الموضوع: الموضوع زاد عن الحد-أسمع خالد يوسف و قول هتقاطع أفلامه؟ولا لأ

لست من انصار المشاهد الخارجة حتى لا يساء فهمى ولكنى فى نفس الوقت ضد اختزال مسائل عميقة تستحق الجدل والمناقشة الى مساحات بسيطة محسومة مسبقا

هذا ما أقوله يا أستاذ سبعاوى
الفيلم مش كله مشاهد خارجة .... الهدف من الفيلم أعمق من كده بكتيييير و فكرته عبقريه .. لكن لو اللى فى دماغنا عن الفيلم هو الكام مشهد دول ... يبقى إحنا مقدرناش نستوعب الهدف الحقيقى من الفيلم لأن كل تركيزنا على كلام فاضى ... و تركنا الهدف الرئيسى أو الفكرة الرئيسية للفيلم.

أفلام خالد يوسف الأخيرة .. عبقرية بمعنى الكلمة .... الهدف منها أعمق من اللى فى دماغنا ...

وانا اعتقد ان خالد يوسف حاليا وداوود عبد السيد منذ عدة سنوات اصابهما ما اصابنى فى اسوان حين اتعب كل منهما راسه فى طرح فكرة قد يوافقه المجتمع عليها وقد تسبب ثورةن اجتماعية عليهما، ومع ذلك ترك المجتمع افكارهما المثيرة للجدل واختصر القصة كلها فى مساحة الملابس

+1

ليه مش بناقش مثلاً القضايا المهمة اللى طرحها خالد يوسف .... بدل ما نناقش كام مشهد من الفيلم ؟

أفلام خالد يوسف الأخيرة .. عبقرية بمعنى الكلمة .... الهدف منها أعمق من اللى فى دماغنا ...


+1

ليه مش بناقش مثلاً القضايا المهمة اللى طرحها خالد يوسف .... بدل ما نناقش كام مشهد من الفيلم ؟[/quote]

انا سؤالى الوحيد هو (القضايا المهمة) مش حينفع تتعرض من غير مشاهد خارجة مالية الفيلم

المشاركة الأصلية كتبت بواسطة AhmedElsayed

المشكلة ان الناس دى بقت (بجحة) بشكل غريب
يعنى الواحد يعمل بلاوى وينقلك شوية قاذورات ومش يدافع عن نفسه ولا يتكتم
لا كمان طالع يهاجم اللى مبيعملش زيه
يعنى اللى يعملوا سينما نظيفة طلعوا هما اللى معقدين ومتخلفين

بس برده حقول دايما احنا اللى بنعمل فى نفسينا كده
لما ندى الفنانين والمطربين ولاعيبة الكورة المكانة دى

يعنى إيه سينما نضيفة و سينما قذرة

هل سينما نضيفة = محمد هنيدى .. أحمد حلمى ... هانى رمزى ... محمد سعد .. إلخ
و سينما قذرة = خالد يوسف .. يوسف شاهين ... إلخ

هقول لحضرتك حاجة .. أنا دخلت كل أفلام محمد سعد و معظم أفلام هانى رمزى و أحمد حلمى و كام فيلم لهنيدى .... و دخلت ثلاث أفلام لخالد يوسف.
اللى إستفدته و طلعت بيه من فيلم لخالد يوسف .... مطلعتش بيه من قائمة الأفلام النضيفة (على حد تعبيرك) اللى أنا دخلتها.

و فى الأخر مفيش حاجة إسمها سينما نضيفة و قذرة ... السينما إما واقعية أو مفتكسة (على حسب تعبير الشباب) ... يعنى يا إما بتناقش قضايا تهمنى كفرد فى مجتمع .... يا إما بتعرض كلام فاضى هيضحكنى ساعتين و بعدها يخش فى طى النسيان.

