أحلي كلام متأنتك مكتوب علي ضهر التوك توك

**احمد نور الدين** · 06-11-2012 03:45 PM

المشاركة الأصلية كتبت بواسطة طارق _عبد السلام

من جاور السعيد يسعد
ومن جاور الحداد ينكوى بناره
نفسى الاقى ايجابيه واحده من سائقى التوكتوك دى ناس شرده مش تراث
ربنا يسها وتشوف منهم حاجه هتخليك تموت فيهم مش تحبهم بس

يا شباب انا في اول الموضوع قلت

اكيد كلنا بنلاحظ الحكم والمواعظ المكتوبه علي عربيات النقل والتكاتك ورغم انها احيانا بتكون تافهة بس ساعات بتبقي كوميديه شويه والاحلي انها ساعات بتكون حكم واقعيه جدا ولاني شايف انها بتمثل جزء من ثقافة شريحه في المجتمع قلت نعمل موضوع نجمعها فيه وكل واحد يكتب اللي بيشوفه

واكيد الناس دي ليهم اللي ليهم وعليهم اللي عليهم لكن الموضوع ده رغم انه يبدو تافه لكن لي فايدة من وجهة نظري اننا نعرف الناس دي بتفكر ازاي وايه اللي جواهم

وعلي فكرة وللاسف الشديد انا عرف شباب مؤهلات عليا - طبعا مش هاقول المؤهل - لكنهم خريجي كليات وبيشتغل سواق توك توك اكيد مش بمزاجه وعلي راي المثل ايه اللي رماك علي المر قال اللي أمر منه --

يعني الناس دول فيهم الكويس وفيهم الوحش واحنا عايزين نعرفهم من كلامهم

وزي مافي كلام ممكن يكون مش مهذب لكن في كلام حكم
وايا ما كانت وجهة نظرنا همه موجودين كشريحة كبيرة في المجتمع

**romar** · 06-11-2012 04:11 PM

المشاركة الأصلية كتبت بواسطة احمد نور الدين

وعلي فكرة وللاسف الشديد انا عرف شباب مؤهلات عليا - طبعا مش هاقول المؤهل - لكنهم خريجي كليات وبيشتغل سواق توك توك اكيد مش بمزاجه وعلي راي المثل ايه اللي رماك علي المر قال اللي أمر منه --

طبعا... أقل توكتوك ممكن يعمل ألفين جنيه في الشهر... فيه دكاترة مرتبهم أقل من كدة

**Sehsss** · 06-11-2012 09:36 PM

ريحها في الغيارات.. ودلعها في المطبات
سوقوا بالراحه يابهايم.. السواق نايم
متقولش دى بكام دى جايه بدهب المدام
متبصليش بعين رضية .. دنا طلع عين أمى فى السعودية
الحلوة من دمياط وعليها أقساط
احسدونى لما اخلص ديونى

**hazemsagherh** · 07-11-2012 12:56 AM

دى جامدة مووت

تكسب الخير 9x

من الشمال لليمين

مش فاكرها كده بالظبط ولا لأ بس هيه الفكرة :)

بس للامانة مكنش توك توك

**Yasser.Essam** · 07-11-2012 01:12 AM

عينك يا عبيط دى جايه بالتقسيط

هاتحكها هحطك تحتها

الحكّه بشكّه .

يا بخت اللى صاحبه راجل

لو لقيت غراب ابيض هتلاقى صاحب ابيض

اه يا بلد عايزه ولد بس انا مش فاضى

انا الاساس والباقى اكياس

عينك يا فاجر

انا بابا يالا

ياما فى التوكتوك شمامين =))

لو كانت بـ 4 كنت وريتك الطرقعه

الحلوه خوخه جت بعد دوخه :d

سلام يا بلد الكلام

قدر تتكدر

وفى كتير بس انا مش فاكرهم :d

أصل انا من بلد التكاتك ( إمبابه )

ههههههههههههههههههه

**samirsaid1** · 07-11-2012 02:31 PM

اتنين مالهمش أمان الفرامل والنسوان
يابخت اللى صاحبة راجل

**enghany** · 10-11-2012 02:18 AM

لا كان في توكتوك النهارده كاتب 3 مالهمش امان البت و النت و قناه التت

**احمد نور الدين** · 10-11-2012 05:01 PM

المشاركة الأصلية كتبت بواسطة hesham ahmed

انا قابلت خريج كليه طب و بيشتغل تباع
و وراني الكارنيه ..... كنت علي وشك اني اتشل

NO COMMENT "THIS IS EGYPT"

**EhabVet** · 10-11-2012 11:07 PM

مع إن الواحد أوقات كتير بيشوف حاجات بتضحك .. بس كان في حاجة نفسي أشوفها وخصوصا إن في بعض السواقين محترمين
حاجة تخليه زي ما طول النهار بيكسب فلوس يكسب كمان حسنات
زي مثلا إنه يكتب حديث رسول الله صلى الله عليه وسلم: " من قال سبحان الله العظيم وبحمده غرست له نخلة في الجنة"
أو مثلا: "كلمتان خفيفتان على اللسان ثقيلتان في الميزان حبيبتان الى الرحمن سبحان الله وبحمده سبحان الله العظيم"

ومش كده وبس .. ده ممكن واحد صاحب توكتوك تاني يكون محترم بردو يشوف اللي عمل كده فيقلده .. وفي الآخر كل ده يصب في ميزان حسنات الأول .. ويكون ممن سن في الاسلام سنة حسنة فله أجرها وأجر من عمل بها إلى يوم القيامة لا ينقص ذلك من أجورهم شيئا

مجرد أمنية جميلة .. نفسي تتحققِ