مفتاح النور - أبيزا 98

**ahmedfrancais** · 16-10-2012 07:11 AM

السلام عليكم يا شباب الابيزا .. دى اول مشاركة ليا هنا طبعا بس كنت دائما متابع بصمت ..وقررت انى اخرج عن الصمت واتكلم معاكم ... اولا انا عندى مشكلة فى الكشفات الامامية بتاعت ابيزا 98 .. كنت فى البداية نورها ضعيف قولت اروح اغير الوش الخارجى للكشفات واشتريتهم من التوفيقية ورحت لكهربائى ..طبعا الكهربائى قالى انا ممكن ازودلك الاضاءة بتاعت الكشافات ..طبعا وفقت وطلب انى اجيب لمبة 200/على 260 والحمد لله ركبها والاضاءة زادت شوية ...بعدها باربع ايام الحمد لله لم اجد اى اضاءة وبقيت البكرة او مفتاخ الاضاءة مش بينور غير نور التابلوة بس .. طبعا الكهربائى قالى انى المفتاخ ساح ..مش عارف الكلام دا صح ولا لاء ..ولو فعلان المفتاح ساح اقدر اجيبة منين وبكام ..ياريت حد يقولى .. واسف على الاطالة ..

**windofchange** · 16-10-2012 08:16 AM

وعليكم السلام .... منور يااحمد معنا بص انا مفهمش فالكهرباء اووي بس اللي اعرفه ان ضفيره العربية مصممة لوات معين للمض الفوانيس لو هتزود الوات زي ماالكهربائي عمل يبقي المفروض يركب معاها كتاوت cut out علشان يحافظ علي كهرباء العربية فاحتمال كبير غلطة الكهربائي هو المفروض تسأله ركبلك كتاوت ؟ يعني انت شفته ركب اللمض وقفل ولا ركب كتاوت فحوض العربية فالضفيرة او جنب علبة الفيوزات ونستني برضه اراء الرجالة بس الموضوع لو اتنقل للورشة هتلاقي رد اكبر ...ايهاب

**windofchange** · 16-10-2012 08:56 AM

اعتقد الموضوع ده ممكن يديك فكرة عن اللي حصل او العيب الممكن يكون عندك http://www.nilemotors.net/Nile/302360-a.html

**SYD** · 16-10-2012 10:03 AM

هرد علي حضرتكم لاحقاً

بس في الأول - اهلا بيك في نايل موتورز وقسم سيات

**SYD** · 16-10-2012 11:50 AM

في البداية برحب بيك مرة تانية في نايل موتورز

طبعا كلام الأخ ايهاب windofchange سليم 100%
وموضوع ان المفتاح ساح - دة امر وارد جدا والكهربائي بتاع حضرتك كان لازم يركب كتاوت وبالتالي المفروض يتحمله - ومن الأصل هو لو كان عمل تقوية للمبات الراكبة كانت هتنور كويس
معلش - محدش بيتعلم ببلاش

بس عايز اقولك انك هتغير المجموعة كلها الراكبة في التابلوه وليس مفتاح النور لوحده (لو استيراد) اما لو جديد فمش عارف بتتباع ولا لاء وبكام
استيراد اعتقد هتدخل في 150 جنيه

تحياتي

**ehab_mansour** · 16-10-2012 02:48 PM

الله المستعان !!!!
الواحد مش عارف يقول ايه علي الصنايعيه اللي مبتفهمش دي
حضرتك لمبات العربية الأساسية و اللي قدرتها بالوات مناسبة لضفيرة و مفاتيح العربية مناسبة جدا و نورها كويس جدا و حضرتك فقط محتاج وقت ما غيرت الزجاج الأمامي للكشافات كنت محتاج تغسل الكشافات جيدا و تنظف العاكس الداخلي كنت هتلاقي نورها رائع و مش محتاج لتغير اي شيء

انا شخصيا مبحبش تغيير اي شيء في العربية عن الوضع الاوريجينال و خاصة الضفيرة و الكهرباء ولا تركيب كتاوت ولا غيره لأن كل ده عك مبيجيش من وراه غير وجع القلب في العربيات دي لأن كهرباء العربيات اللي فيها كنترول و حساسات حساسه لأي تغيير فيها

