الموضوع: وزير البترول: 150 لتر بنزين للأسرة شهريا. و900 لتر سولار للسيارة الأجرة

جميل احسنتم يا شباب
عارفين الهدف من موضوع 150 لتر بنزين و900 لتر سولار الهدف منه قياس مدى تقبل الناس للفكره والكمية المطروحه يعنى الكميات دى مش نهائية لا دى حتزيد عن كده بس هو لازم يضربك فى الكمية الاقل علشان يحجم الزياده .
تانى حاجه يا شباب بالله عليكم بلاش حكاية امريكا واوربا واليابان علشان احنا لو بنتقن عملنا ونديله حقه زى ما هما بيعملوا ما كنا وصلنا للاضمحلال اللى وصلناله يا ريت نعمل ذى الدول دى الاول وبعدين نتكلم سامحونى على هذه اللهجه الحاده ولكن ده اللى بيحصل احنا شعب يحب يلعب بالبيضة والحجر يعنى شعب فهلوى طبعا مش كلنا فينا ناس ربنا يبارك فيهم ولكن الغالبية حدث ولا حرج .

المشاركة الأصلية كتبت بواسطة ملك فرنا

من الاخر كدة انا شايف يوفرو فلوس الدعم ويوزعوا عجل على الناس بس الجدون يكون بور

:))))))))))))
هم يبكي وهم يضح؛ك

المشاركة الأصلية كتبت بواسطة dede_dodo88

الكلمتين دول فكروني بأحمد عز و أمثاله اللي كانوا بيستغربوا من الشعب المصري اللي بيتدعي الفقر..
هي الناس عايزة ايه صحيح؟! ما أهه كل واحد معاه موبايله في أيده و عنده كمبيوتر بشاشة lcd في بيته و راكب عربيته رايح جاي بيها و كل ده ولسة الناس بتشتكي!!
يا باي على طمع الناس!.

ههههههههههه اضحك الله سنك
ياباشا هاتلك قطر حطه قدام البيت روح بيه الشغل وفي اوقات الفراغ الاولاد يلبعو فيه وياريت يكون من نوع الرصاصة عشان متتأخرش
بس متطلبش دعم من الدولة اللي هيا الناس اللي ماشيه علي رجليها جنبك وانت راكب القطر بتاع حضرتك يعني متقلهمش اللي يحب النبي يزق ههه
اتمني ان الفكرة وصلت متبقاش قاعد في فيلا بتاعتك وعمال تحلف للخلق انك ممعكش ولامليم ومستحق الدعم

هو بس فيه سؤال مهم: مين اللي هياخد دعم ومين مش هياخد؟!
يعني أنا واحد مليش بطاقة تموين ، هاخد دعم ولا هاخد صابونة Palmolive للعناية بالبشرة الحساسة؟ :(

المشاركة الأصلية كتبت بواسطة khaled online

هو بس فيه سؤال مهم: مين اللي هياخد دعم ومين مش هياخد؟!
يعني أنا واحد مليش بطاقة تموين ، هاخد دعم ولا هاخد صابونة palmolive للعناية بالبشرة الحساسة؟ :(

هههه للبشرة الحساسة كمان
من كلام السادة المسئولين ان لو حضرتك خلصت تعليم وسنك فوق 21 سنة (يعني بابا معدش بيصرف عليك) هتاخد الدعم والاتجاه لو الاسرة بتاخد مثلا 100 لتر حضرتك هتاخد 70 بس لغاية ماتتجوز يزودوك

المشاركة الأصلية كتبت بواسطة alysalim

هههه للبشرة الحساسة كمان
من كلام السادة المسئولين ان لو حضرتك خلصت تعليم وسنك فوق 21 سنة (يعني بابا معدش بيصرف عليك) هتاخد الدعم والاتجاه لو الاسرة بتاخد مثلا 100 لتر حضرتك هتاخد 70 بس لغاية ماتتجوز يزودوك

تمام جدا
نفهم من الكلام الجميل ده إن الدعم مالوش علاقة بمستوى الدخل وإن الشِعب (بكسر الشين) هيركب عربيات وينبسط؟ :b4_048:

انا عن نفسى 150 لتر كفاية بالنسبة لى بس اللى بفكر فيه المشكلة مش فى الوقود يعنى لو هدفع مرة تفويلة بالسعر الغير مدعم مش مشكلة لكن المشكلة ان رفع سعر الوقود حتى لو الكمية اللى بتتصرف مناسبة للجميع هترفع اسعار كل السلع من مواصلات الى منتجات زراعية وخضروات وهكذا لان النقل تسعيرته هتزيد (حتى لو الكمية كافية ) --تصدقوا امس كنت رايح امون لقيت بنزينة صغيرة كده وفيها 80 قلتله عايز 80 قالى خلص قلتله ماهو ياعم قالى لا دول ناس معرفتنا وخلاص خلصنا قلت ياواد بلاش خناق انا نازل اصلا تعبان بكلم عامل فى المحطة بيقولى اصل هما بيسيبوا نص التانك ناس بتيجى تاخدوا بالليل (تجار البنزين اللى فى الشوارع ) يعنى اللتر ابو 90 قرش اشترية من الشارع ب 150 قرش دول بقى ميليونيرات الدعم والله بقيت اقول امتى مشروع الكارت ده يتعمل ويخلصنا من جشع التجار دول

المشاركة الأصلية كتبت بواسطة aboomar22

بيقولى اصل هما بيسيبوا نص التانك ناس بتيجى تاخدوا بالليل (تجار البنزين اللى فى الشوارع ) يعنى اللتر ابو 90 قرش اشترية من الشارع ب 150 قرش

مش فاهم
بيسيبوا نص التانك في المحطة نفسها؟ ماشي دي مفهومة بس مين هما تجار البنزين دول؟ ويعني إيه نشتري من الشارع؟