خرم في شكمان السيينا .. كانة خرم في دماغي

**engamm** · 10-10-2012 10:32 PM

السلام عليكم
ازيكوا يا شباب ؟؟
النهاردة رحت لميكانيكي جنبي في الدقي اخويا (معاة ريجاتا) بيتعامل معاة قلت اشوف موضوع السحب حكايتة اية قالي غير طقم السرفيس علشان تعرف تفوق العربية
رحت محمد يوسف جبت الحاجات دي :
1- فلتر هواء 30 ج
2- فلتر بنزين اسود 25 ج
3- بوجيهات ngk واحد شمعة 55 ج
اية رايكوا في الاسعار ؟؟؟
المهم جيت اركبهم قلي لازم تغسل الماتور قلت لة بكرة علشان انا عندي مشوار

و قال لي ان الشكمان فية خرم و رحنا لواحد جنبة قالي ان الشكمان حرف S النص الاولاني كلة عاوز يتغيير(من اخر العربية لغاية العلبة اللي في نص العربية) و دة احسن لك من انك تلحمة لانة فية كذا خرم دة غير انة متهالك و قالي هيكلف 150 جندي بالمصنعية و التركيب و دة هيفرق في السحب و صوت الماتور العالي ... فهل السعر دة كويس و الكلام اللي قالة دة صخ؟؟؟
المهم بكرة ان شاء الله انا رايح الصبح اركب الحاجات دي و يا رب احس بفرق بجد
ياريت تفيدوني بسرعة في موضوع الشكمان قبل ما اركبة

**hassanin_lada** · 10-10-2012 11:01 PM

هي البوجيهات طول عمرها ب 30 او 35 لكن 55 دي اول مره اسمعها حط عليها 30 كمان وهات 3 شمعه هتحس بصوت اهدي ومافيش رعشه في السرنسيه وتعيش اطول .. واكيد طبعا الجاكمان بياثر علي السحب بس كنت رحت لواحد تاني عشان تتأكد من الموضوع عموما انشألله خير وتحس بفرق ومتابع معاك لمعرفت اخر الاخبار

**windofchange** · 11-10-2012 12:46 AM

حرف ال s لو مظبطش التنيات اللي فيه (معموله فالمصنع) زي اللي هيشيله من العربية هيكتم الموتور من رأيي تلحمه والله اعلم ,,,,,,,, لو هتغيره خد حرف الs معاك اللي هتغيره يبقي مرجع لك بعد كده لو احتجت تغيره تاني

**misry** · 11-10-2012 01:28 AM

المشاركة الأصلية كتبت بواسطة windofchange

حرف ال s لو مظبطش التنيات اللي فيه (معموله فالمصنع) زي اللي هيشيله من العربية هيكتم الموتور من رأيي تلحمه والله اعلم ,,,,,,,, لو هتغيره خد حرف الs معاك اللي هتغيره يبقي مرجع لك بعد كده لو احتجت تغيره تاني

ده كلام صح ...

وأكيد طبعا لما تصلح الشكمان الصوت هيفرق جداااااااااا ... وعن تجربة

البوجيهات لل 1400 2 شمعة واوعى تجيب 3 شمعة ...

شكرا