الموضوع: معروض على c4 2006 من عز العرب

بص يا باشا اولا ملهاش لزمة الكوبيه الزيرو انت بتمنها تجيب العربية الشكل الجديد ، و مش عارف هو ازاى بيبع شكل قديم بنفس السعر تقريبا اللى كانت بتتباع بيه و هى لسه شكل جديد

بالنسبة للعربية فهى ممتازة طبعا و خد بالك برضه اديك شايف بعينك ان العربية تمنها الاصلى حوالى 150 الف يعنى بتشتريها تقريبا بثلث ثمنها فهى صفقة رابحة 100% و 80 الف كيلو مش كتير خالص على 2006 .. انا رأيى متسيبش العربية ديه خصوصا لو حالتها نظيفة و ان كان اغلب الظن ان التوكيل مش هيدخل عربية تعبانة عنده بس برضه اهم حاجة انصحك بيها حتى لو فى التوكيل تعمل عليها كشف شامل و تطلب تقرير مكتوب و مختوم من التوكيل عشان لو لا قدر الله فيها حاجة يبقى هما المسئولين قدامك و ان شاء الله احمد عادل المنسق المساعد يفيدك اكثر لانه كان شارى عربيته من التوكيل برضه من قسم المستعمل

و اى استفسار حتى لو شايفه بسيط او محرج مترددش ابدا ، و ان شاء الله نقدر نساعدك باللى نقدر عليه

يا باشا انا عربيتى شاريها من حد برة مش من التوكيل

اللى اشترى من التوكيل احمد عادل المنسق المساعد لقسم ستروين و ان شاء الله اول ما يدخل هيرد على حضرتك بخبراته فى الموضوع ده متقلقش

بالنسبة للسعر .. السعر كويس بشرط ان العربية تبقى حالتها كويسة و متقلقش السى فور تشوفها تعرف على طول هى بتتعامل بنضافة ولا لا يعنى لو صاحبها مهتم بيها بتبقى عروسة لو مهمل فيها بتحسها ميتة كده و شكلها مش حلو .. بس طبعا الكلام دا لا يغنى زى ما قلتلك عن كشف التوكيل و التقرير المكتوب منهم اللى بيضمن حقك فى سلامة العربية

بالنسبة للعربية مفيش فيها مشاكل الحمد لله يمكن فيه موديلات 2006 و 2007 شوية منها كان فيه مشاكل الفتيس الستبترونيك كانت بتحصل فيه مشاكل و مش على طول بس طبعا احنا بنتكلم على مانيوال فمفيش مشكلة ان شاء الله

العربية 1600 سى سى 110 حصان و العربية مش بطة و تسارعها جيد جدا و الموتور هو هو فى الهاتشباك و الكوبيه

بالنسبة للاوبشنز هتلاقى كل حاجة abs&ebd&airbags ..

2 زجاج كهرباء One touch - عداد ديجيتال - تكييف تاتش ( فى بعض الموديلات ) - بانوراما ( بعض الموديلات ) - مثبت سرعة ( فى المانيوال و الاوتوماتيك ) - مالتى فنكشن - وحدات رفع

فيها كل حاجة تقريبا لو فيه اوبشن معين بتدور عليه قولى و اقولك موجود و لا لا لانى بصراحة بنساهم ..

البانوراما اللى فيها مش بتفتح يعنى ثابتة و الغطاء القماش اللى تحتها جوة العربية بيفتح و يقفل بالايد و مش اوتوماتيك