رقم العضوية : 1881
تاريخ التسجيل : 23Aug2007
المشاركات : 582
النوع : ذكر
الاقامة : CAIRO
السيارة: ميكروباص الترامكو
السيارة[2]: Fiat REGATA 85s - 1989
دراجة بخارية: لا يوجد
الحالة :
هى الفكره جريئة بس للأسف متنفعش فى مصر و لا فى اى دولة تانى لان ببساطه شديده زى الانسان ما بيتعرف من اسمه و رقم بطاقتة العربيه بتتعرف من رقم الموتور و رقم الشاسية فمينفعش حضرتك تصنع شاسية (حتى لو عندك الامكانيات و المكن و المهندسين و امكانيه اختبارات الامان و حاجات كثير قوى قوى مطلوبة) لانك مش هتقدر تديلة رقم لانك مش مصنع سيارات معتمد ...
المشكله لو عندك فى الصاج (رفارف - ابواب - كبوت - شنطة - صدر العربيه) ممكن جدا جدا تلاقى الحاجات دى استيراد الخارج فى كذا مكان (عزبه شلبى - وكالة البلح - المريوطية - بورسعيد - ...) فيه مليون واحد بيبيع حاجات استيراد ممكن تشترى الصاج كله بسعر مايكملش 3-4 الاف جنيه و تركبه و تسمكره لو فيه مشاكل و تدهنه و بكده بقت عندك عربيه جديده تماماً بس بشرط الشاسية يكون سليم (مش مللوح او ملحوم او فيه زرجينات استعدال بوظت الزوايا و الاتزان)
الفكره البديلة الناجحه هى بيع السيارة بأى ثمن متاح لو كان الشاسية فيه مشكله و ربنا يعوض عليك فى الخساره لانك فى كل الاحوال هتصرف على العربيه و فى الاخر مش هتبقى آمنة و هتفتح منك تانى فى مصاريف فدلوقتى المبلغ اللى هييجى من البيع على المبلغ اللى كنت هتصرفه عليها ممكن يجيبلك عربيه تانى بحاله كويسه او على الاقل بحاله احسن من عربيتك الحالية .. و ربنا يوفقك لما فيه الخير
اللهم ارزقنا علم آدم وعمر نوح وحلم إبراهيم و طاعة إسماعيل وبشرى يعقوب وجمال يوسف
وقوة موسى وبلاغة هارون و ملك داوود وغنى سليمان وصبر أيوب و سماحة عيسى
وشفاعة حبيبك محمد (صلى الله عليه و سلم)
رقم العضوية : 130028
تاريخ التسجيل : 08Oct2012
المشاركات : 29
النوع : ذكر
الاقامة : الاسكندرية
السيارة: لا يوجد
السيارة[2]: 128
الحالة :
بالنسبة للاخوة اللي بيتكلموا عن رقم الشاسيه, رقم الشاسيه مكتوب في الرخصة زي رقم الموتور و يمكن تغيره زي الموتور بالزبط
فيه بند من حقك تعمله في المرور اسمه تلف رقم الشاسيه و ساعتها بتروح تجيب رقم شاسيه تاني و ده بيحصل في حالة الحوادث لا سمح الله, كمان فيه موضوع التكهين اللي انت بتجيب فيه شاسيه و موتور غير اللي في الرخصة اصلا, فموضوع الشاسيه ده مش مشكلة خالص
انا بس علشان فيه بعض الاخوة موصلتش ليهم الفكرة تماما, انا مش بتكلم اني حروح اجيب صاج و اعيد تشكليه, انا بتكلم اني حجيب الصاج بتاع العربية نفسه و يعاد تركيبه فقط لا غير
يعني اجيب شاسيه الشركة و سقف الشركة و ابواب الشركة و رفارف و صدر الشركة و اركبهم مع بعض و يتم بيعهم علي هذا الاساس و صدقوني لو التجارة ديه موجودة في مصر و هي مش مستحيلة حيكون للعربيات اللي رايحة في داهية سعر لان صاحبها مش حيضطر يتعامل مع السمكريه لانه ببساطة تقريبا جاب عربية جديدة تماما
هي فكرة مش سهلة بس انا متاكد ان هيكل بالشكل ده لو موجود او يباع اصلا فمش حيقعد
لو احد الشباب عايز فكرة مشروع جديد فده مشروع جديد, جمع صاج سيارات و ركبه مع بعضه و بيعه و باوعدك اكون اول زبون عندك
المفضلات