاشات (أو دورة الوقود) :

ده شكل العبوة هتلاقيها في محطات البنزين (موبيل أو أمارات)
و بتستخدم كل 5000 كم
و لازم التانك يكون تقريبا فاضي




ده بقي منظف لدورة الوقود كلها و ليس الرشاشات فقط يعني .. (يعني من اول المضخة حتي الرشاشات)
الميزة كمان أنه بيحسن من أداء المحرك و بيرفع من نسبة الأوكتان للبنزين المستخدم

نيجي بقي لطريقة أستخدامه ..

1- يكون التانك تقريبا فاضي (لمبة البنزين منورة)
2- يتم وضع محتوي العبوة داخل التانك قبل ملئه بالبنزين
3- يتم ملء التانك

فيه نوع تاني أنا بأستخدمه كمان ممتاز بس مش فاكر أسمه دلوقتي لما أروح هأجيب لك اسمه

ما انا قولت لك :

- الفرق بين الأسود و الفضي في المسافة المقطوعة : يعني الفضي كل 10000 كم و الاسود كل 5000 كم
- و طريقة الاستخدام : بيتم سكب محتويات العبوة (أيا منهم الاسود أو الفضي) في التانك و هو فاضي (يعني لما تكون لمبة البنزين منورة) و بعدين تمون (تملأ التانك بنزين)

كده المخلوط ده (البنزين + المنظف) هايمشي في دورة الوقود و يدخل الي الرشاشات و يقوم بعملية التنظيف أثناء عمل المحرك لذا أنت مش محتاج أسبراي و لا حاجة و لاتيجي جنب الرشاشات

المشاركة الأصلية كتبت بواسطة hany63

معلش استفسار ياباشمهندس
ايه الفرق اني احطها قبل التفويله او بعدها ؟
ما كده كده الاتنين هيمتزجوا
و بالنسبه لمنظف الدوره هل انت جربته ؟ و هل الفرق واضح بعدها
اصل بيني و بينك الواحد بيخاف شويه مره زمان حطيت منظف الرشاشات و ما عملتهاش تاني

- لا تفرق طبعا أنك تحط العبوة قبل ماتفول التانك .. لأن بضغط المسدس هايحصل تقليب للمنظف مع البنزين و يختلطا ببعض بالظبط كده زي ماتحط السكر في الكوباية الأول و بعدين تسكب عليه الميه غير لما تحط السكر في كوباية مياه مليانه

- أنا علي طول بأستخدمه من أيام ما كان معايا الياريس و الحمد لله مافيش منه اي مشكلة بالعكس بيحافظ علي الرشاشات و فعلا بيرفع أداء المحرك لأن زي ماهو مكتوب علي العبوة فيه محسنات و رافع للأوكتان

أحسن طريقة لأستخدامه كالتالي :
- بعد ماتعمل الصيانة و تغير الزيت حاول يكون تانك البنزين فاضي (يعني اللمبة منورة)
- أستخدم المنظف في تانك البنزين الفاضي (بيتم وضع محتوي العبوة و أنت في المحطة)
- فول التانك علي قد ماتقدر (لأن تركيز المنظف بيكون عالي و يحتاج علي الاقل 21 جالون (يعني حوالي 79.5 لتر بنزين)