العربيه محسوده و ربنا يستر :(:(

**sherif moneer** · 15-10-2012 02:33 AM

يوم الاربع جه واحد ابن حلال بموتسيكل خبطلي المرايه اليمين فسخها قلت الحمدلله انها متكسرتش و رحت صلحتها والراجل طلع ابن حلال وخد 10 جنيه فيها
جيت يوميها بليل مشيت مشوار بتاع 20 كيلو كده ببص لقيت الحراره وصلت 100 مع انها مش بتزيد عن 92 (الحمدلله)
نزلت ابص لقيت المروحه فاصله
رحت تاني يوم غيرتها واتكلفت 250 جنيه
جت امبارح بقي كانت رايحه دمياط الجديده وكانت مع واحد صاحب اخويا وهو عنده هيونداي الينترا تسعينات يعني ثبات الفيكترا بالنسباله حاجه روعه
المهم بيسفلتو طريق كده قبل دخلة دمياط وعليه زفت وحاجات من دي ف هو داس ف الزفت زي كل العربيات و بعدين نزل فرده ع التراب عشان تنشف الزفت وبعدين كمل طريقه عادي وداخل ملف علي سرعة 70 راحت العربيه لفت منه وكانت بتخمس ع الطريق وكانت رايحه ع البلوكات ولفت منه لفه ونص و ربنا ستر الحمدلله ومكنش فيه عربيه جايه وراه وهو قعد يشكر ربنا انه راح المشوار ده بيها مش بعربيته الهيونداي والا كان حضن السور
المهم جيت النهارده العتبه اليمين اتحكت حكه بنت حلال ف حته حديد طالعه من الارض حكتها وانا بركن العربيه
زهقت بصراحه وكل يوم حاجه شكل وبقيت خايف اركبها اصلا :(
ادعولي :(

**abdelaziz-waleed** · 15-10-2012 02:38 AM

استاذ شريف اهلال بحضرتك
حاول تحرص على اخراج صدقة بصورة منتظمة عن السيارة (شهريا) وربنا يحفظها لك ان شاء الله

**sherif moneer** · 15-10-2012 03:08 AM

شكرا يا استاذ عبدالعزيز علي النصيحه وانا فعلا قررت الموضوع ده النهارده وبكره ان شاء الله هحاول اعمله لأني بقيت خايف منها والله

**windofchange** · 15-10-2012 03:12 AM

الله معاك لاتنسي اذكار الصباح والمساء ففيها من الاذكار ماتحفظك وتحفظ دابتك واهلك ,,,,,,واقولك ايه هو اللي مصر فيه ده مش من ذنوبنا وتكالبنا عالدنيا ربنا يهدينا ويصلح حالنا

**sherif moneer** · 15-10-2012 03:19 AM

والله ما انا عارف ايه اللي بيحصل ده كله وايه سببه بس اهو نصيب و ربنا يستر وتعدي علي خير

**Khaled Lanos** · 15-10-2012 05:37 AM

معلش يا استاذ شريف الحال من بعضه والله..

عموما ابقى شغل فيها قرآن دايما وابقى اقرأ اذكار الصباح والمساء وخرج صدقة عن العربية زي ما الاخوة فوق قالو.

وربنا يكفينا شر العين والحسد يارب.

**maroww** · 15-10-2012 10:36 AM

السلام عليكم يا استاذ/ شريف ان شاء الله تدبح للعربية او تطلع فلوس صدقة وربنا ان شاء الله يحمهالك

**Mohamed Hafiz** · 15-10-2012 11:01 AM

الحمد لله ربنا سلم المهم الصدقه و أهي في أيام خير العشرة الأوائل من دي الحجه

**sherif moneer** · 15-10-2012 06:07 PM

جزاكم الله خير وشكرا علي اهتمام حضراتكم :)

**احمد فهمى** · 15-10-2012 06:35 PM

انا بدعم كلام استاذ عبد العزيز هى الصدقه مهمه جداً ولعلمك الاوبل من العربيات المحسوده زي البي ام والمرسيدس يعنى تلاقى واحد ماشى جنبك راكب ايلانترا ب١٥٠ الف وانت راكب فيكترا a موديل ١٩٩٢ ولو خبطك الناس تنزل وتقولك يا باشا انت راكب اوبل استعوض ربنا وسيبو على اساس ان هو الغلبان يعنى دي افكار مش هتتغير عند الناس ودايماً اقراء سورة الفلق وسمى قبل ما تدور العربيه وان شاء الله خير ولازم تطلع مبلغ للعربيه بشكل دوري كل شهر وزعو على الغلابه اللى هم مش تلشحاتين فى الشارع لا انا بتكلم على الغلابه اللى بجد يعنى عامل محطة البنزين فراش او عامل نظافه او عامل فى قهوه بتعد عليها يعنى اعمل مبلغ ووزعو عليهم شهرياً