وزير البترول: 150 لتر بنزين للأسرة شهريا. و900 لتر سولار للسيارة الأجرة

**Motarjim** · 10-10-2012 09:12 PM

السلام عليكم يا شباب،

اعتقد، وده الأكيد في ظني، أن الكوتا أو الحصة المحددة بواقع 150 لتر لسيارة واحدة للأسرة، وكذلك 900 لتر سولار للأجرة، ليست نهائية، بل هي بالونة اختبار، لقياس ردود فعل المجمتع، ومدى تقبله لترشيد استهلاك الوقود، وتقييد استخدامه. وكما أشار الخبر أن الموضوع لسه اكيد يعني قابل للنقاش والأخد والرد، وكذلك سيطرح للحوار المجتمعي والتفاوض للوصول لأفضل طريقة لإيصال الدعم لمستحقيه، تتلاءم وظروف الشعب المصري، وتحد من ظاهرة السوق السوداء. من كام يوم قبيل منتصف الليل، وكنت ماشي ع الدائري بعد نفق السلام في اتجاه المطار، في بنزينة بها بنزين 80، فلاحظت من بعيد أن طرمبة 80 شغالة، وفدخلت البنزينة، ولقيت عربية جامبو نصف نقل عليها براميل زرقاء اللون، وشغالين عمالين يعبوها بنزين في جنح الظلام - فالسوق السوداء استفحلت واستشرت بطريقة فظيعة، ولا بد من تحجيمها تدريجيًا، حتى تكسد وتموووت.

**Khaled Online** · 10-10-2012 09:17 PM

المشاركة الأصلية كتبت بواسطة aboomar22

تجار البنزين دول ناس بتيجى بالليل للبنزينة ومعاهم عربية فنطاس زى بتاعت الجاز زمان وبياخدوا بنزين ال80 يتعبى فى جراكن وبيتباع فى الشارع اللتر ب 150 قرش وده موجد بكثرة فى المناطق الشعبية واحيانا يتباع 92 وقت الازمات

هي وصلت لكدة؟ و92 كمان؟
المنظر ده بيفكرني بالوضع في قطاع غزة اللي مفروض عليهم حصار من سنين
شكرا للتوضيح ياأفندم

**ALYSALIM** · 10-10-2012 09:44 PM

المشاركة الأصلية كتبت بواسطة khaled online

تمام جدا
نفهم من الكلام الجميل ده إن الدعم مالوش علاقة بمستوى الدخل وإن الشِعب (بكسر الشين) هيركب عربيات وينبسط؟ :b4_048:

المشاركة الأصلية كتبت بواسطة khaled online

تمام جدا
نفهم من الكلام الجميل ده إن الدعم مالوش علاقة بمستوى الدخل وإن الشِعب (بكسر الشين) هيركب عربيات وينبسط؟ :b4_048:

تمام ياباشا الغرض هو ترشيد الاستهلاك والتحكم في الصرف ومنع السوق السودا لان معظم الدعم اصبح رايح لغزة والاردن ولبنان مش مصريين
وكتير من الدعم رايح لناس بتستخدمه في اشغال تجارية واعمال ترفيهيه ودول مش مفروض انهم ياخدو الدعم
الوزير قال كل اللي عنده عربية هياخد دعم بس المشكلة
نوع السيارة - اللي هيطبق عليها الدعم
ونوع الفرد ومش يقصد ذكر ولا انثي هههه
لا دعم اسري ولا دعم فردي يعني لو اسرة كامله تدعم بحيث لو عندهم سيارتين يخففو من استخدام وحده ولا كله ياخد دعم
الاتجاه بقول اسرة هتاخد دعم كبير والفرد 70% من دعم الاسرة
طيب لو حضرتك مثلا اتجوزت وعندك سيارة وزوجتك عنده سيارة ومتحولتش من الدعم الفردي الي الدعم الاسري ؟؟؟
حتي معرض انت وزجتك لالغاء الدعم برضو الفترة مش محدده لمدة سنة ولا اتنين ومعرض للحبس بسبب التزوير
طبعا الفرد سيارة واحدة بس يعني محدش يشتري سيارة عشان يدعم التانية لانه هيدخل في باب التزوير
هتجيبها باسم اخوك هتعرض اخوك للسجن مثلا
الدعم بيتكلمو عليه شهري ولا ربع سنوي ولا نصف سنوي ولا سنوي
مش عارفين بالزبط بيقولو شهري افضل عشان لو حد باع سيارته معدش يقدر ياخد دعم
سعر البنزين المدعوم كام محدش عارف ؟؟؟
البنزين 80 هيتباع في كل المحطات ولا محطات مخصصة لكدا بحيث حد ميخلطوش مع بعضه
لسه كلامهم كثير بس الاتجاه عدم خلق ازمة
الهدف منع السوق السودا ومنع التهريب جوه مصر وبره مصر كذلك منعه في النشاطات التجارية
اما ترشيد الاستهلاك وتخفيف حدة المرور فده اثار ثانوية بس مش الهدف
طبعا الكلام ده مش اتقال من وزير البترول لوحده من ناس كتير زي مستشارين الرئيس وحزب الحرية والعدالة والسادة المسئولين في مجلس الوزرا والسادة المسئولين في وزارة التموين والمالية والمرور
بس الاكيد محدش قرر لسه حاجة
فدورنا تقدير حلول تساعد علي حل مشكلة الدعم وتقليل الاثار الجانبية علي المواطن الغلبان والمواطن اللي عنده سيارة