انا رأيي تغير المفتاح اللي ساح ده هو الجزء اللي راكب معاه و تراجع علي الفيوزات و الضفيرة و تتأكد انهم كويسين و مفيهمش مشاكل و تركب لمبات تتناسب مع العربية و فيه انواع كثيرة اضائتها قوية و تتناسب مع العربية

و بالتوفيق ان شاء الله

**mahmoud ghanem** · 16-10-2012 10:11 PM

المشاركة الأصلية كتبت بواسطة ahmedfrancais

والله شباب انا بجد مبسوط معاكم لانكم بجد منورين قسم السيات وعاملين روح فية ... الكهربائى مركبش كتاوت ولا اى شىء ..يلا الله يسامحة .. عموما انا القى المفتاح الاستيراد دا عند مين يارجالة مع العلم انى من المعادى وشغلى فى المهندسين يعنى لو فى حد فى سكتى بجد يبقى تمام اوووووووووى

محل التوفيق اللى فى شارع احمد ذكى فى ارض البصرى دة بيبيع حجات الابيزا الميكانيكا اساله ممكن يكون عندة حجات الكهرباء لو مكنش كدة فا الجديد هتلاقيه عند فتح الباب فى التوفيقية او اللى فى شارع السودان عند كوبرى عرابى

فى كهربائى كويس وعنده ضمير فى شارع 9 قبل حلوانى ماريان اللى عند جامع الفتح جربه وان شاء الله هيظبطلك الدنيا هو اسمه عصام انا مش معايا تليفونه للاسف ..

انا اتعملت معاه فى حجات خفيفة كدة بس عنده ضمير جداً جداً لو معملش حاجة فى العربية هيقلك انه معملش حاجة ومريحنى فى شغلة بصراحة ..

سؤال : بما انك من المعادى بتتعامل مع مين ميكانيكا وفين فى المعادى ؟؟ احسن انا دايخ على حد قريب منى
وعربيتىك كربراتير ولا انجكشن ؟ .. انا معايا 98 انجكشن 1000 سى سى

**mahmoud ghanem** · 16-10-2012 10:34 PM

المشاركة الأصلية كتبت بواسطة ahmedfrancais

انا عربيتى 1400 مسقط ليها ماتور بولو وبسم الله ماشاء الله شغالة زى الفل معايا وانجيكشن .. انا عايز اقولك انى روحت عند التوفيق بس مش موجودة عندة وكمان انا عارف فتح الباب اللى فى شارع السودان هروحلة بكرة اشوف عندة الحوار دا ... اما بخصوص ميكانيكى محترم ..انا اعرف واحد اسمة احمد وكمان اخوة اسامة مش بيشتغل غير فى الالمانى و العربيات الحديثة ...انا بصراحة اتعملت معاه كتير بس هوة بسم الله ماشاء الله كويس وحد دماغة حلوة فى الالمانى اوووى وكمان اخوة اسامة جامد اوووى ..عموما هوة فى طرة البلد بجوار سجن طرة لو انت عايز رقمة قولى انا هديهلوك.

ياريت رقمه والله لو انت مجربه يعنى شاطر ومضمون علشان انت عارف ممكن تسيب العربية وتبقى ترجع تاخدها والحوارات دى ..
واخبار اسعاره فى المصنعية اية ناااار يعنى ولا الطبيعى ؟؟

وشكراً لاهتمامك

وبقى طمنى عملت اية

الموضوع: مفتاح النور - أبيزا 98

LinkBack

أدوات الموضوع

عرض

-

-

-

-

-

المواضيع المتشابهه

رعشه فى النور ع السلانسيه ولما ادوس بنزين بتثبت وقوة النور تزيد

استقسار عن وجود مفتاح بجوار مفتاح الكبود

هل النور الواطي ينور مع النور العالي؟

أين أجد من عنده مواتير أبيزا بحالة جديدة وما هو أعلى سى سى يمكن أن أركبه على أبيزا 10

سخنية من مفتاح ال multi function بتاع النور

الكلمات الدلالية لهذا الموضوع

المفضلات

المفضلات

ضوابط المشاركة