العربيه محسوده و ربنا يستر :(:(

**abdelaziz-waleed** · 15-10-2012 07:19 PM

المشاركة الأصلية كتبت بواسطة ahmed_fahmy

انا بدعم كلام استاذ عبد العزيز هى الصدقه مهمه جداً ولعلمك الاوبل من العربيات المحسوده زي البي ام والمرسيدس يعنى تلاقى واحد ماشى جنبك راكب ايلانترا ب١٥٠ الف وانت راكب فيكترا a موديل ١٩٩٢ ولو خبطك الناس تنزل وتقولك يا باشا انت راكب اوبل استعوض ربنا وسيبو على اساس ان هو الغلبان يعنى دي افكار مش هتتغير عند الناس ودايماً اقراء سورة الفلق وسمى قبل ما تدور العربيه وان شاء الله خير ولازم تطلع مبلغ للعربيه بشكل دوري كل شهر وزعو على الغلابه اللى هم مش تلشحاتين فى الشارع لا انا بتكلم على الغلابه اللى بجد يعنى عامل محطة البنزين فراش او عامل نظافه او عامل فى قهوه بتعد عليها يعنى اعمل مبلغ ووزعو عليهم شهرياً

ما شاء الله يابو حميد
كلام من الاخر
الله ينور يا باشا

**tananybasha** · 15-10-2012 11:10 PM

قدر الله و ما شاء فعل

**callsdiab** · 17-10-2012 02:05 PM

استاذنا الكريم
الحمد لله على كل شىء واى شىء، اكيد الحسد موجود ومذكور بالنص
ماشاء الله كل الناس ردت وقالت كل مايقال فى تلك المواقف
اهم شىء انك دائما تشكر ربنا على كل النعم اللى عندك وكفايه الصحه
ربنا يحافظ عليك وعلى اسرتك وعلى كل المسلمين انشاء الله

**sherif moneer** · 18-10-2012 03:26 AM

الحمدلله و ربنا يسترها معايا ومع كل الاخوه دايما

**محيي الدين** · 19-10-2012 11:03 PM

المشاركة الأصلية كتبت بواسطة sherif moneer

يوم الاربع جه واحد ابن حلال بموتسيكل خبطلي المرايه اليمين فسخها قلت الحمدلله انها متكسرتش و رحت صلحتها والراجل طلع ابن حلال وخد 10 جنيه فيها
جيت يوميها بليل مشيت مشوار بتاع 20 كيلو كده ببص لقيت الحراره وصلت 100 مع انها مش بتزيد عن 92 (الحمدلله)
نزلت ابص لقيت المروحه فاصله
رحت تاني يوم غيرتها واتكلفت 250 جنيه
جت امبارح بقي كانت رايحه دمياط الجديده وكانت مع واحد صاحب اخويا وهو عنده هيونداي الينترا تسعينات يعني ثبات الفيكترا بالنسباله حاجه روعه
المهم بيسفلتو طريق كده قبل دخلة دمياط وعليه زفت وحاجات من دي ف هو داس ف الزفت زي كل العربيات و بعدين نزل فرده ع التراب عشان تنشف الزفت وبعدين كمل طريقه عادي وداخل ملف علي سرعة 70 راحت العربيه لفت منه وكانت بتخمس ع الطريق وكانت رايحه ع البلوكات ولفت منه لفه ونص و ربنا ستر الحمدلله ومكنش فيه عربيه جايه وراه وهو قعد يشكر ربنا انه راح المشوار ده بيها مش بعربيته الهيونداي والا كان حضن السور
المهم جيت النهارده العتبه اليمين اتحكت حكه بنت حلال ف حته حديد طالعه من الارض حكتها وانا بركن العربيه
زهقت بصراحه وكل يوم حاجه شكل وبقيت خايف اركبها اصلا :(
ادعولي :(

علي فكرة عربيتي فيكترا 91 وذات مرة في محطة البنزين قابلت شخص غريب راكب نفس العربية بتاعتي وقالي ان العربية دي دايما محسودة علشان كدة حاول تذكر الله فيها كتير وحاول تقول دعاء الركوب ودعاء السفر لو هاتسافر وربنا يحفظها لك ويبارك لك فيها ويكفيك شرها.

**mexmarine** · 19-10-2012 11:22 PM

أستاذ شريف هيقابلك كتير قوى حاجات زى دى .. كثير بتكون اخطاءك زى الركنه الاخيره دى و كثير اخطاء الغير يعنى ممكن تتخبط و هى واقفه و كثيرا اخطاء مشتركه و عيوب قطع غيار .. سلمها لله و أعلم ان ما اصابك فهو لله الحمد اخف بكثير مما اصاب غيرك . إحمد الله .

**Hesham.H** · 20-10-2012 12:15 AM

خليك متعود انك اول اما تخرج من باب البيت تقول : " بسم الله توكلت على الله ولا حول ولا قوه الا بالله ... اللهم انى اعوذ بك ان أضل أو أُضل أذل أو أُذل أو أظلم أو أُظلم أو أجهل أو يُجهل علىّ "
هتلاقى فرق جامد وتلاقى ربنا بيسترها معاك فى كل خطوه
وطبعا الشيئ اللى أجمع عليه كل الزملاء وهو الصدقه
ربنا يسترها معانا جميعا ويكفينا شر الطريق

**sherif moneer** · 20-10-2012 02:15 AM

متشكر جدا لكل الاخوه اللي نورولي الموضوع و ربنا يجازيكو خير وهعمل بنصايحكو كلها ان شاء الله

**Z100100** · 20-10-2012 07:34 PM

ربنا يستر علينا كلنا من الحسد
اقرأ كل يوم الاذكار عشان بيمنع الحسد بأذن الله
و لو فضل الحال علي ما هو عليه يبقي مافيش غير انك تبيعها و تريح نفسك
في كده ساعات عربيات بتبقي نحس