الموضوع: تقرير عن السيارة بيجو 408 - 2012

بيجو تكشف الستار عن 408 سيدان 2015 الجديدة كلياً - Egy Speed

السلام عليكم ورحمة الله وبركاتة
أولا: شكرا لصاحب الموضوع الأصلى و لكم جميعا على المعلومات المفيدة والقيمة
ثانيا: أنا بفكر أشترى عربية 408 2012 مستعملة وكنت عاوز أسألكم بعد مرور 3 سنين على شراء العربية
ايه المشاكل اللى قابلتكم وهل تنصحونى بشرائها ولا لأ
وايه أخبار قطع الغيار؟ هل مازالت غالية زى الأول ولا أسعارها نزلت؟
وهل بقت متوفرة برة التوكيل ولا لسة موجودة فى التوكيل بس؟
ويا ريت لو حد يقولى على أمثلة لأسعار قطع الغيار الداخلية والخارجية
وشكرا مقدما على الرد والنصيحة

المشاركة الأصلية كتبت بواسطة atab

السلام عليكم ورحمة الله وبركاتة
أولا: شكرا لصاحب الموضوع الأصلى و لكم جميعا على المعلومات المفيدة والقيمة
ثانيا: أنا بفكر أشترى عربية 408 2012 مستعملة وكنت عاوز أسألكم بعد مرور 3 سنين على شراء العربية
ايه المشاكل اللى قابلتكم وهل تنصحونى بشرائها ولا لأ
وايه أخبار قطع الغيار؟ هل مازالت غالية زى الأول ولا أسعارها نزلت؟
وهل بقت متوفرة برة التوكيل ولا لسة موجودة فى التوكيل بس؟
ويا ريت لو حد يقولى على أمثلة لأسعار قطع الغيار الداخلية والخارجية
وشكرا مقدما على الرد والنصيحة

وعليكم السلام ورحمة الله وبركاته
انا معايا العربية من ٢٠١٢
واللهم لك الحمد ربنا يديمها نعمة معملتش فيها غير الصيانات
عاملة ٦٠ الف
صيانة ال عشرة الاف كانت ١١٥٠
و ال ٤٠ الف كانت ٣٥٠٠( زيوت وفلاتر وبوجيهات و سيور و بلية كاتينة و تيل امامي بس مش فاكر غيرت طنابير والا لا صراحة)
صيانة ال ٥٠ الف كانت ٦٥٠ جنيه
و بيتهيألي قطع الغيار ف المعقول
هيا اللي قدامك عاملة كام؟

شكرا جزيلا على الرد وعلى المعلومات
وربنا يباركلك فى سيارتك ويحفظك من كل سوء
اللى كانت معروضة كانت عاملة 66000 كم
بس للأسف صاحبها رجع فى كلامة ومش حيبيع

المشاركة الأصلية كتبت بواسطة atab

شكرا جزيلا على الرد وعلى المعلومات
وربنا يباركلك فى سيارتك ويحفظك من كل سوء
اللى كانت معروضة كانت عاملة 66000 كم
بس للأسف صاحبها رجع فى كلامة ومش حيبيع

عفوا ياباشا
انت تؤمر
هيا بصراحة متتباعش
انا قصدي كان طالب فيها كام؟؟

المشاركة الأصلية كتبت بواسطة road_master

عفوا ياباشا
انت تؤمر
هيا بصراحة متتباعش
انا قصدي كان طالب فيها كام؟؟

كان طالب 125 ألف

المشاركة الأصلية كتبت بواسطة MSL

تقرير عن سيارة بيجو 408 أوتوماتيك (الفئة الأولى) –موديل 2012

أتشرف بتقديم تقرير متواضع عن السيارة بيجو 408 بناءاً على تجربتها لفتره تترواح شهرين و 2500 كم

مقدمة :- معلومات عن السيارة :

· تعتبر السيارة شكل جديد على بيجو و ان كانت من المقدمه تماثل ميثلاتها من الفئات الحديثه.

· موتور السيارة 1600 سي سي " 110 حصان " 147 نيوتن (مكافح للتلوث و موفر لاستهلاك البنزين).

· السيارة فتيس تيبترونك 4 سرعات للأوتوماتيك و 5 سرعات للمانيوال و ميزة القيادة الرياضية.

· تعد السيارة تحديثاً للسيارة 308 و لكن بشكل سيدان مطول بقاعدة عجلات مطوله و شكل خلفى جديد.

· السياره طولها 4.68 م و عرضها 1.86 تقريباً و ارتفاعها 1.8 م "حجمها كبير نسبياً".

· السياره ترتفع عن الأرض بمقدار 18 سم فتعد من السيارات الأمنه من المطبات المرتفعه و الطرق غير المستوية.

( سيارة عمليه جداً فى مصر لأرتفاعها المناسب عن الأرض )

· المساحه الداخليه للصالون كبيرة جداً "حجم الصالون كبير و الفراغات أيضاً مع طابلوه شيك جداً.

· مساحة الشنطة تقريبا 526 لتر (كبيره الحجم) و خزان الوقود 60 لتر.

· السيارة حاصلة على تقدير 5 نجوم فى أختبارات الأمان الصينيه .

· من أنظمة الأمان الموجوده بها "الفئة الأولى" (وسادتين هواء أماميين ، فرامل ABS ، نظام أيموبليزر ، سينسور بارك خلفى ).

