سؤال عن فتيس البي ام 2013

**topstar** · 14-10-2012 04:54 AM

ازيكم يارب الكل يكون بخير...

كان عندي كام سؤال محيرني..

1- انا لحظت ام معظم البي ام اكتر حاجه بتبوظ فيها الفتيس وناس كتير بتشتكي من الموضوع غير المرسيدس نادر اوي لما حد يقول الفتيس او العربيه فيها عيب..وسمعت من ناس شغاله في البي ام ان الباور بتاع الماتور اعلي من بور الفتيس ودي كانت المشكله اللي بتبوظ الفتيس..هل ليها حل في 2013 ولا زي ما هي ؟
2-يا تري حد شاف الــ 318i 2013 الجديده وجربها او عارف امكانيتها ايه بس مش مجرد كلام من النت لاني لفيت كتير علي النت ودورت..

3- الــ 328i الجديده ايه رايكم فيهم انا شفتها في مصر بس عجبني شكلها والاستايل بتاعها حد يعرف ايه نظامها كأنوع من انواع البي ام بما ان في اشكال وانواع كتير في البي ام

معلش انا طولت عليكم بس انا هشتري بي ام وخايف اوي من حوار الفتيس اللي بيبوظ بسرعه مع ان العربيه غاليه ... وبفكر اشتري مرسيدس c180 خوفا من البي ام

اسف مره تاني لو كنت طولت عليكم

**fahd_628** · 14-10-2012 04:29 PM

لأ المشكلة الوحيدة هى فى فتيس ال e46 من 99 ل 2000

غير كدة مسمعتش عن اى مشاكل

**topstar** · 15-10-2012 07:39 AM

يارب زي ما بتقول عشان انا مش عايز اجيب عربيه وفي الاخر الاقي الفتيس ادخل في متاهه تانيه خالص

**Batman372** · 15-10-2012 04:01 PM

بعد التحيه ،

- انا كان معايا 4 بى-ام مختلفين من 2001 حتى 2009 بدون اى مشاكل من اى نوع ... فلا تقلق لان لو اى بى-ام من الزيرو و صياناتها دوريه فى مواعيدها و قطع غيار اصليه لا تسبب اى مشكله لصاحبها ...
- غير كده كأى عربيه قديمه و كم كتير و اى حد بيشتغل فيها و هكذا ... يعنى متبهدله متبأش بى-ام و اكيد مشاكلها كتيره ...
- مو 2013 بها فتيس 8 سرعات جديد بالكامل و حتى اليوم لم اقرأ ان به مشاكل ... و غالبا مش حيكون لان الناس دى مش بتنزل اى جديد الا لما يتم عليه اختبارات قاسيه فى كل ظروف التشغيل ...
- حضرتك متألقش من ايه حاجه لانك حتشترى زيرو و عندك ضمان سنتان غير بعد كده حاجه اسمها good will حتى سنتان زياده بالنسبه للقطع التى من المفترض انها تحت الاستعمال الطبيعى تعيش عمر العربيه life time مثل الموتورو الجير بوكس و خلافه .......
تحياتى ...

**heero_49** · 16-10-2012 05:38 AM

الفتيس الجديد وهمى وهو كان فتيس الفئة الخمسة ونازل 8 سرعات و ال8 بيبدء معاك على 200 والعربية كلها ممتازة بس مفيش 318 من الشكل الجديد النازل منها حاليا 320 و328 و330

**topstar** · 16-10-2012 07:07 AM

انا بشكركم بجد... وانا عامه روحت بافاريا انهارده وده صحيح مفيش غير 320 الشكل الجديد ده اول موديل ولاقيت الهاين لاين بــ 375 .. والعاديه فاتحه سقف برضو وفيها شويه امكانيات وشاشه وكله برضو بــ 345 بس طبعا بختلاف الفرش والنواكل اللي جوه وبره العربيه بس بصراحه تحفه ....

