المختصر المفيد في دوره التبريد (دوره التبريد وتعديلاتها الهندسيه)

**islambana** · 18-10-2012 02:46 AM

المشاركة الأصلية كتبت بواسطة hesham.h

الله ينور يا اسلام ،،،،، موضوع زى الفل .... ربنا يبارك فيك

الله يبارك فيك ياباشا والحمد لله ان الموضوع عجبك

**islambana** · 18-10-2012 02:48 AM

المشاركة الأصلية كتبت بواسطة hm414

كلام جميل وموزون وشو؛ مستفيض

لكن لي تعليق وحيد يتيم
ههههههههههههههههههههه

بالنسبه للميه الخضرا
احذر احذر احذر من مية كارفور الخضرا لانها خرمتلي الراديتير وخرمته عندابن خالتي كمان
انما في نوع ساعات بيكون في كارفور او ممكن تجيبه من محلات الزيوت الكبيره
اسمه توتال باور من انتاج شركة ادكو المصريه وهو ممتاز جدا جدا وتمنه ال5 لتر ب 25 جنيه

او كما ذكرت الابرو وتخفيفها او موبيل

تحياتي ليك ولمجهودك

متشكرين ياباشا علي التحذير انا جربت مايه كارفور في جركن اخضر 5 لتر وب25 جنيه بس مش فاكر اسمها ايه بصراحه والحمد لله ان الموضوع عجبك

**islambana** · 18-10-2012 02:49 AM

المشاركة الأصلية كتبت بواسطة driver101

تسلم ايديك يا إسلام، وأعتقد إن السخونة ومشاكل التبريد من أكبر المشاكل اللي بتقابل أصحاب عربيات الأوبل.

متشكر ياباشا ونورت الموضوع
عن تجربه في اربع عربيات اوبل بعد ماتعمل الموضوع ده مشاكل السخونه والعربيه هتنتهي للأبد

**Amrgamal1** · 18-10-2012 03:06 AM

انت كدا جبت من الأخر في موضوع الحرارة دا
وشرحك مُبسط وتماام
شكرا يا باشا علي الموضوع
ومستنيين طريقة تشغيل المراوح علي السرعة التانية
بس ابقي حط اللينك هنا عشان اي حد يقرا الموضوع دا يلاقي الموضوع التاني علي طول

**islambana** · 18-10-2012 03:16 AM

المشاركة الأصلية كتبت بواسطة amrgamal1

انت كدا جبت من الأخر في موضوع الحرارة دا
وشرحك مُبسط وتماام
شكرا يا باشا علي الموضوع
ومستنيين طريقة تشغيل المراوح علي السرعة التانية
بس ابقي حط اللينك هنا عشان اي حد يقرا الموضوع دا يلاقي الموضوع التاني علي طول

نورت االموضوع ياباشا والحمد لله انه عجبك
وانا ان شاء الله هعمل موضوع مفصل عن ضفيره المراوح وشرحها وتشغيل المراوح علي السرعه التانيه بس ناقصني شويه صور واول ما اكمله هححطه في لينك هنا وهخلي الساده المشرفين يضيفوه في الموضوع الاصلي في الجزء بتاع ضفيره المراوح

**windofchange** · 18-10-2012 03:49 AM

الله ينور يااسلام ماشاء الله جميل اووي بس سؤال صغير الثرموستات لما تلف شريط التفلزن بتلفه عالخرطوم من بره ولا عالثرموستات نفسه مش فاهم الحته ديه ممكن تشرحها بالتفصيل

**hagagatc** · 18-10-2012 04:46 AM

انا فعلا كنت محتاج الموضوع ده والله ما قصرت حراره العربيه عندي بتوصل ٩٨ علي العداد يعني ١٠٨ علي كلامك يا باشا ربنا يجعله في ميزان حسناتك بس انا عندي استفسار ممكن تقلي مين الكهربائي الي ممكن ارحله يعملي الموضوع ده انت عارف ان انت ازاي توجه واحد صنايعي دول مهندسين انت تقله المشكله وهو يعك واي خدمه يا بيه ولا انت عملت الموضوع ده بايدك

**Mostafa.Ismail** · 18-10-2012 05:51 AM

المشاركة الأصلية كتبت بواسطة islambana

7-تروح لكهربائي تخليه يشغلك المراوح علي السرعه التانيه دايركت بدل السرعه الاولي

لازم موضوع السرعة التانية دة؟ اعتقد لو الدنيا سليمة يبقى السرعتين افضل دة غير انة هيقصر عمر المروحة.

**momen_omar** · 18-10-2012 05:55 AM

موضوع للتثبيت ...... افضل طريقة شرح شفتها فى المنتدى.... محترف بامتياز جزاك الله كل خير على المجهود الجبار

استفسارى عن تشغيل المروحة على السرعة التانية مش بيقلل من عمرها الافتراضى

**Amrgamal1** · 18-10-2012 09:54 AM

اللي يقصر عمر المراوح لما يكون الثرموستات ملغي والمراوح واخده كوبري وشغاله علي طول مابتفصلش

الموضوع: المختصر المفيد في دوره التبريد (دوره التبريد وتعديلاتها الهندسيه)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سؤالين في دوره التبريد للكليو..ارجو المساعده

سؤالين بخصوص دوره التبريد

دوره التبريد وعيوبها ظهرت في الصيف

سؤال عن المياه الخضراء و دوره التبريد

يعني ايه العربيه تاخد هوا في دوره التبريد

الكلمات الدلالية لهذا الموضوع

المفضلات

المفضلات

ضوابط المشاركة