الموضوع: لانسر شارك او هيونداي النترا

اسمحولي اقول رأيي
انا الحمد لله معايا الا تنين ..بس لانسر 1500 والنترا القديمه 2008,,كتسارع الالنترا اسرع ..بس فعلا الشارك اداءها ثابت يعني بتعلي بالتدريج عكس الالنترا اللي بتطلع طلعه مخيفه وبعدين تخستع عند 70 والعزم يموت عند 80 وبعدين تشد تاني وهكذا انما في المجمل الالنترا اسرع
الاتزان والتحكم الشارك افضل
الهدوء والعزل يبقي الالنترا
ما سوقتش شارك 1600 بس ما اعتقدش انها تزيد كتير اوي..وبرده ما جربتش النترا الجديده بس برده الفتيس ال 6 سرعات اسوأ في الجري عن الفتيس الاربع سرعات من رأيي
الهيونداي سعرها ماسك نفسه شويه عن الانسر وخاصه ان شكلها اجدد واحدث من الانسر اللي بقاله 5 سنين..
الافضل لصاحب الموضوع التجربه الفعليه

الموتور ال 1600 مختلف تماما وافضل من القديم

المشاركة الأصلية كتبت بواسطة mosolini2

السلام عليكم ..........
انا تقريبا فى نفس الحيرة انا معايا فى حدود 140000 ومش عارف اشترى اية؟
بس ان معايا شارك 1500 منيوال عربية ممتازة بس عيبها تيجى تبيعها يتخسف بتمنها الارض و قليل اوى اللى عايزين يشتروها بس هى عربية ادائها ممتاز ثبات على السرعات و تحس انك مسيطر بس مشكلته زى ما قلتلك انا كنت ناوى اشترى ال1600 بس انا العربية معيا بقالها شهرين عايز ابيعها و الى بيجى عايز ياخدها يخسف بتمنها الارض و من كتر ماحبيت العربية دى قولت اعلى لحد 150000 عشان اجيب الهاى لاين بس اكتشفت ان الى ب150000 مفيهاش ولا فتحت سقف و لا سبويلر الفرق اللى بين اللى ب134000 و اللى ب 150000 بس الabs و مالتى فنكشن و عشان اجيب الكاملة ب 158000 و اللى استغربتة ازاى متسوبيشى عاملة اعلى فئتين بس الى فيهم abs دى تهريج و بصراحة حرام ادفع 158000 فى متسوبيشى طب ما ازود شوية و اجيب octavia على الاقل المانى و وقت ماجى ابيع حاتجبلى سعر محتم لاكن الشارك حاخسر مبلغ جامد بس فى نقطة احب او ضحها قطع الغيار فيها حاجات غالية فى الشارك بس بتتغير كل فين و فين يعنى البوجيهات ب 400 بس بتتغيير كل 80000 كيلو واللى بتغييروا بيعيش معاك مدة بس بعد كل دة قررت مجبهاش عشان العربية متعتها انك تركب الكاملة و حرام ادفع 150000 عشان يبقى فيها abs و بعد كل دة اخسر فيها جامد . دة بالنسبة للشارك
اما الالنترا كنت خلاص هاخلص فيها قلت عربية كويسة منتشرة تيجى تبيعها متتعدبش زى الشارك قطع غيارها يعنى كويسة بس واحد صاحب معاه العربية دى قالى فيها عيب خطير الباور فى اى عربية بيفصل بعد ال120 فى العربية دى مبيفصلش يعنى بعد 120 لازم تبقى مركز معاها عشان الدلركسيون بيبقى ناعم و مش stable وكمان مفيهاش اى حاجة تمنع السرقة و اللى قلقنى اكتر حاجتين واحد فى عمارتنا لسة جايبها اتسرقت كلها لان تقريبا مفيهاش و لا اندار ولا immbolizer اللى بينزل فى عربيات كتير دلوقتى و كمان دخلت فى المنتدى هنا لقيت الناس كلها بتشتكى من موضوع الباور دة و الstability و بصراحة ان بشترى عربية جديدة المفروض تبقى احسن من القديمة و الشارك عربية stable فامينفعش ادفع كل الفلوس دى و احس ان القديمة احلى ........
فامبقتش عارف اشترى اية........
معلش طولت عليك بس كنت عايز افيدك و اوريك مميزات و عيوب الالنترا و الشارك

مفيش حاجه ياافندم اسمها الباور مابيفصلش والكلام ده..اللي خلي الموديل اللي قبلها معايا البور بيتقل علي السرعات العاليه
سيبك من الاشاعات ...الالنترا اكثر انتشارا (بالرغم من العيب الفاضح) اللي اكتشفه جارك المحترم...ههههه
لو كان فيه عيب هايكون بصفه فرديه
الانسر عربيه اعتماديه برده وحضرتك عارف مزاياها وعيوبها

المشاركة الأصلية كتبت بواسطة mosolini2

يعنى حضرتك سوقتها و لقيت الstability بتاعتها كويسة و الpower بتعها تقيل على السرعات اصل بصراحة الحاجات دى اللى مقلاقانى منها

انا باتكلم علي الهيونداي القديمه ..بالنسبه للباور متصدقش اللي بيقولك مش بيفصل والكلام ده..الباور بيتقل علي السرعه العاليه ( انا بتضايق من فتي الناس)..انا ما جربتش الجديده بس متأكد ان مافيش مشكله في الدركسيون لانها مع زميلي في الشغل وما اشتكاش منها
بالنسبه للاتزان والتحكم شارك افضل...انا باقارن باللي ركبته فعليا وليس بكلام الناس