الموضوع: مهزلة اخرى بتوكيل القطامية

المشاركة الأصلية كتبت بواسطة enghany

بص سعادتك
اللي هيحصل كتالي
انك هتلاقي مشاركه من مسئول الشركه او من خدمه العملاء بتاعتهم بتطلب منك الاتصال او تحديد ميعاد قريب و هيغيروا او يردوا تمن الموبينه و هتشرب الشاي هناك و هتيجي تعمل شكر ليهم
انا لا اعيبك في شيء يا دكتور لكن هما دي طريقتهم و اسلوبهم بيخافوا جدا من النت لاقصي ما تتخيل يا راجل دول كانوا هينقلوا مدير الورشه لما احد الاعضاء كان بيشتكي ان الصنايعه لا تحترمه ( من حوال سنه )و ايضا احد الاشخاص هناك ابلغوه بشكاوي كتير من العملاء ضده فلم الدور شويه وهو عارف نفسه يا راجل اسال واحد عاش معاهم و اشتغل هناك والحمد لله اني كنت بفكر ارجع لما عرضوا عليا و غيرت رايي و ربنا نجاني باخر لحظه و كمان عاصرهم دا توكيل علي ماتفرج ليس الا و لا يرقي لمستوب الورش ال عاديه تقبل تحياتي

من خلال متابعتى فعلا خلال الفترة الأخيرة بتفق مع حضرتك تماما إن ده إسلوب التوكيل فى حل المشكله .. لكن ليه الحل ميبقاش جذرى وبيبقى لكل حالة على حده
إحنا كلنا ملاحظين عشوائية فى إدارة المركز من أول تحديد موعد وعدم الإلتزام به مروارا على إستلام العربية من الصحرا دون ان يكون معك المهندس المسئول مع ملاحظة إن حتى الفاتورة مش بيتكتب فيها إيه إللى إتعمل
رجاء من إخوانا مسئولى التوكيل وضع حلول جذرية لجميع العملاء (بمن فيهم إللى لسه صابروساكت) وغربلة المركز بالكامل وشويه صرف على الصنايعية وتأهيلهم بدل ما يجربوا فينا

الله يكون فى عونك حاجة تحرق الدم .. أنا لسه جايب العربية ديه بعد ما كتير من الناس شكرت فيها .. بس دلوقتى حاطط أيدى على قلبى و خائف من اللى هاقبله فى صيانة ١٠٠٠ كيلو .. ربنا يستر
يا ريت حد من الناس المحترمة زى ا/ عماد او ا/ داليا يحلوا الامر عشان العربية عليها إقبال كبير و التوكيل بالطريقة ديه بيعمل دعاية سيئة لها