الموضوع: أشحن التكييف فين

انا مش باجرح في الناس و خلاص, و اعتقد يا أستاذ محمد انك تعرف كويس بعد سنة في المنتدى ان انا مش حاجرح في حد و خلاص و اني من الخبرة و الدراية اني اميز بين اللي بيشتغلني و يعمل فتح و نصب و بين صنايعي أمين عارف شغلة و بيعمل ما يلزم و "بسعر عقلاني"
و هنا الناس بتنصح بعضها للي فية الصالح,

و انا مش فاكر اية التفاصيل يعني اية و بكام لأن زي ما قلت الكلام دة من سنتين تقريبا, بس هوة كان عاوز يغير حاجات كتير من غير لازمة’ و هبد سعر عالي جدا و لما كلمتة فية لقيتة بيتتنك و بيتأمر قوي كأن مافيش حد بتاع تكييف غيرة , رحت سايبة و ماشي و عملت التكييف عن واحد تاني ما عاملش فتح و نصب و ماتكلفش نص اللي كان بيقول علية و اشتغل زي الفل
على ما أذكر المراكبي دة جنب الشرقاوي بتاع الياباني في جسر السويس و صاحب المحلاو الصنايعي اللي اتكلم معايا كمان كان وقتها عندة 128 حمراء

المشاركة الأصلية كتبت بواسطة Adham

الفاكيوم مايتعملش الا لو كان فية تسريب و دورة الفريون فضيت خالص يقوم يعمل فاكيوم و بعدين يحط شوية زيت (20جم) في الدورة و بعدين يملأ فريون من تاني

لكن لو كان بيزود الفريون بس يبقى مش محتاج يفكيم

و الرغاوي لو كتيرة في العين يبقى الفريون ناقص و محتاج يتزود

كان عندي تسريب من البالف اللى في الكمبريسور نفسه وفضي خالص ولما رحتله قام ربط البالف كويس وبطل ينفس وبعدين ولا عمل فاكيوم ولا حظ زيت ولا بطيخ يا دوب بس زود فريون وبعدين قالي الضغوط اهه قدامي تمام والعين لسه بترغي ولما رجعتله تاني قالي مش هقدر ازود فريون تاني علشان لو زودت الكبمريسور هيبوظ

المشاركة الأصلية كتبت بواسطة Adham

كفاءة التكييف تبان في الضهر في عز الحر انما بالليل او الصبح بدري اي تكييف يبان انة بيسقع كويس

كدة يبقى يا أما الفريون ناقص يا أما الكمبريسور ضعيف و محتاج يتغير او ربما الفلترDryer محتاج يتغير

فين الفلتر ده او اعرف منين انه محتاج يتغير؟؟؟

لو كان الفريون فضي خالص يبقى الزيت طلع كمان معاه ويبقى بالتالي لازم يتفكيم و يتحط زيت الاول قبل الفريون

و بعدين متآخذنيش هو قاللك ان الضغوط تمام,, طيب انت تعرف اصلا مفروض الضغط يكون كام عالهاي و اللو, ماهو اي صنايعي لو حابب يتوة الزبون حايتوهه برضة, بس ممكن فعلا الفريون يكون مضبوط, و مايقدرش يزود عن الصح , لأنة كدة يضر الكمبريسور و كمان التبريد يبقى وحش لأن الفريون الزيادة يخللي الكويل يبرد قوي و يتلخ و يفصل الكمبريسور عمال على بطال فاماتبردش كويس

رأيي روح لحد تاني بتاع تكييف يبص عالعربية ويشوف مستوى الفريون كويس وللا لأ, لو انت من مدينة نصر روح لأيمن (أيركار ) و قللة انك صاحب ادهم و حايبصلك عالعربية و يشيك عليها و يشوف اللزم و حايعمل معاك الواجب وممكن كمان تشوف السحار اللي ورا مصر و السودان اللي في شارع الطيران برضة كويس و فاهم ومحترم

الفلتر (الدراير) دة ماتقدرش تعرف اذا كان كويس وللا لأ الا لما الفريون يفضى

او يبان عالعدادات ان فية سدد في الدورة

و هو عامة مش رخيص, حسب نوع العربية من 80 إلى 300 جنية

بس شوف حد تاني يشيك عالتكييف

الف الف شكر ليك بس اللى فهمته ان المفروض العدسه اللىف يالتلاجه متعملش رغاوي وفعلا مكنتش بتعمل غير لما فضي ورحنا زوده بس ولما زود الفريون العدسه بدات تعمل رغاوي ولما رجعتله تاني قالي الضغوط سليمه ومقدرش ازود عن كده بس وقتها مكنتش اعرف انه لازم يعمل فاكيوم وعلشان كده متكلمتش

لو مافيش فريون خالص مش حاتعمل رغاوي

و لو الفريون مضبوط حاتعمل رغوة بسيط جدا (يادوب تقليب فريون)

لكن لو الرغاوي كتير قوي يبقى الفريون ناقص

الفاكيوم مش بيتعمل زي ماقلتلك الا لكا فريون يحصل فية تسريب و يفضى خالص

يبقى ساعتها لازم يفيكم علشان يسحب زيت جديد للدورة و يملا فريون بعدها

لكن لو الفريون ناقص شوية و حايزودة مش بيفيكيم