هل تقبل التهكم و السخرية من سيارتك-استطلاع

**Noha.M** · 07-07-2008 01:20 AM

لا انا معنديش مانع سواء نقد لمجرد النقد ولا نقد بناء مبتفرقش معايا اساسا !!!

**Noha.M** · 07-07-2008 01:22 AM

بس الظريف باة حاجة

ان الناس اللى مصوتين انهم مش بيفرق معاهم و كدة هم هم الناس اللى طول النهار يتخانقو على عربياتهم

احم احم

SS · 07-07-2008 01:27 AM

انا عن نفسى ما بزعلش خالص ....لان مفيش حد يقدر يتريق على عربيتى ...لسبب بسيط ان مفيش حد بيتريق عليها اكتر منى.....بس عموما لا توجد عربية تخلو من عيب و مفيش حاجة كاملة....و كل واحد ليه متطالباته وامكانيته ..و بعدين لو فى صفة حد معين بيعتبرها عيب فى غيره بيعتبرها ميزة......يعنى لو العربية واطية=بتحك فى المطبات ، فى حد تانى ممكن يعتبرها = ثبات اكتر...العربية مش منتشرة= قطع غيار اقل و اعادة بيع مش سهلة....واحد تانى يعتبرها = عربية مميزة ، الغش فى قطع غيارها اقل...و هكذا

**Chicco** · 07-07-2008 01:31 AM

المشاركة الأصلية كتبت بواسطة Ahmed Anwer

ما هوا ده السؤال ،،

الأدب والذوق معاك يا دكتور أو مع أي شخص

ده امر مفروغ منه ،، و منصوص عليه في قواعد المنتدي و قبلها في قواعد الدين و قواعد الأخلاق

لكن الأدب و الذوق مع العربية بقه ؟؟؟

صعبتها يا باشمهندس :)

ما عنديش مانع من التريقة على العربية لكن مش على الشخص ....يعني مثلا العربية الفلانية ديه تاكسي ماشي لكن ديه عربية الشحاتين لا

و مش برضه لو التريقه ممكن تضلل حد ناوي يشتري العربية ....مثلا العربية العلانية بتعطل أكتر ما بتمشي ساعتها برضه يبقى لا

التريقة على الشكل برضه مقبولة ...العربية ديه شكلها مبوز أو حد خبطها على دماغها ...ماشي ....اختلاف أذواق لكن برضه الألفاظ بتفرق ....العربية وحشة مش عجباني ماشي ....ديه عربية زبالة و معفنة يبقى لا

من الاخر الأجابة أقبل السخرية في حدود :)

**bishoo33** · 07-07-2008 01:39 AM

النقد من وجهه نظرى نوعان
الأول بناء وهو من الأشخاص الركيبه او بمعنى أخر اللى بيفهموا فى السيارات وده انا بقبله عادى جدا لأ ومش بس كده بحب اتحاور معاهم
الثانى هدام وهو من الأشخاص مدعى الفهم أو بمعنى أخر اخرهم مينى باص وده انا بأسمعه واطنش كأنى لم أسمع شىء ومش بس كده بقوله عندك حق . عشان خساره افهمه والجدال معاه عالفاضى
واخيرا
انا بحب عربيتى بكل مميزاتها وعيوبها

**S H @ F T** · 07-07-2008 02:45 AM

أنا الحمدلله عمر ما حد اتريق على عربيتي
لكن لو اتريق هزعل طبعا لأن عربيتي هي نتيجة اختياري أولا
ثم تعب شهور تعديل وتظبيط وبعتبرها شريكة حياتي اللي دايما شايلاني في الحلوة والمرة

وكمان مافيهاش حاجة يتريق عليها

**Dr Ahmed** · 07-07-2008 02:48 AM

أنا أقبل رأيه ونقده وكل حاجة .. إنما سخرية وتهكم .. لأ طبعا لا أقبل

**Eng.Osama.Afifi** · 07-07-2008 03:14 AM

المشاركة الأصلية كتبت بواسطة tutankhamoun

طبعا أقبل و لا أزعل
و ممكن أتناقش مع الناس لو حد قال العربية فيها كذا و كذا
و ممكن أتناقش ...........

إنما أزعل .................. لاءة .......... خالص
اللي عايز يقول يقول ................... هي من بقية أهلي
دي شوية حديد ................. بس طبعا لازم النقد يكون بناء و متحضر

+1111111111111111

**Mohamed_Hegazy** · 07-07-2008 03:17 AM

النقد الموضوعى مطلوب فى كل حال - ولكن النقد العفش والشكلى فقط مرفوض والتعالى فى النقد مرفوض - مثل هيه دى عربية دى تصميمها من القرن الماضى دى شكلها مؤرف - السيارة الى حد ما تعبر عن اختيار صاحبها ولا يجب الاستهانه باختيار الاخرين وانما كما قلت النقد البناء المفيد - ويجب ان نعلم ان العامل الاقتصادى له عظيم الاثر فى مصر فلايجب ابدا الاستهانة باى سيارة مهما كانت

**mazen86** · 07-07-2008 03:35 AM

بصوا في الموضوع دا بقا

انا بقوله عريبتي دي بتوديني وبتجيبني من البيت وبتوصلني الحمدلله

عيوبها انا عارفها مش محتاج اسمعها منك لاني انا الي راكبها مش انتا

لو قلي كانت معايا اقوله والله معايا ومبتعملش كدا يبقا العيب عيب سواق بقا

مشاهدة نتائج الإستطلاع: هل تقبل السخرية و التهمك من سيارتك

الموضوع: هل تقبل التهكم و السخرية من سيارتك-استطلاع

LinkBack

أدوات الموضوع

عرض

-

-

-

-

-

-

المواضيع المتشابهه

استطلاع : هل تشعر بالسعادة وأنت تقود سيارتك ؟

استطلاع رأى :هل تخشى من ظهور ارقام لوحه سيارتك فى صورها؟

اضحك مع السخرية من الاعلانات

الكلمات الدلالية لهذا الموضوع

المفضلات

المفضلات

ضوابط المشاركة