الموضوع: الموضوع زاد عن الحد-أسمع خالد يوسف و قول هتقاطع أفلامه؟ولا لأ

المشاركة الأصلية كتبت بواسطة meza

هذا ما أقوله يا أستاذ سبعاوى
الفيلم مش كله مشاهد خارجة .... الهدف من الفيلم أعمق من كده بكتيييير و فكرته عبقريه .. لكن لو اللى فى دماغنا عن الفيلم هو الكام مشهد دول ... يبقى إحنا مقدرناش نستوعب الهدف الحقيقى من الفيلم لأن كل تركيزنا على كلام فاضى ... و تركنا الهدف الرئيسى أو الفكرة الرئيسية للفيلم.

اخي الفاضل أنت ممكن تركب عربية كويسة جداً بس الكوتش أو الموتور بتعها ضارب أكيد لا
نفس الموضوع لو الفلم ده أحلى فلم على وجه الأرض وكله قيم ومبادئ وووووو..الخ بس فيه حاجة ذي البلاوي دي يبقى مكانه الصحيح هو الزبالة وصدق من قال (إنما الأمم الأخلاق ما بقيت إن هموا ذهبت أخلاقهم ذهبوا)

يعني لو وضعت جنب 6 أصفار واحد على الشمال بقيت مليون بس لو حذفت الواحد ده ال 6 أصفار ما لهاش أي لازمة

أرجو أن يكون قصدي وصل لك

أحسن الله إليك

المشاركة الأصلية كتبت بواسطة meza

هو كلكم عليا ولا إيه

أنا مش فاهم إيه اللى مقصود بدرء المفاسد.

هل إننا نكتم على المشاكل و نسيبها فى حالها و خلاص .... و لا نواجهها فى صمت من غير ما يعنفضح الدنيا قادم الناس كلها؟
يعنى بلاها المنفعة اللى هتيجى من ورا حاجه فيها شبهة فساد فما بالك بالفساد كله

لو نسيبها فى حالها .... طب ما هو كده غلط و أكبر غلط ... لأنها كالوباء هتزيد و تتفشى.

احنا مش هنسيبها فى حالها بس فيه قواعد احنا مأمورين بيها زى ماأنا قلت الرسول عليه أفضل الصلاة والسلام علمهالنا وده بيحافظ على المجتمع من الانحلال

لو نواجهها فى صمت ... طب ما المشاكل دى ممكن أى واحد فى المجتمع يقابلها و ساعتها مش هيعرف يتصرف لأنه معندهوش خبرة سابقة فى مواجهتها ... و كمان مين اللى هيواجهها فى صمت .. فرقة خاصة من الشرطة مثلاً !!!

لو انت فاهم ان دول اللى هيكشفوا الفسادويحلولوا مشاكلنا يبقى قول على الدنيا السلام يا أخى هم ليسوا أهلا لهذا هما كل اللى عملوه انهم جابوا الرذيله والانحطاط ومحلوش حاجه ولا يقدروا لأن الحل فى صلاح المجتمع

عارفة حضرتك لو دى حالة ولا إتنين فى المجتمع . كنا نقول ماشى مش مشكلة كبيرة و تأثيرها مش كبير ....
هى اوبرا وينفرى لما تقعد تجيب فى برنامجها النماذج المشرقة فى المجتمع اللى كلنا عارفين مستوى انحلاله هى كدة مش بتحل مشاكله

سيبك منهم وخلينا هنا هما الاعلامين اللى دايماً ورا الفساد وبيحاولوا يلاقوا الحلول زى منى الشاذلى وغيرها من الناس التى تتق الله مش بيحاولوا يحلوا بطريقة نظيفة أنا مقلتش ان الدنيا كلها تبقى برامج بس مفيش حد بيعمل دراما لصالح المجتمع لأن اللى بتدافع عنه ده كل اللى عايزه ان يعمل فيلم فية شوية مشاهدساخنة يشد بيها الشباب لشباك التذاكرحتى لو ملهاش علاقة بالفليم زى ماأنت بتقول


لكن الكلام ده هتلاقيه فى كل حتة من تجار مخدرات و مافيا حتى فى أقسام الشرطة و مكاتب الحكومة و كل مكن فيه واحد بيمتلك سلطة على الآخرين.... مع إختلاف الشكل طبعاً لكن كلهم نفس المشكلة.

