تقرير عن السيارة بيجو 408 - 2012

**road_master** · 20-04-2013 01:39 AM

المشاركة الأصلية كتبت بواسطة MSL

دايماً المتوسط بيكتبلى 430 (أحياناً 420 و أحياناً 440)

أنت غيرت زيت و لا لسه ؟ أنا لسه هغيرأول مره ان شاء الله يوم السبت الجاى فى صيانة ال 10000

و العربيه عموماً عامله ايه معاك؟؟

العربية عموما هائلة
ملاحظاتي:
بتتقل مع التكييف زي ماقلتلك قبل كده
بحسها بتتقل بشكل ملحوظ كل اما يزيد عدد الركاب
الحاجات الايجابية:
الثبات ممتاز. وعن تجربة فيه تريلا خبطتني من ورا علي مصر اسكندرية الزراعي وكنت ماشي علي ٩٠ والحمد لله ربنا ستر
والعربية معمومتش مني ( بغض النظر ان الرفرف اتعجن) بس انا مبقيتش مصدق نفسي ربنا كبير.
استهلاك البنزين خرافي علي الطرق المفتوحة يعني مثلا أفول من القاهرة يكتبلي انها هتمشي ٤٥٠ كم- وده اللي بتكتبه مع كل تفويلة- واروح اسكندرية من الزراعي و معايا ٤ ركاب و الطريق مش مفتوح وف يه مطبات كتير اوصل اسكندرية الاقيها كاتبة انها هتمشي ٦٥٠ كم ومتنساش ال٢٠٠ كم من القاهرة اسكندرية يعني ده معناه ان استهلاك البنزين بيقل النص علي الطرق
تاني حاجة لو الطريق زحمة و حبيت تجري او تغرز بصراح ال s - mode ممتاز وبيغير سحب العربية تماما وبينجز بشكل كبير
انا لسه بصراحة مغيرتش زيت قدامي شهر او شهر ونص كده ان شاء الله
كنت عايز اسالك حاسس بموضوع التقفيل الصيني ده ف حاجة ؟

**MSL** · 22-04-2013 03:05 PM

المشاركة الأصلية كتبت بواسطة road_master

العربية عموما هائلة
ملاحظاتي:
بتتقل مع التكييف زي ماقلتلك قبل كده
بحسها بتتقل بشكل ملحوظ كل اما يزيد عدد الركاب
الحاجات الايجابية:
الثبات ممتاز. وعن تجربة فيه تريلا خبطتني من ورا علي مصر اسكندرية الزراعي وكنت ماشي علي ٩٠ والحمد لله ربنا ستر
والعربية معمومتش مني ( بغض النظر ان الرفرف اتعجن) بس انا مبقيتش مصدق نفسي ربنا كبير.
استهلاك البنزين خرافي علي الطرق المفتوحة يعني مثلا أفول من القاهرة يكتبلي انها هتمشي ٤٥٠ كم- وده اللي بتكتبه مع كل تفويلة- واروح اسكندرية من الزراعي و معايا ٤ ركاب و الطريق مش مفتوح وف يه مطبات كتير اوصل اسكندرية الاقيها كاتبة انها هتمشي ٦٥٠ كم ومتنساش ال٢٠٠ كم من القاهرة اسكندرية يعني ده معناه ان استهلاك البنزين بيقل النص علي الطرق
تاني حاجة لو الطريق زحمة و حبيت تجري او تغرز بصراح ال s - mode ممتاز وبيغير سحب العربية تماما وبينجز بشكل كبير
انا لسه بصراحة مغيرتش زيت قدامي شهر او شهر ونص كده ان شاء الله
كنت عايز اسالك حاسس بموضوع التقفيل الصيني ده ف حاجة ؟

الحمد لله و جت سليمه
غيرت الرفرف و لا لسه؟
و فعلا هى فى الطرق المفتوحه استهلاكها ممتاز
موضوع فرق التقفيل ده غير موجود تماما
قارنت بينها و بين ال 508 و ال 308
كل الفرق الى لاقيته فى الشنطة من ورا لما بتفتحها فى حته كده فى الاول فيبر بعديها فى فرق بسيط بيبين الارض يعنى حته مفتوحه بعرض الشنطه
دى مش موجوده فى العربيات التانيه خالص

