الموضوع: تويوتا الكورولا او فورد فوكس او سكودا اوكتافيا

انا هقولك على اعرفه عن الامبريزا و هو قليل شويه

انا شوفتها فى المعرض فرع النزهه عربيه تحفه بمعنى الكلمه شبابيه و شكلها حلو جدا و دفع رباعى و فيها كل وسائل الامان الى عايزها اير باج - ايه بى اس - اى اس بى - اى بى دى و كمان دفع رباعى و موتور بوكسر يعنى العربيه لازقه على الارض بكل ما تحتويه الكلمه من معنى ثبات عالى جدا جدا فى كل الظروف

موتورها بوكسر اهتزازات اقل - مركز ثقل اقل ( مفيش ميكانيكيه كتير بيفهموا فيه بس فى ميكانيكيه متخصصين فيه ) ماتور البيتلز بوكسر و لسه عايشه لغايه دلوقتى

الفتيس بتاعها سى فى تى انا مجربتهاش بس من الكلام عليه فى عربيات تانيه هيقتل التسارع او مش هيخليك تحس بيه دايمه

القعده فى العربيه جوه تحفه و فخمه من جوه و العدادات جميله جدا و مريحه للعين

ممكن تكلم ابو غالى و تسأل عليها رقمهم 19570

و ده الموقع SubaruEgypt.com : Service Center

و كان ليها اعلان نزل فى الاهرام بمواعيد الصيانات و كده و هيه بتغير فلاتر و زيت بس لغايه صيانه ال 75 الف و سير الكاتينه بيتغير على 90 و زيت الفتيس مبيتغيرش

و توكيل ابو غالى محترم ( مجربه فى النوبيرا ) و ماسك دلوقتى عربيات عاليه جدا و هتلاقى دايما مكان السوبارو فى فروعه متاحة و مش زحمه

ده موضوع فيه مواصفات العربيه بالكامل
http://www.nilemotors.net/Nile/29962...u-impreza.html

و ده فى اسعار لبعض قطع الغيار
http://www.nilemotors.net/Nile/306114-2012.html

و دى المواصفات الكامله ليها من على الموقع
SubaruEgypt.com : Impreza Sedan

اسعارها الفئه الاقل 150 - المتوسطه فيها كل حاجة مفيهاش فتحة السقف و لا فرش جلد و فيها 6 اير باج بس ب 160 الف الفئه الاعلى فيها كل حاجة ب 180 الف

طبعا الشباب اتكلموا على الامبريزا تمام بس فى حاجة مهمة احب اضيفها فى ظل الظروف اللى داخلة عليها البلد من رفع دعم البنزين فبالتالى كل نقطة بنزين ليها ثمنها :
الامبريزا الجديدة فيها تكنولوجيا مهمة و هى ان الموتور بيحصله حاجة زى turn off لما العربية تقف فالزحمة بحيث تفصل استهلاك البنزين اثناء الزحام و بحيث ان ده لا يؤثر على سير العربية بحيث أول مدوس بنزين العربية تقوم تانى و تمشى فى اقل من اجزاء من الثانية... و ده موضوع بيقلل استهلاك البنزين بطريقة رهيبة خاصة فالزحام بتاع بلدنا.
شوف الفيديو ده ابتداء من الثانية 50 و هتفهم اللى اقصده
2013 Subaru Impreza 5-Door Promotional Video. - YouTube

هى نسبة الاتضغاط كام ؟ وتوع البنزبن ؟ و الاستهلاك لكل 100 كم؟

المشاركة الأصلية كتبت بواسطة mohyeldin1974

هى نسبة الاتضغاط كام ؟ وتوع البنزبن ؟ و الاستهلاك لكل 100 كم؟

نسبه الانضغاط للسوبارو من 1:10.5 او 1:11
نوع البنزين 95 لكن ماشى الحال مع ال 92 على حسب كلام بعض الاعضاء هنا

الاستهلاك لل 100 هيبقى من 6:8 زى كل ال 1600 الجديد

فانتازيا

السلام عليكم بخصوص الاختيارات اللى حضرتك عارضها كلهم ممتازين بس انا من رايى الامبريزا والفوكاس عايزه اللى يشتريهم مايبقاش مهتم بسعر اعادة البيع يعن تبقى ماشاء الله فلوسه كتير انما لو سعر اعادة البيع بيهمه مش هايجيبهم زيرو هايجيبهم كسر زيرو لانها هاتفرق جامد فى السعر لكن لو مهتم بسعر اعادة البيع يبقى الاوكتافيا او التويوتا زيرو والاوكتافيا عربية ممتازة كانت معايا الa4 موديل 2009 وكانت ثابته وممتازه وكان فيها esp وبعتها فى يومين طبعا الفانتازيا احسن واحدث من الa4 فيالتأكيد فيها esp وعلى فكره عربية صاجها تقيل فانا شايف مافيش مجال للحيره صحيح الفوكس ولامبريزا ممتازين بس هاتهم كسر زيرو احسن وياسلام لو تلاقى فورد مونديو كسر زيرو مو 2011 او 2012 او حتى 2010 طبعا العربيه ديه تتفوق عليهم كلهم والله الموفق