الموضوع: أدى أخرة السرعة !

المشاركة الأصلية كتبت بواسطة lanos2004

والثبات ماله ومال واحد اهبل الله يرحمه يجرى كدة جوة المدينه
باشا الناس فى الاسكندريه مولعين الحشيش والدخان خارج من زجاج العربيات بغض النظر عن جاى من محافظه تانيه يحشش عندكوا--بس الصراحه الحشيش بيتباع فى الاسكندريه على الارصفه-اكتر من مناديل هاندى
ولعلمك انا مبرشبش سجارة
وكل اما انزل اسكندريه الاقى عيل بموتوسيكل جاى يقلى عاوز حاجه يا بيه
البقاء الله وربنا يرحمهم وخلاص-والناس ارتاحت من طيشهم

المشاركة الأصلية كتبت بواسطة ibn_seena

اسلوبك مش كويس في الحديث عن شخص توفاه الله ........
حتي وان كانت حقيقه مع انه وارد كتير تكون مش حقيقه ووارد كتير يكونوا مش غلطانين.............
ما ادراك انت يا عبد لله ان ربنا رحمته مش واسعه
ما ادراك انت بما في قلب كل واحد منهم
مش يمكن انت ظالمهم ؟؟
لا حول ولا قوة الا بالله
.............
يا رب ارحمهم وتجاوز عن كل سيئاتهم وصبر ذويهم في هذه الفاجعه

انا اسكندرانى و على فكرة أنا عمرى فى حياتى ما جالى حد بموتسيكل او من غيره و عرض عليا حشيش وممكن فى بعض الشوارع الضلمة و مفيش حد بيعدى فيها كتير تلاقى فيها ناس بتحشش زى ما بيحصل فى اى مدينة كبيرة
بس فى مشكلة فى اسكندرية فى الكورنيش فعلا لانه بيغرى بالجرى بليل مع انه بالنهار بتجرى فيه بسرعة السلحفاة

وحضرتك قلت كلام صعب شوية على أشخاص يرحمهم الله
والله أعلم حقيقة اللى حصل ايه
أنا عديت على الحادثة قبل الفجر كانت عربية المطافى لسه ماشية و الونش بينقل السانديرو
والأسفلت كان فى حتة مكسرة فى الارض
وواضح ان فى عربيات تانية خبطت فى بعضها وقت الحادثة خبطات خفيفة