رفع الدعم عن البنزين..حسبى الله ونعم الوكيل

**أحمد كمال** · 13-10-2012 03:36 PM

المشاركة الأصلية كتبت بواسطة ibn_seena

ليا حق في اني اخد البنزين زي كل البلاد العربيه مش اللتر ب 5 جنيه

البنزين مش رخيص في كل البلاد العربية ...... البنزين رخيص في السعودية و قطر و الكويت

البنزين في الامارات : اللتر 1.75 درهم == 2.9 جنيه

البنزين في لبنان بحوالي 9 جنيه اللتر

البنزين في تونس بحوالي 6 جنيه اللتر

**أحمد كمال** · 13-10-2012 04:34 PM

المشاركة الأصلية كتبت بواسطة korkor

قولهم يازول البنزين وبالذات السولار بكام عندك, قولهم الكهرباء اللى بتتشحن بكروت وسعرها كام

ما رضيتش عشان مجدش يخش يقول كلمة مالهاش لازمة و نفتح باب جدال عقيم تاني

البنزين في السودان ب 2.87 جنيه سوداني يعني اكتر بشوية من 3 جنيه مصري

السولار غالي برضه

الكهرباء الكيلو ب 26 قرش سوداني ..... اللي هو لحد قريب جدا كان يساوي اكتر من 60 قرش مصري بس بعد ما الدولار غلي بقى تقريبا ب 30 قرش

خليني ساكت احسن

**A7MED_PHARMA** · 13-10-2012 05:26 PM

رفع الدعم عن البنزين الــ95 خطوة كويسة
الي معاه فلوس يشتريه..يشتريه
الي ماعاهوش ..قدامه الــ 80 و الـــ 90 والــ 92

انا بس ليا ملحوظة

مش معنى إني راكب عربية تمنها60-70 الف
إني أقدر أحط لها لتر بنزين بـ.4.75
انا لو بروح شغلي رايح جاي في اليوم مسافة 40 كيلو مثلا
يبقا هدفع بنزين بس 20 ج في اليوم =600 ج في الشهر بس بنزين
ماحدش مننا يقدر يستحمل ميزانية زي دي ..إلا لو كان راتبه 5000 مثلا

**monamize4** · 13-10-2012 07:22 PM

المشاركة الأصلية كتبت بواسطة م/مصطفى محمود

يا جدعان خلونا نكون واقعيين الله يكرمكم ، رفع الدعم عن الطاقة لا مفر منه ، ولا مرسي ولا مبارك ولا أى حد من اللى كان مترشح كان هيعرف يعمل حاجه غير كده وإلا بجد كنا هندخل فى كارثة بجد

انا بشتغل فى شركة للطاقة الشمسية ، وبحكم شغلي بشوف أسعار الطاقة فى مصر والشرق الأوسط

والله كنت لسة شغال على مشروع رجل أعمال أردني فى القرية الذكية بياخد الكيلو وات ساعة ب 26 قرش وأحنا بناخدة (اللى فى نفس الرينج ) ب 48 قرش ، وهو أول شريحة عندة فى الأردن جنية ونص ، طب واحد زي ده يوفر فى الكهرباء لية ولا حتى يستثمر فى طاقة نظيفة (كل مشاريعه فى الأردن طاقة شمسية)

قيسوا نفس الكلام على السولار اللى بيروح للشركات (المواصلات نسبة بسيطة منه والأغلب مولدات )

بجد رفع الدعم لا مفر منه ، وبلاش نفكر بنطاق محدود ، رفع الدعم ده هيحسن من مرتب الدكتور اللى عامل إضراب، هيحسن من وسائل المواصلات ويخليها آدمية

يا جماعه فى عجز رهيب فى الموازنة ، ويا نكون متحضرين ونقبل التضحية ونستغنى شوية عن العربية ونقبل برفع الدعم ، يا نقبل بتدهور إقتصادي فى المقومات الأساسية للدولة (كهرباء وصحة وتعليم ودفاع وأمن وبحث علمي ) فى مقابل ان كل واحد فينا عايز يركب عربيتة ومستخسر يركنها تحت البيت شوية ويركب مواصلات

بجد ياريت نكون قد الحدث ومقدرين الظروف اللى فى البلد ، ألمانيا الغربية بعد الحرب العالمية انتشر فيها العمل التطوعي والناس كانت بتستغنى عن الطاقة لتوفيرها للمصانع