ما أحنا عارفين وفليمه مش هيضيف جديد وعشان كده لازم نحاول نصلح نفسنا ومجتمعنا عشان الحياة متبقاش سودا

المشاركة الأصلية كتبت بواسطة meza

هو حضرتك متسمعش عن الظباط و أصحاب السلطة اللى بيقولوا ..... "ربنا فوق و أنا تحت".

حضرتك دور فى قضايا التعذيب بتاعة الشرطة على موقع حقوق الإنسان ... هتلاقى إنه إتذكر على لسان واحد من المجنى عليهم .... إن الظابط قاله الجملة دى بالظبط ....
عرفت حضرتك إن الكلام ده موجود و بيحصل .. بس إحنا فى ظلام منه.

ماهو موجود وبيحصل وانا بشوف حاجات من دي كتير

بس في نفس الوقت ماينفعش أن انا انشره بهذا الشكل على الملأ للعالم كله
ده حتى في قول من زمان بيقوللك إذا بليتم فاستتروا
علاج الواقعة دي -مثلا- الراجل اللى قيل له هذا الكلام يروح يقدم شكوى في الظابط بس يكون معاه دليل أي دليل وساعتها لو الموضوع ثبت صدقني الظابط ده هاياخد جزائه
على فكرة انا مش بقول الكلام ده كده وخلاص لأ انا عارف ان الموضوع ده بيحصل فعلا لو الواقعة ثبتت وانا شفت كذا واقعة من دول والظباط فيها اتوقفوا واتحولوا للتحقيق وخدوا جزائهم فعلا
مش علاج الموضوع اني أنشره على الخلق واللى مايعرفش يعرف ونسبة كبيرة من اللى شافوا دور الظابط يعجبهم ويحاولوا يعملوا زيه وهمة مش فاهمين وهوة ده المقصود بنشر الفاحشة
لأن حتى لو فرضنا ان انت عاقل وخدت الموعظة من الفيلم غيرك مش عاقل وكل اللى طلع بيه السيئة -وهية دي النسبة الغالبة- ويبقى انا كده زودت نسبة الفاسدين في المجتمع حتى لو واحد يبقى انا ليه أعمل كده
هوة ده المقصود بدرء المفسدة مقدم على جلب المنفعة-لو حد هايحدفك بطوبة وواحد تاني هايحدفلك تفاحة والأتنين في نفس الوقت يبقى انهي الأولى انك تاخد التفاحة وتسيب الطوبة تعورك ولا تبعد عن الطوبة ومش مهم تاخد التفاحة أصلا

تعالى نقارن بأمريكا كلنا عارفين ان بيحصل فيها كل حاجة من الضباط والشعب والحكومة وكلها فظائع ضد الحرية وحقوق الإنسان لكن كل أفلامهم بتحسسك انها بلد الحرية والإنسانية برغم ان همة بيناقشوا في أفلامهم برضه سلبيات المجتمع بس بيبقى في نفس الفيلم الإيجابيات اللى بتغلب السلبيات وتوري العالم ان أمريكا زي الفل وإن الوحشين أقلية

على فكرة البوست دي بتاعتي انا مش المدام لأن المشاركات اللى فاتت بتاعتها هية

انا مشفتش لخالد يوسف دا غير حين ميسـره

بس الفيلم فكرني بحاجه

واحد عمل طبق حاجه حلوه جداا و زوقها من فوق بملح


في الاخر الطبق كله حيترمي :) و محدش حياكل منه

مش جديد على خالد يوسف اللى بيعملو ده

عموما انا مابدخلش افلامه خالص لاسباب منها

المشاهد البذيئة اللى هو بيتعمد انها تكون فى كل افلامه