بالنسبة لقطع الغيار ده العيب الوحيد
الفانوس الامامى ب 1350 يعنى اغلى من فانوس ال 508
المرايه العاديه (مش ضم) بـ 1210 و مراية ال 508 الضم عامله 1100
تيل العربيه عامل 730 و بتاع ال 307 عامل 340

قطع غيارها اغلى من الـ508 و الـ3008

لما سألت ليه
قالى فى توكيل صلاح سالم عشان بيطلب من الصين و بيروح فرنسا و بيجى من فرنسا لمصر
حاجه غريبه و قالى لو جمعتوا بعض و اشتكيتو على اساس ان اسعار قطع غيارها اغلى من اسعار قطع غيار عربيه اغلى منه بـ 100 الف هيستجيبو لطلبكو ؟؟

انا كنت فى التوكيل يوم السبت وغيرت زيت وفلتر و اتكلفت 730 جنيه

**road_master** · 22-04-2013 03:35 PM

الحمد لله جت سليمة
ومغيرتش الرفرف
هو ممكن يترد ع البارد بس انا ماليش نفس
دي بلد طرقها تسد النفس و فيها شوية ........ سايقين
افهم من كده ان اول طلعة صيانة ( اللي هيا زيت وفلتر) ٧٣٠ جنيه
والا غيروا الفلاتر كلها البنزين والهوا والا انت عملت حاجة زيادة؟
بالنسبة لموضوع نجمع نفسنا ده اظن هيبقي صعب
لان تقريبا انا وانت بس اللي معانا العربية دي هنا ف المنتدي
لو تقدر توصل لناس تانية انا معنديش اي مانع

**MSL** · 22-04-2013 04:32 PM

هي تكلفة تغيير زيت و فلتر زيت بس
الزيت 341 ج و الفلتر 46 ج
المصنعية 251 ج تقريبا
و ثمن الفوم الى بيغسل بيه الموتور فى حدود 26 ج
بالضريبه يبقى 730 :)
تغيير الفلاتر التانيه فى صيانة ال20000 مع تغيير التيل و الزيت

و ممكن نستنى شوية يمكن العدد يزيد و نبقى نعمل حاجه

**road_master** · 24-04-2013 07:35 PM

المشاركة الأصلية كتبت بواسطة msl

هي تكلفة تغيير زيت و فلتر زيت بس
الزيت 341 ج و الفلتر 46 ج
المصنعية 251 ج تقريبا
و ثمن الفوم الى بيغسل بيه الموتور فى حدود 26 ج
بالضريبه يبقى 730 :)
تغيير الفلاتر التانيه فى صيانة ال20000 مع تغيير التيل و الزيت

و ممكن نستنى شوية يمكن العدد يزيد و نبقى نعمل حاجه

هههههههه
ياولاد الايه يا لذينا
تصدق حاجة تحرق الدم
مصنعية ٢٥٠ جنيه!!!!!!!!!!!
ليييييييييه
انا ايام اما كنت بعمل صيانة ال ٢٠٦ وهي لسه بشوكها كنت بغير الزيت والفلتر
كان كيلو الزيت ال ١٠٠٠٠ ب ٦٤ جنيه وكانت بتاخد ٤ كيلو يبقي ٢٥٦ و الفلتر ب ٦٠ جنيه وحط عليهم الضريبةوالمصنعية يبقي كلو حوالي ٤٤٠
وده من ٢٠٠٢ لحد ٢٠٠٨
والمفروض ان هما اسعارهم نزلت والا هو استعباط
وبعدين المصنعية عندهم بتتحسب بالساعة والموضوع ده ياخد ساعة والا ساعة ونص بالكتير والساعة ب ١٠٠ جنيه بعد اما غليت
يعني المفروض تقف علي ١٥٠ جنيه
ده ايه النصب ده

**mohaed geko** · 02-05-2013 05:22 AM

السلام عليكم أنتو ليه موجودين ولا خرجتو أني معايا نفس عربيتكم ونفسي اقولكم ع شويه اخبار

