سؤال عن مساعدين الـ 131 لأهل الخبرة.........

**sab3aawy** · 09-07-2008 03:27 PM

المشاركة الأصلية كتبت بواسطة AhmedAdam2

انا فعلا سمعت ان الاسبانى ممتازين لكن ازاى افرق بين الاصلى والمضروب؟؟؟؟؟؟

وياريت يا جماعة حد من شباب المنصورة الخبرة يدلنى على عفشجى شاطر وامين

وجزاكم الله خيرا

صدقنى مش هقدر افيدك لأن اللى يعملوا قطع الغيار المغشوشة بيتفننوا فيها لدرجة مرعبة، وانا شخصيا اتسكيت قبل كدة فى مساعدين مايلى المانى للريجاتا وضربوا فى اقل من سنة ولذلك انا متوقع انهم كانو مضروبين برغم وجود علامة الليزر على العلبة والختم الغائر على المساعد نفسه وكل الحبشتكانات اللى ممكن تتخيلها، علشان كدة منصحتكش بيه لأن المايلى لو اصلى اكثر من ممتاز، لكن هو فين
علشان كدة انا نصحتك بالمونرو وبالمكان اللى تشتريه منه لأن دة موزع معتمد لغبور وكيل مونرو وبتاخد معاه ضمان سنة وبالتالى مفيش احتمالات للغش، لكن غير كدة لازم تتعب وتدور على تاجر امين يفيدك اذا كان قطعة الغيار سليمة وللا مضروبة

**MohabSaeed** · 09-07-2008 03:36 PM

مونرو بالتأكيد ..... باقى الانواع مضروبه .
بوجى , مايلى , ديلفى ........ كل دول مضروبين انا جبت مساعدين ديلفى بولندى " بتوصيه " من العفشجى وقالى ديه بتركب فى التكسيات و100 100 ....... بالظبط 20 يوم وكانو بايظين تماما و حجرو كأنهم قطعة حديد . و للاسف كانو غالين مش رخاص وممعاهمش ضمان .
المونرو عن تجربه ممتاز بالنسبه لباقى الانواع . و سعره بيتراوح من 450 الى 490 جنيه .

**AhmedAdam2** · 15-07-2008 03:46 PM

شكرا سبعاوى و مهاب

ويتبقى ترشيح عفشجى كويس فى المنصورة....................

**MohabSaeed** · 15-07-2008 09:19 PM

العفو أ-احمد لا شكر على واجب . المساعدين عموما تركيبها مش معقد ... انا مره خليت الميكانيكى ركبهم و كانو زى الفل . حضرتك ممكن تسال الميكانيكى الى بتتعامل معاه اكيد حيدلك على عفشجى كويس .