**shaddadfalcon1** · 10-10-2012 10:44 PM

يعني لو واحد مشاوريه طوالي يبقي حوالي 1800 كيلو تقريبا بالنسبه للعربيات ال 1600 وممكن اكتر
ولو جوه البلد يبقي حوالي 1350 او اقل شويه

يعني متوسك 1500 كيلو يعني متوسط 50 كيلو في اليوم وبدون ايام الأجازه اللي هي حوالي 8 ايام في الشهر يبقي 68 كيلو في اليوم وده يكفي لحد شغله قريب

**Elawany13** · 11-10-2012 12:13 AM

[img3]http://img13.imageshack.us/img13/8004/21807241964768808366515.jpg[/img3]

نفس الكلام اللى كان بيتقال فى النظام البائد
مش ده كان كلام احمد عز
وجمال مبارك
!!!!!

ونفس الاسطوانه المشروخة بتاعت الدعم لا يصل الى مستحقيه
وعمره ما وصل ولا هيصل
الا لجيوب المليارديرات فقط

احنا كشعب اللى دفعنا التمن ايام مبارك وزبانيته
واحنا كشعب اللى شيلنا الغم ايام الثورة من قتلى ومن انفلات امنى ومن رعب
وقالولنا استحملوا علشان مصر تبقى احسن
وهتروق وتحلى لما مبارك يغور ونورث ملياراته
وغار مبارك
قالولنا طنطاوى سبب الوكسه والفلول اللى بيدعهم
ومشى طنطاوى
ونجحت الثورة ووصل رئيس ثورى وقولنا هتروق وتحلى
ومفيش فايده
من سيئ إلا اسوء فى كل جانب من جوانب حياتنا
مأخدناش غير حرية السب والشتيمه على اى حد فقط
غير كده احنا اللى بندفع التمن
ارحمنا يارب برحمتك

**horas3000** · 11-10-2012 12:40 AM

خلاصه الكلام
عايزين يلغوا الدعم يلغوه
عشا يوزعوا كبونات ب 20 لتر في الشهر يوزعوا
و باذن الله الواحد مش هيغلب و هيعرف يجيب تمن بنزينه
بس محدش يزعل لما كل حاجه تغلي الطاق تلاته و اربعه
A man's got to do what a man's got to do

**Elawany13** · 11-10-2012 12:45 AM

المشاركة الأصلية كتبت بواسطة horas3000

خلاصه الكلام
عايزين يلغوا الدعم يلغوه
عشا يوزعوا كبونات ب 20 لتر في الشهر يوزعوا
و باذن الله الواحد مش هيغلب و هيعرف يجيب تمن بنزينه
بس محدش يزعل لما كل حاجه تغلي الطاق تلاته و اربعه
A man's got to do what a man's got to do

هيه ديه الخلاصة فعلاً
وهوه ده اللى بيحصل لما اى حاجه سعرها بيزيد
الناس بتاكل فى بعض
كل واحد بيدوس على اللى تحته
واللى بيتسحق وبيموت الصغير والغلبان اللى صعبان علينا
وعاوزين نوفرله الدعم
وهوه ده حالنا

[img3]http://img843.imageshack.us/img843/9228/39169947529217583693118.jpg[/img3]