**mohaed geko** · 02-05-2013 05:55 AM

انا دلوقتي ماشي بيها ٣٥ الف وعندي بعض المشاكل. ١-استهلاك البنزين اكتر من اي عربيه تاني ودي مشكله كبيره وخصوصا الايام اللي جايه. ٢-اسعار قطع الغيار للموتور هية نفس ال ٣٠٧ بس ف التوكيل بيغلوها عشان هتتركب ف ٤٠٨ (اشتغاله). ٣-المراية نزلت ف مره لقيتها مكسوره وغيرتها ف التوكيل عارفين بكام ب١٥٠٠جنيه غير المصنعيه. ٣- الكاوتش هانكوك بس صيني ومع الحفر اللي ماليه البلد دلوقتي عمل بلونه بس كنت ماشي بالعربيه وقتها ٢٥الف وسئلت واحد صاحبي ف التوكيل قاللي ان كان ف واحد حصل معاه نفس الموضوع دا وراح توكيل هانكوك وغيرهوملو بهانكوك كوري ولما رحت وعملت مشكله غيرلي فردة وحدة ب١٨٠جنيه وادني خصم ع التانيه. ٤-العربيه سعات بتهيس شويه وبترجع تتزبظ لوحدها تاني ودي حصلت معايا مرة وحدة. كل دا عادي ومعرض يحصل ف اي عربيه وانا شايف انها عربيه مش وحشه وفيها مميزات تاني كتير وانا شخصيا حبيتها. الطامه الكبري ان لما سئلت صديق ليا شغال ف بيجو ليه العربية دي منزلش منها ٢٠١٣ رد و قاللي انها مش نلزلة مصر تااااااااااااني لان فرق الدولار رفع سعرها ولان هتبقي ٢٠٠٠سي سي وهتتباع في اسيا لان مشكلة البنزين ف مصر قضت ع كل عربيه فوق ال١٦٠٠ انا أسف ع الخبر دا بس دي الحقيقه

**mohaed geko** · 02-05-2013 06:12 AM

ع فكرة ف ميزة وعيبين ف موضوع عدم وجود موديلات منها تاني المزه ان إحنا ١٥٠٠ تقربا ودا عدد العربيات ال٤٠٨ ف مصر هنكون مميزين اما العيوب ١- اسعار قطع الغيار هتولع لان المستوردين مش هيجيبو حجتها ودا انا اكتشفته لما الزجاج بتاع الباب الأمامي انكسر ودورت علية ف مصانع الزجاج كله رد عليا بانها مش منتشره عشان يعملولوها اسطمبه واشتريتو من التوكيل زي الباشا ب٤٨٠ جنيه وركبتو بره ٢- ف حاله اي واحد يفكر ف انه يبيع ربنا معاه ومعانا.

**mohaed geko** · 02-05-2013 06:29 AM

ممكن افيدكو بشويه معلومات عن قطع الغيلر. المتور ٣٠٧ ماعدا طلمبه البور والبنزين وسار الدينامو فلاتر كلها ٣٠٧ ونفس الكلام بالنسبة للتيل ورأ وقدام مساحات المطر ٣٠٨ بالظبط بس لو هيركبو ف ال٤٠٨ هاتخدهم أغلي ١٥٠جنبه تقريبا والله اعلم الفتيس مش بتاع ال٣٠٧ لان كان فيه مشاكل كتير وغيره ف ال٤٠٨ والله اعلم دي المعلومات اللي وصلتها بعد السؤال ودي للمساعده لو حد ليفكر يسيب التوكيل لان أسعاره فوق الرخيصة موووووووووووووووووووت

**road_master** · 03-05-2013 12:02 AM

المشاركة الأصلية كتبت بواسطة mohaed geko

ع فكرة ف ميزة وعيبين ف موضوع عدم وجود موديلات منها تاني المزه ان إحنا ١٥٠٠ تقربا ودا عدد العربيات ال٤٠٨ ف مصر هنكون مميزين اما العيوب ١- اسعار قطع الغيار هتولع لان المستوردين مش هيجيبو حجتها ودا انا اكتشفته لما الزجاج بتاع الباب الأمامي انكسر ودورت علية ف مصانع الزجاج كله رد عليا بانها مش منتشره عشان يعملولوها اسطمبه واشتريتو من التوكيل زي الباشا ب٤٨٠ جنيه وركبتو بره ٢- ف حاله اي واحد يفكر ف انه يبيع ربنا معاه ومعانا.

هههههههه
١٥٠٠ بس
اه لو الحاج عرف
من هذا المزنق احب أقول
" اقد وقعنا ف الفخ"