الموضوع: كلام كتير مكتوب علي الكاوتش

الف شكر معلومات قيمه ورائعه

المشاركة الأصلية كتبت بواسطة benmatar

السلام عليكم
معلوماتي بسيطة بس ممكن تنفع ولو بجزء يسير
جميع الكتابات على جانب الكاوتش لها مدلولات كتير، طبعا الماركة بتكون مكتوبة (غاليا بخط عريض)، وكمان بيكون مكتوب رقم أو كود أو اسم للنقشة (يعني الماركة الواحدة والمقاس الواحد ممكن تلاقي منه أكتر من نقشة) زي بريدجستون تلاقي لنفس المقاس نقشة اسمها b250و b330 أو بريللي p3000 أو p4000.
ومن الأرقام المكتوبة المقاسات والأبعاد طبعا وده أمر مهم... وبالمثال يتضح المقال:
175/70r13
175: يعني عرض الكاوتش (عرض المداس) الجزء الملاصق للأرض هيكون 17.5سنتيمتر، يعني الرقم ده 175 ملليمتر.
R13 هو قطر الجنط الحديد بالبوصة يعني 13 بوصة
70: نسبة بين عرض المداس وقطر الجنط وتؤدي لارتفاع أو انخفاض الكاوتش (التخانة) يعني لو 70 هيكون أعلى من 60، ولو لقيت كاوتش سبور هتلاقي الرقم ده 55 أو 60 مثلا وتلاحظ إنه بيكون رقيق.

غير كده بيكون مكتوب كلمة temperature وجنبها حرف a أو b أو c
وغالبا c مش موجود في مصر وa أفضل من b لأننا حضرتك دولة من الدول الحارة والأسفلت عندنا بيكون مولع
وفي الخليج مش هتلاقي حرف b وإنما كل الموجود a
وكمان كلمة traction وده معامل الاهتراء والاحتكاك وبرضه غالبا ما هيكون a
هتلاقي حرف وجنبه رقم زي: 82h مثلا والرقم 82 ده كود الحمولة يعني الحمولة القصوى هنا تقريبا 450كجم، وكل رقم له كود حمولة وهتلاقي الجدول ده على مواقع مصنعي الاطارات أو في محلات الكاوتش. والحرف h كود السرعات يعني h تقريبا 210كم/س وبرضه ده تلاقيه في جدول
ورقم تاني دايما بيكون داخل رسم بيضاوي أو مستطيل مكون من اربع ارقام زي: 1151 يعني انتاج 2011 الأسبوع رقم 51

أرجو أكون افدت حضرتك ولو بقليل

+1111111111111
10/10 بصراحة ..