عداد التاكسي الحرامي

**Khaled Online** · 10-10-2012 08:40 PM

تمام. تقريبا الزرار بتاع التعريفة العادية ده بيبقى على الشمال في آخر العداد
زرار التعريفة السياحية بيبقى في النص
والله أعلم

**aboomar22** · 10-10-2012 08:48 PM

المفروض كان فيه برنت بيطلع من العداد بيبن طريقة المحاسبة المسافة المقطوعة والزمن والتكلفة لكن للاسف نظام البرنت مش شغال وبكدة متعرفش العداد ده مضبوط ولا فيه مشكلة وفعلا المفروض وزارة الداخلية تعمل تفتيش مفاجىء على العداد

**m_adeleid** · 10-10-2012 11:03 PM

العجيب بقي ان لما صاحب العمله دي يجيله مرض كبير هوا ولا حد من ولاده يملا الدنيا صراخ و يقولك انا عملت ايه وحش في دنيتي دنا بجيبها بالحلال
منتهي الفصام
اللهم ارنا عجائب قدرتك في كل معدوم ضمير

**magic girl** · 11-10-2012 12:18 AM

بتحصل كتييييير.. قبل كده كنت رايحة من المعادي للهرم, و ده طريقى كل يوم بياخد 15 ل 18 بالعداد لو زحمة.. و الدنيا كانت ماشية عادي جداً و لاقيته قاطع 26.. طلعت 20 و اديتهموله و قولتله العداد بتاعك بايظ و لو انت عامله كده قصد فانا مش مسامحاك في ولا جنية خدته زيادة و مشيت..

الكلمة دي بتحرق دمهم أويييي

**M.Yahia** · 11-10-2012 01:52 AM

الحل سهل جدا يا جماعة الموضوع عايز تشغيل مخ سريع بس التعريفة ثابتة و معروفة فتح العداد ب 2.5 جنيه لاول كيلومتر و بعد اول كيلو الكيلو بجنيه و ربع و تحسبها بعد كدا يعنى لو عامل مشوار 10 كيلو يبقى حسابك
1* 2.5 + 9 * 1.25 = 13.75 واى مليم زيادة اطلع على القسم .

**TheUnknown** · 11-10-2012 06:39 AM

فى نوعين من النصب اللعب فى العداد بيعدلوا الترس اللى بيحسب الكيلوات بواحد اكبر او بيقلل الترس فبيخلى نسبة الاحتكاك اقل فمش هايكون مظبوط مع السرعة اللى العربية ماشية عاليها و هيلف اكتر.
تانى حل التعريفة السياحية و ديه بتبتدى بسعر اكتر و تزيد بسعر اكتر.

فى العداد الازرق بيبقى مكتوب عدد كيلوات تحت الحصان (اظن) لو حسيت ان فى لعب احسبها و شوف صح الكلام ده ولا غلت.

**akmm** · 11-10-2012 12:23 PM

لاحول ولاقوه إلا بالله .

**sherifahmed** · 11-10-2012 12:26 PM

يا حماعة الموضوع ابسط من كل دا
بصفتى من محترفى ركوب التاكسى الابيض اقدر اقولكم القصة كلها
التاكسى لما نزل كان على مرحلتين
المرحلة الاولى كانت فيها فيرنا و لانوس و لادا و بيجو
نزلهم عداد ازرق عليه رسمة حصان بيجرى
مشكلته انه كان فيه شريحه مبرمجة فالسواقين لعبوا فيها عشان يزودوا الاجرة
المرحلة اللى بعديها نزل byd و اسبرانزا
دول العداد احمر مقفول و هو دا المظبوط
فلما تيجى تركب نشن على دول

**semi** · 11-10-2012 08:58 PM

العداد ده بيبقى في وصلة كده زي بتاعة الموبايل بتوصلها بالكمبيوتر
وتعيش حياتك بقى

-

الموضوع: عداد التاكسي الحرامي

LinkBack

أدوات الموضوع

عرض

-

-

-

المواضيع المتشابهه

عداد التاكسي الابيض الحرامي-مناقشة

|| خبر مروري:- تعميم عداد التاكسي الأبيض على التاكسي الأسود بالقاهرة من موديل 2005

التاكسي‏ ‏الأبيض‏ ‏يخرج‏ ‏التاكسي‏ ‏الأسود‏ ‏من‏ ‏السوق‏!!‏

التاكسي الأبيض أبو عداد و سرقة عيني عينك

و الله و رجعنا لأيام التاكسي أبو عداد

الكلمات الدلالية لهذا الموضوع

المفضلات

المفضلات

ضوابط المشاركة