أدى أخرة السرعة !

**Khaled Online** · 12-10-2012 09:47 PM

لا حول ولا قوة إلا بالله
ربنا يرحمهم ويستر طريقنا كلنا

بعيدا عن المشاكل وفي محاولة لتخفيف التوتر، انتو شايفين اللي عملته الميجان في السانديرو ده ينفع؟ الرينو الصح ميعمش كدة في أخوه

ومحدش يضرب الله يكرمكم هي مش ناقصة

**gebreel** · 12-10-2012 09:52 PM

المفروض اجري بس بحيث ان انا اللي اتحكم في العربية مش العربية اللي تتحكم فيا

**Amrgamal1** · 13-10-2012 07:28 AM

المشاركة الأصلية كتبت بواسطة lanos2004

والثبات ماله ومال واحد اهبل الله يرحمه يجرى كدة جوة المدينه
باشا الناس فى الاسكندريه مولعين الحشيش والدخان خارج من زجاج العربيات بغض النظر عن جاى من محافظه تانيه يحشش عندكوا--بس الصراحه الحشيش بيتباع فى الاسكندريه على الارصفه-اكتر من مناديل هاندى
ولعلمك انا مبرشبش سجارة
وكل اما انزل اسكندريه الاقى عيل بموتوسيكل جاى يقلى عاوز حاجه يا بيه
البقاء الله وربنا يرحمهم وخلاص-والناس ارتاحت من طيشهم

انت بتقول علي الارصفه وفي الشارع وبتاع

أقسملك بالله انا كنت جوا البحر في اسكندرية جالي واحد اسكندراني بيسألني لو عايز حشيش
قالي مصطلح غريب مش فاكرة بس فهمت انه بيقولي عايز حشيش؟
تخيل جوا الميه في البحر !!!!!!!!!!!!
طلعت من البحر وبتمشي ع الشط انا وصحابي لقينا واحد تاني جيه بردو عايز يبيعلنا حشيش
واحنا ولا شكلنا حشاشين مثلا ولا حاجه

**Karim Ibiza** · 13-10-2012 11:46 AM

المشاركة الأصلية كتبت بواسطة lanos2004

ممكن يكونوا بيصطادوا العربيات الغربيه الى مش من الاسكندريه لان بتوع الاسكندريه مش محتاج حد يعرض عليهم--انا غير مدخن ومش بصاحب مدخنين-
وشوف ممكن تكون عايش فى منطقه مفهاش الكلام دة انما انا شغلى بيخلينى الف اسكندريه من المنتزة الى عينو-محطه الرمل-
ومنظر العربيه بيقول ان الحادث دة مش اقل من سرعه 130 او 140-ومافيش عاقل يمشى كدة على الكورنيش-حرام

يعنى ايه بتوع اسكندرية مش محتاج حد يعرض عليهم؟!!!!!!
على فكرة انا بمشى 140 على الكورنيش ومش بشرب سجاير برده

**bmya** · 13-10-2012 06:55 PM

الله يرحمهم السرعه دي ادمان انا كل شويه اقول مش هجري وبهدى شويه وارجع اجري تاني ربنا يسترها
بس عمري ما بجري جوه بلد خصوصا اسكندريه عمري ما بجري على الكورنيش خاااالص هي مره وكنت بشد ع واحد صحبي كان معايا ساعتها لانسر 99 وهو معه سيينا جديده ايامها وكنا هبل وهو يقولي انا هعلم عليك وانا اهقوله ده انا هروقك وجينا في ملف جامد والطريق راح واقف مره حده وانا كنت ماشي 120 تقريبا ودوست فرامل على الاخر والعربيه عامت جامد وربنا سترها وقدرت المها ووقفت وبعدها قلت توبه اجري جوه اسكندريه او اي بلد تاني عشان حرام بجد اللي بيحصل ده ناس بتعددي ولا واقفه فوق الرصيف وتلاقي عربيه طالعه تهرسهم ليه يعني عشان الواد الفتك يقولك انا علمت على ده وطلعت من ده ايه الهطل ده
اما بالنسبه لحوار الحشيش فمع احترامي لاهل اكندريه بس فعلا الحشيش زي الرز هناك وفعلا الديلز بيلقطوا اي عربيه نمر غريبه ويهبط عليها زي الباراشوت

**bmya** · 13-10-2012 09:25 PM

ياباشا احنا ما قلناش ان اهل اسكندريه حشاشين ولا الكلام ده وفعلا الحشيش منتشر على طول في اي محافظه
بس اسكندريه الحشيش بيزدهر فيها والله اعلم اكتر شويه عشان هي مدينه سياحيه والاقبال عليها كتير خصوصا في الصيف تلاقي التجار بيكثفوا الموضوع شويه هناك خصوصا صيفا
بالنسه لان حضرتك من اسكندريه ومجدش عرض عليك فزي مابقولك غالبا عشان هما بيصطادوا الناس الاغراب
ومتأسف لحضرتك لو فهمت كلامي غلط