بس سؤال لــ Batman

انا سمعت ليك ضمان لحد 50 الف كيلو او علي ما اعتقد 70 الف كيلو مش سنتين
وسؤال المفروض بما انك ركيب بي ام تتوقع حسابي في الشهر او كل سيرفيس للعربيه تتوقع اعمل حسابي في حدود كام؟؟؟؟؟

**Kareem.ElAraby** · 16-10-2012 08:15 AM

متابع

**Batman372** · 16-10-2012 02:15 PM

المشاركة الأصلية كتبت بواسطة topstar

انا بشكركم بجد... وانا عامه روحت بافاريا انهارده وده صحيح مفيش غير 320 الشكل الجديد ده اول موديل ولاقيت الهاين لاين بــ 375 .. والعاديه فاتحه سقف برضو وفيها شويه امكانيات وشاشه وكله برضو بــ 345 بس طبعا بختلاف الفرش والنواكل اللي جوه وبره العربيه بس بصراحه تحفه ....

بس سؤال لــ Batman
انا سمعت ليك ضمان لحد 50 الف كيلو او علي ما اعتقد 70 الف كيلو مش سنتين
وسؤال المفروض بما انك ركيب بي ام تتوقع حسابي في الشهر او كل سيرفيس للعربيه تتوقع اعمل حسابي في حدود كام ؟؟؟؟؟

- لو حضرتك بتتكلم على الضمان العادى فهو سنتان بدون حد اقصى للكم شامل كل العربيه .
- لو بتتكلم على نظام النيه الحسنه good will بعد انتهاء الضمان الطبيعى فهى مسأله ترجع لرأى بى-ام المانيا لان الوكيل (البافاريه) بيبعت الحاله بالتفصيل و يتم الرد من المانيا حسب كل حاله - فى حالتى انا كانت 523/e60 مو 2006 و عند اقتراب انتهاء الضمان كنت بحس بهزه خفيفه فى الجيربوكس لما اجيب المارشدير r مباشره من ال d بالمرور السريع جدا على ال n .... فقالوا ان ده طبيعى نظرا لعكس كل التروس مره واحده ... و لكنى اصريت على ارسال الحاله لالمانيا فكان الرد اعطائى good will بضمان اضافى لمده سنتين اخرى على الجيربوكس ... و حاله اخرى لصديق لى انه بعد انتهاء الضمان ب 4 شهور تم تغيير له طرمبه الميه بلا اى مقابل تحت نظام النيه الحسنه ...
- بما انك شارى بى-ام زيرو ... سيرفيس الزيت + فلتر كل 12/15 الاف كم او سنه ايهما اقرب حوالى 750 جم ... و انساها حتى 40 الف كم بعد كده فقط تيول اماميه .... و تغيير زيت فرامل كل سنتين بحوالى 350 جم ...
- الخلاصه لا تستمع لاى كلام و اطمئن جدا لانك حتركب احلى عربيه و افضل خدمه سيرفس بعد البيع بالتواصل مع بى-ام المانيا ...
تحياتى ...

**topstar** · 17-10-2012 07:24 AM

شكرا ليك يا باشا بجد ومعلش انا تعبت معايا ومعلومات صحيحه لاني سألت في التوكيل بس كنت عايز يكون التأمين عندهم لاقيته بيقولي 15 الف جنيه في السنه وبتقل شويه شويه مع كل سنه بس لسه مش عارف بس بيكون تأمين شامل بدل وجع القلب في شركات التأمين

**heero_49** · 17-10-2012 03:09 PM

المشاركة الأصلية كتبت بواسطة topstar

شكرا ليك يا باشا بجد ومعلش انا تعبت معايا ومعلومات صحيحه لاني سألت في التوكيل بس كنت عايز يكون التأمين عندهم لاقيته بيقولي 15 الف جنيه في السنه وبتقل شويه شويه مع كل سنه بس لسه مش عارف بس بيكون تأمين شامل بدل وجع القلب في شركات التأمين

ده بيكون تامين شامل على العربية وبيكون تعاملك مع البافرية ملكش دعوة بشركات التامين والمحاضر والكلام المتعب ده