واللى قبلينا قالوا " اللى ميشوفشي من الغربال يبقى أعمى "

كلام سلييييييييييييييييييييييي يم 100%
بس الواحد نفسو يشوف نتيجة التضحيات اللى هيقدمها .... يعنى من الاخر محسش ان عينى هتطلع عشان خاطر ولاد ال------ يحطوا الفلوس ف جيبهم و نرجع ندور تانى على حاجة تانى نحوش منها الدعم

ثانيا المفروض الحكومة توفرلنا مواصلات محترمة الواحد يبقى مطمن على اهلة فيها

**Osama_I** · 13-10-2012 08:08 PM

المشاركة الأصلية كتبت بواسطة mahmoud saloum

معلش يا جماعة وارجو ان محدش يزعل منى بس هوا ليه اصحاب السيارات اللى زينا الحكومة تدعملهم البنزين؟؟؟؟ يعنى مثلا الاقى واحد محترم راكب عربية سيراتو ولا الانترا ونازل منها على منفذ التموين علشان ياخد زيت وسكر مدعم ؟؟؟ وممكن نفس الراجل يروح يدفع فى عشوة 500 جنيه!! كمان ومع احترامى لاصحاب السيارات القديمة لكن كل واحد معاه 7 و8 ألاف جنيه يروح يجيب عربية قديمة وممكن تكون 1800 ولا 2000 ولا 3600 سي سي زى الامريكانى القديم عايزة بنزينة تمشى وراها والبلد تدفع دعم! و الشوارع تتملى سيارات وبالتالى نقف بالساعات فى الاشارات ونحرق البنزين واحنا واقفين والدولة تدفع دعم ؟؟؟ وياريت واحنا ماشيين نبص على العربيات هنلاقى كل واحد راكب عربية واربع كراسى فاضيين جنبه وبقيت الشعب محشور فى علب سردين وفى المترو ! وطبعا مينفعش زيادة عدد الاوتوبيسات او زيادة التصاريح للميكروباصات لان ده هيقفل الشوارع تماما ومحدش هيتحرك من مكانه.
ده اول حاجة تانى حاجة ليه القاهرة مثلا تمشى فيها عربيات فوق ال 800 سي سي يعنى بمناسبة ايه لا فيه مطالع حادة ولا فى تراك سباق ولا اى حاجة يعنى لما حد عايز يمشى بعربية 1600 سي سي ولا 2000 سي سي يبقى على حسابه مش على حساب الدولة
يا يجماعة الدعم ده معناه اعانة او معونة ازاى الواحد يبقى راكب عربية تمنها 60 ولا 70 ولا 100 ولا 200 الف جنيه ويقبل على نفسه ياخد اعانة من الدولة؟ ويا ترى مين اللى يستحق الدعم انا وانت وكل الطبقة المتوسطة والفوق متوسطة و الثرية ولا الطبقة اللى تحت خط الفقر وتعيش فى المقابر والعشوائيات و ....
للعلم ده مش معناه انى مع الحكومة الفاشلة اللى ماسكة البلد دلوقتى ومفيهاش غير وزير الداخلية والباقى ممكن يشتغلوا مدرسين فى مدرسة ثانوى بس الموضوع بتاع البنزين ده بالذات انا معاهم فيه ولو هيأثر عليا شخصيا.
وأرجو انكم تتقبلوا رأيى بصدر رحب وبموضوعية

بموضوعيه
1- لو السوﻻر زاد 10 قروش الخضار و الفاكهه حتزيد بالجنيه.
2- واحد زى حالاتى متغرب بسافر فى الشهر 1200 كيلو .... .
3- الفندق اللى أنا شغال فيه كيلو وات كهرباء ب 27 قرش "بيتى بـ 50 قرش" + لتر السوﻻر بـ 1.1 قروش علشان نسخن حمام السباحه "مش هزار".
4- كان فى قرار زمان من وزارة السياحة بيقول ان للمصريين تخفيض 50 % فى الفنادق القرار ده اتلغى و بالعكس حالياً المصرى بيدفع اكتر من اﻷجنبى و بيبقى درجه تانيه!!!!!!!!!!!

بموضوعيه
بدل ما الحكومه تدور على 1600 و 1400 و 95 ، 92 ، 90
مينزل قرار فورى بإلغاء الدعم عن الفنادق و المنشأت الترفيهه و المصانع و نشوف حنوفر كام ؟؟؟؟؟؟؟