الموضوع: بكام تكلفة ظبط الزوايا والترصيص؟

المشاركة الأصلية كتبت بواسطة misoalex

لا طبعا مش اللى انا اشوفه هو الصح هو مش انا اللى اخترعت العربيه
بس حضرتك بتدى نصيحه مش مظبوطه وانا حبيت اصححها لان الراجل كده حيدوخ جدا وحيدخل فى حوارات عشان حد يظبطهاله من تحت وهى ممكن تتظبط من الدركسيون فى اقل من 3 دقائق وانا كنت بعملها بأيدى عند الكهربائى لما كان بيبقى مشغول وملهاش اى تأثير على اى حاجه
ولو حضرتك ليك وجهه نظر تانيه ياريت توضحها يمكن انا اللى غلطان

شوف يا فندم
الراجل لا حيدوخ ولا حاجه
اي بتاع زوايا بيحترم نفسه و صنعته بيظبط عوجه التاره من تحت العربيه وليس من عند الدركسيون
لانه من غير المنطقي اصلا انك تفك طاره الدركسيون
وموضوع اللفات بتاعه الدركسيون ده مش مجال للنقاش اصلا لانه شيء اكيد
انا شايف ان لما حضرتك تسمع معلومه جديده تسأل الاول عن مدي صحتها مش ترفضها ببساطه وخلاص
http://www.nilemotors.net/Nile/69578-a-2.html
دا يا باشا احد الموضوعات اللي بتتكلم عن الدريكسيون والزوايا
اقراه هوا و المشاركات

شفت بقي صاحب الموضوع كان حيدوخ جدا بسبب مين؟
ومين اللي نصايحه مش مظبوطه؟
والاسكاتره مطلعش حد بيقص منها ولا حاجه

المشاركة الأصلية كتبت بواسطة misoalex

لا يا باشا لو حضرتك قرأت الموضوع اللى حضرتك حاطه كويس كنت عرفت ان صاحب العربيه فعلا داخ السبع دوخات عشان يلاقى حد يظبطله الطاره من تحت من غير ما يفكها والناس فضلت توصفله حد يعدلها من غير ما يفكها عشان فك الطاره عنده صعب ياريت تقرأ الموضوع تانى وحتلاقيه فى اخر مشاركه بيقول باركولى لقيت واحد عرف يظبطها من تحت وفضل يعدل فى الطاره ويقصر ويطول فى البارات من تحت


وفيه اخ كاتب فى الموضوع ان واحد لعب فى البارات وعدد اللفات اختلفت لحد ما ظبطها بتاع الزوايا طب يبقى انهى الاسهل من الاول يظبط زوايا العجل ويقيس المسافات بين البارات (تيش الاسكاترا ) ويخلى المسافتين زى بعض عشان عدد اللفات ميختلفش او تبقى عجله مفتوحه وعجله مقفوله
هو مش لما يبقى فيه فى مصر ناس بتعرف تظبط زوايا الاول يبقى فيه ناس تعرف تظبط الطاره من تحت انت فى مصر يا باشا

واخيرا احب اقول لحضرتك ان فيه عربيات قديمه مفيهاش الرجلاش بتاع الاسكاترا اللى بيظبط منه الطاره يبقى دى حيظبط الطاره فيها ازاى ؟؟؟؟؟؟؟؟

عموما انا مش شايف انها غلط خالص لان دى حاجه كل الناس مجرباها ومفيش منها اى خطر لدرجه اننا نقول عليها غلط ومينفعش نعملها

واضح ان حضرتك متعمد تجادل و بس و متعمد برضو متجيبش سيره مشاركات مهندس/ محمد ممدوح اللي عمال يحظر فيها من موضوع تعديل الطاره عن طريق فكها
واللي داخ السبع دوخات ده علشان من الاول الناس ظبطتله الطاره منها و بوظت المسافه بين اليمين و الشمال
و انا في الاول قلتلك انت صح لاني مش بحب اجادل حد
عاوز تعرف المعلومه و تستفيد بيها كان بها
مش عاوز يبقي انت صح
اظبطها زي ماتحب

المشاركة الأصلية كتبت بواسطة MMamdouh


دا العكس هو اللى بيحصل

اصلا الطارة بتبقى فى نص مشوار علبة الدركسيون او السكترة بالضبط... و مع فك الطارة و تركيبها لعلاج الميل بتاع الطارة بتختلف مسافة يمين عن شمال و دة السبب فى ان موضوع فك الطارة غلط

العلاج من التيش ملوش اى دخل بوضعية الطارة فى منتصف السكترة و بالتالى حتفضل الطارة فى النص تماما بالطريقة دى

MMamdouh

طب انا البوب فك الطارة و غير فيها و بعدن ماتظبتتشى غير من تحت و بعدين عدد اللفات أتغير فك الطارة تانى و دلوقتى الطارة فيها ميل شوية ناحية اليمين بس العربية مابتحدفشى.المفروض انا اعمل اية اشوف حد تانى يظبطها ولا مافيش فايدة؟ياريت لو تعرف حد كويس قولى علية انا ساكن فى عين شمس

انت عايز تضبط حاجتين...

اولا تتاكد ان الطارة فى نص مشوارعلبة الدركسيون او السكترة... لف الدركسيون من اولة لاخرة و شوفة كام لفة ... لازم الطارة تبقى عدلة بعد نص عدد اللفات بالتمام و الكمال... لو مضبطتش يبقى تفكها و توسطنها

ثانيا تشوف العربية لما بتمشى فى خط مستقيم بتبقى الطارة فى النص تماما ولا لا... لو مش مضبوطة يبقى تتظبط من تحت فقط

اعتقد اقرب حد ليك هو مركز درش اللى عند حديقة بدر... انا مجربتوش بس فيه ناس شكرت فيه... و عندك fit & fix اللى فى محطة كالتكس ناصية عباس العقاد و النحاس

MMamdouh

ادي اخر مشاركتين في الموضوع
مش شايف باركولي خالص ولا سبع دوخات
ده اخر رد ليا علي جنابك
وبالنسبه لصاحب الموضوع اسف اني دوشتك