· ضمان السيارة 5 سنوات بدون حد أقصى للكيلو متر ( ميزه غير موجوده فى سيارات أخرى).

· سعر السيارة تقريباً 143000 جنيه مصرى.

· تتزين السيارة بمعدن الكروم فى المقابض و الأزرار و الخطوط الخارجيه للسياره.

· يوجد كاسيت CD Audio /MP3 مزورد بأربع سماعات فى الأبواب و سماعتين (شماستين) فى أعلى التابلوه.

بعض مواصفات للسيارة :

"جنوط السياره مقاس 16 نوعية هانكوك - شكل الجنط رياضى– 2 مرايات كهربيه – تحكم فى كرسى السائق لأعلى و أسفل – النظام الصوتى – فوانيس شابوره أماميه و خلفيه - عجلة قيادة الكترونى و ليست هيدروليكي – حزامات أمان خلفيه – درج تخزين كبير و مكيف ".

أولاً:- بعض الصور للشكل الخارجى :

ثانياً:- بعض الصور للشكل الداخلى للسياره:

ثالثاً:- ملاحظاتى على السيارة:-

1. الموتور :

موتور ممتاز و ناعم جداً فى السحب الهاديء و لسرعة 120 تقريباً لن تسمع صوت الموتور تماماً.

التسارع على الأوتوماتيك ممكن أعطيه 8/10 بالنسبة لبعض المواتير لنفس الفئةمقارنة بالحجم.

التسارع على المانيوال ممتاز أعطيه 9/10 لنفس فئة الموتور و يساويه الأوتوماتيك عند أختيار ميزة الـ Sport Drive.

تقييم الموتور 8.5 /10

2. الصالون و الفرش:

الصالون خاماته ممتازه و جيده جداً تنافس بقوة الفانتزيا و الباسات و فرش السقف جيد جداً و غير بلاستيكي و لم أقم بتركيب فرش جديد عليه للأستمتاع بيه.

الابواب مغطاه بقماش قوى و محترم جداً مع تصميم رياضى جميل.

الدركسيون مريح جداً و تستطيع التحكم بيه لأعلى و أسفل.

اضاءة الصالون عاليه و مميزه (3 لمبات أماميه و واحده خلفيه).

الكنبه الخلفيه عريضه جداً و مريحه بشكل رائع و بنفس الوقت امامها مساحه كبيرة "لن تشتكي من ضيق الصالون نهائياً".

تقييم الصالون و الفرش 9/10

3. الفرامل:

تشعر فعلاً بوجود الـ ABS فيها و أعتقد توازى فرامل الميجان بانورما ...فرامل قويه و لا تشعرك بقلق فى السرعة.

تقييم الفرامل 9/10

4. الثبات:

ثبات السيارة فوق الممتاز "تجربتى على سرعة 180 بالضبط و لمسافة 30 كم على طريق بورسعيد الدولى و لبعض المنحنيات الغير خطره على نفس السرعه" أعطتنى ثبات ممتاز و ثقه فى التحكم بالقياده.

تقييم الثبات 9/10

5. العفشه:

عفشة السيارة ناعمه جداً كأنى راكب سيفيك و لاحظت انها تختلف بعدد الركاب فكلما زاد العدد تشعر بدبه بسيطه فى المطبات "الحفر" و بوجه عام عفشه جيده.

تقييم العفشة 8/10

6. جسم السيارة:

صاج السيارة تقيل جداً يعنى الباب بتاعها ممكن يعمل 4 من أبواب ألنترا فى الوزن و الكابوت نفس الكلام مع صغر حجمه و لكنه محمل بشكل واضح – الرفارف الاربعه فيبر و الباقى صاج تقيل – الاكصدامات حجمها ضخم.

تقييم الصاج 9/10

7. التكييف:

هو 5 درجات لحد السرعه رقم 3 لن تسمع له صوتاً و دائماً فى عز الحر لم أزود عن 3 ثم 2 ممكن فى البدايه افتحه على 4 شوية انما السرعه الـ 5 مجربتهاش – التكييف قوى يشعر بيه من يجلس فى الخلف بشكل واضح بسرعه و لا يحتاج تكييف خلفى.

تقييم التكييف 9.5/10

8. العزل:

ممتاز جداً و لن تسمع صوت الموتور الا لو سايق على النظام الرياضى و الصوت فى الطبيعى الداخلى متسمعش أى دوشة.

تقييم العزل 9/10

9. البنزين:

لأنى أشتريت السيارة فى شهر 8 فكنت دائماً التكييف شغال و معدل استهلاك البنزين حوالى 6.5 لتر فى الـ 100 كم فى المسافات الطويله و قالى فى التوكيل أنه هيقل بعد تغيير أول زيت و من غير تكييف أيضاً.

جربت على مسافة طويله و زحام و على سرعات مختلفه و بالتكييف أيضاً كان معدل الاستهلاك 10.5 لتر فى الـ 100 كم.

تقييم البنزين 8/10

العيوب :

لا يوجد وحدات رفع للزجاج و معرفش ان كانت موجوده فى الفئة الأعلى أم لا.
مرايات الاجناب ليست ضم"كهرباء فقط".

لا يوجد جهاز انذار "فقط سنتر لوك".

طبعاً التقرير من وجهة نظرى الشخصية

و أتمنى أن يكون واضح لمن يريد التعرف على معلومات عن السيارة

تحياتى

محمد صبرى

https://www.youtube.com/watch?v=gqy5QZM-zaM
2017