الموضوع: الموضوع زاد عن الحد-أسمع خالد يوسف و قول هتقاطع أفلامه؟ولا لأ

هو حضرتك متسمعش عن الظباط و أصحاب السلطة اللى بيقولوا ..... "ربنا فوق و أنا تحت".

حضرتك دور فى قضايا التعذيب بتاعة الشرطة على موقع حقوق الإنسان ... هتلاقى إنه إتذكر على لسان واحد من المجنى عليهم .... إن الظابط قاله الجملة دى بالظبط ....
عرفت حضرتك إن الكلام ده موجود و بيحصل .. بس إحنا فى ظلام منه.

المشاركة الأصلية كتبت بواسطة MoToRiZeR

يعني الناس اللي شافت حين ميسرة و هي فوضي .. مشافوش في الفيلم غير مشهد سمية الخشاب !؟

لا تعليق

+1
كنت حقول نفس الكلام بالظبط !!!!


فيلم هى فوضى و حين ميسره ..... من اكثر الافلام الواقعيه الى شوفتها فى حياتى + عماره يعقوبيان .

الافلام الى بتناقش الواقع بكل مساوئه انا بحترمها جدا حتى لو بطريقه صريحه .

لكن ليه مش بسمع حد بيهاجم السبكى على الانحطاط الى بينتجه و افلام سعد الصغير و محمد سعد !!!! و الامثله كتير حاحا وتفاحه و قصه الحى الشعبى و بوحه واللمبى و كتكوت .......... وغيرها من التخريف و الانحطاط الفكرى .

ده العيال الصغيره كلها بقت لمبى " قمه البيئه " !!!!!!!!!!

بأختصار . افلام خالد يوسف مش لاطفال , حتى ان فى كل الافلامه بيتكب عليها للكبار فقط . وده صحيح 100 % لانها بتناقش قضايا ماينفعش ان طفل صغير يفكر فيها .

فى افلام كتير مناسبه للاسره انها تدخلها ....مش لازم اللم اسرتى وادخل فيلم حين ميسره وانا عارف هو بيتكلم عن ايه وبعد كده اطلع اقول ان خالد يوسف كذا وكذا واشتم فيه

عموما هيه وجهات نظر بس الى مش بيحب النوعيه " الواقعيه " ديه من الافلام مايدخلهاش .

و الى " زى حالاتى " بيكره محمد سعد و بيعتبره " بيئه " و بيساعد على انتشار التخلف مايدخلش افلامه .

للأسف ده بيحصل وبيتقال أنا معاك قلبا وقالبا في كلامك ده
بس برضو أنا اللي أقصده أنه الكلام ده أتكرر كتير اللي قاله كلامه أستغفر الله أكاد أجزم -مع أني ماليش الحق ده - كلامه شبيه بالكفر والعياذ بالله .. لا ويقوله أنت حتروح مني فين -معاك أن الناس كتير بتقولها - بس هو زودها - وقال العالم ده كله بتاعي !!!!!!
طيب معلش بقى فيلم المفروض عاوز يناقش ويعالج حاجات في المجتمع مايجيش هو يقول غلط المجتمع ويؤيده ويسيبه صح ؟؟؟
.....................

حضرتك لو صادفت حاجة زى كده فى الحياة .... أكيد رد فعلك هيكون هو هو ... بالتالى الفيلم نجح إنه يوصل لحضرتك ملامح الشخصية دى و مدى جبروتها لدرجة إن حضرتك ما إستحملتش الكلام ده و نسيت إنه تمثيل.

أنا عارف إن الفيلم جمع سلبيات كتير قوى على بعض .... و مش كلنا نقدر نستحمل الصورة البشعة دى ... لكن مواجهتها أحسن من الهروب منها.
أقصد إن الفيلم فعلاً أظهر صورة شيطان داخل إنسان . صورة بشعة .. بس لازم نواجهها.

بالنسبة بقى للحلول .... دى فعلاً حاجة لاحظتها فى أفلام خالد يوسف .... إنه بيعرض المشكلة ولا يلحقها بحل ...
جايز ليه هدف من الحكاية دى أو يمكن مش عارف الحل ... أو يمكن عاوز الناس تفكر فى الحل .... لأن المشكلة ممكن تبقى ليها أكتر من حل و مواجهتها بأكتر من سلاح هيبقى أقوى من سلاح واحد.

ممكن بقى نفكر مع بعض فى الحل ..... بدل ما قاعدين بنهاجم اللى قالنا على المشكلة. :)

معلش يا أستاذ ميزا أنا مدين لك بأعتذار

لا إعتذار ولا حاجة ...... أنلا عمرى ما بشيل من حد فى أى حاجة بيكتبها .... و عمرى ما زعلت من حد فى حوار ..... يا أخى إحنا إخوات و بندردش مع بعض.

يعني أيه برضو يقول أننا شعب ما بنفهمش طيب هو سعادته تبع أنهو شعب ؟؟؟؟

ممكن يبان إنه الكلام ده غرور منه ..... و ممكن برضه يكون تفسيره اللى أنا قلته فى رد سابق

بتختلف من شخص لأخر .... ممكن مشهد إغتصاب .. واحد شايفه مشهد جنسى و الأخر شايفه مشهد مؤلم و غير شايفه بصورة أخرى.
العيب مش فى المشهد .. العيب فى المتلقى.

و قبل كده قلت إن معظم شبابنا للأسف يعتبروا متلقى سىء ..... و هذا ما أعيبه على خالد يوسف .. إنه لم يأخذ فى الإعتبار رد فعل المتلقى.
رغم إنى متأكد إن فى ناس كتير فهمت إيه اللى مطلوب من الفيلم و إنه أكبر من مجرد كام مشهد .... إلا إن فى ناس أكتر مفهمتش غير إنه فيلم حلو و كله مشاهد حلوة (فاهمين قصدى).

و للأسف معظم الشعب فعلاً مفهمش إيه الهدف من الفيلم.