انا سؤالى الوحيد هو (القضايا المهمة) مش حينفع تتعرض من غير مشاهد خارجة مالية الفيلم

حلو السؤال ده .... هل ينفع الفيلم يناقش قضايا مهمة بدون عرض مشاهد خارجة؟

على حسب القضية اللى بيناقشها الفيلم
ناخد مثال على فيلم كباريه ... الفيلم بيعرض جزء من المجتمع كله فساد و مشاكل .... هل متوقع حضرتك إنك متلاقيش أى مشهد يعرض ما يحدث فى هذا المكان .... بمعنى لو كل الفيلم ملقيتش فيه راقصة ... مش هتعرف إن ده كبارية و يمكن تفتكره قهوة أو كافيه.

مثال تانى لمشهد سمية الخشاب و غادة عبد الرازق ... لو الفيلم عاوز يتكلم عن قضية الشذوذ الجنسى بين الفتيات ... هل هينفع يجيبه بصورة غير دى؟ ..... يعنى أكيد مش هيجيب إتنين بيتكلموا مع بعض و واحده تقول للتانية: تصدقى دى معرفش مين و مين طلعوا معرفش إيه ... يا سلام كده فهمت أنا هما عاوزين يقولوا إيه.

بتكون على حسب القضية اللى بيناقشها الفيلم .... لو رايح أعمل فيلم عن المخدرات لازم أجيب فيه كام مشهد لناس بيشموا و هكذا...

المشاركة الأصلية كتبت بواسطة meza

يعنى إيه سينما نضيفة و سينما قذرة

اللى إستفدته و طلعت بيه من فيلم لخالد يوسف .... مطلعتش بيه من قائمة الأفلام النضيفة (على حد تعبيرك) اللى أنا دخلتها.

و فى الأخر مفيش حاجة إسمها سينما نضيفة و قذرة ... السينما إما واقعية أو مفتكسة (على حسب تعبير الشباب) ... يعنى يا إما بتناقش قضايا تهمنى كفرد فى مجتمع .... يا إما بتعرض كلام فاضى هيضحكنى ساعتين و بعدها يخش فى طى النسيان.

ياسيدى الفاضل مرة تانى هل معنى كده انى لازم علشان اعمل فيلم هادف لازم املاه مشاهد خارجة
ممكن اعمل فيلم واناقش كل القضايا المهمة من غير مدخل مشاهد تخدش حياء ناس كتير من غير اى سبب ولا داعى ولا مضمون

لكن انى كل معمل فيلم بدون استثناء لازم املاه مشاهد فجة وغير مسبوقة يبقى معنى كده ان ده منهج عندى مش مجرد صدفة

المشاركة الأصلية كتبت بواسطة AhmedElsayed

ياسيدى الفاضل مرة تانى هل معنى كده انى لازم علشان اعمل فيلم هادف لازم املاه مشاهد خارجة
ممكن اعمل فيلم واناقش كل القضايا المهمة من غير مدخل مشاهد تخدش حياء ناس كتير من غير اى سبب ولا داعى ولا مضمون

لكن انى كل معمل فيلم بدون استثناء لازم املاه مشاهد فجة وغير مسبوقة يبقى معنى كده ان ده منهج عندى مش مجرد صدفة

حضرتك شايف مشهد ملهوش هدف أو مضمون .. غيرك شايفه ليه مضمون.

بتختلف من شخص لأخر .... ممكن مشهد إغتصاب .. واحد شايفه مشهد جنسى و الأخر شايفه مشهد مؤلم و غير شايفه بصورة أخرى.
العيب مش فى المشهد .. العيب فى المتلقى.

و قبل كده قلت إن معظم شبابنا للأسف يعتبروا متلقى سىء ..... و هذا ما أعيبه على خالد يوسف .. إنه لم يأخذ فى الإعتبار رد فعل المتلقى.
رغم إنى متأكد إن فى ناس كتير فهمت إيه اللى مطلوب من الفيلم و إنه أكبر من مجرد كام مشهد .... إلا إن فى ناس أكتر مفهمتش غير إنه فيلم حلو و كله مشاهد حلوة (فاهمين قصدى).