الموضوع: رامي سري مش مسافر الاردن

المشاركة الأصلية كتبت بواسطة m_adeleid

تصدق صح
ايه الظابط اللي عامل فيها كرومبو ده وبيشوف شغله
لا حول و لا قوه الا بالله

أنا مش معترض إنه يشوف شغله و حضرتك لو شفت باقي تعليقاتي هتعرف

'الموضوع معروف من زمان قوي , إزاي الداخلية كانت ساكتة عليه صحيح ؟؟'
'كلام محترم جدا
بس هم ممكن يعملوا حل وسط عشان مايعطلهوش

ممكن يبقى فيه رقابة عليها ,يعني يسمحوله باستخدامها فالسباقات بس
لو اتمسك بيها في شارع من غير تصريح تتسحب منه
عايز يروش :) , يجيب حاجة تانية جمبها

في الاول والآخر هو بيمثل مصر برده و أصلا البلد هي اللي قوانينها خلته يعمل كده'

أنا بس مستغرب !!!!
كانت فين الشرطة ,ماهو معاه العربية دي من زمان
و ده شخصية عامة يعني وكل والناس عارفين حكاية عربيته إيه
اشمعنى دلوقتي ؟؟

فهمت حضرتك بقول ليه كرمبو ؟؟ :)

المشاركة الأصلية كتبت بواسطة tutankhamoun

لو حضرتك حابب أنا ممكن أبعتلك عالخاص اوريك أنا رحت فين
بس أنا الحمد لله مش محتاج أقول 'أنا كنت عايش هناك و بتكلم عن تجربة ميدانية مش كلام قرأته في جرايد'

لا حول ولا قوة إلا بالله العلي العظيم .

ههههه هو حضرتك تطلعني باقرأ من جرايد و عمال تقولي أنا كنت عايش بره و عندي تجربة ميدانية
و لما أرد تقولي

لا حول ولا قوة إلا بالله العلي العظيم .

عموما حصل خير

المشاركة الأصلية كتبت بواسطة tutankhamoun

برضه مش ده موضوعنا ... مين أغلى من مين
أنا جبتلك أسعار العربيات في ألمانيا و فرنسا و أيطاليا . و أنت معلقتش عليهم يا أستاذ أحمد !!!
ياريت تقولي تعليقك لﻷأنك قلتلي أن العربيات في أنجلترا أغلى من بقيى أوروبا و أنا أرفقتلك

حضرتك جايب سعر هيونداي في انجلترا و بونتو في ايطاليا و مش فاكر إيه تاني
و بتقارنهم بسعر مصر

فين بقى المقارنة بين سعر انجلترا و باقي اوروبا
أنا مش هقعد ادور على اسعار و اقارن لحضرتك
حضرتك مصدق أهلا وسهلا ,مش مصدق بقى دي حاجة بتاعت حضرتك

المشاركة الأصلية كتبت بواسطة tutankhamoun

أنا أرفقتلك أسعارهم في عدة دول أوروبية آخرى و بين أنهم أغلى أو في نفس مستوى مصر في السعر (يعني عليهم ضرائب عالية برضه )

يا باشا واضح إنك مصمم تقارن اسعار هنا ببرة
و ماسك في حِتِّة الضرايب
مفيش مقارنة بين هنا و بره
حضرتك بظبط بتقارن بين حاجة درجة أولى و حاجة درجة تالتة
و مبسوط إن السعرين زي بعض !!!!!!!!

المشاركة الأصلية كتبت بواسطة tutankhamoun

ضريبة الدخل في مصر :
المبلغ المستحق العام (للضريبة المباشرة) على الربح الفردي يحسب على هذا الصدد:

• أول 5000 جنيهاً: 0% (إعفاء)
• ال15000 التالية: 10%
• ال20000 التالية: 15%
• المبلغ المتبقي الإضافي+: 20%

ألمانيا

from 14% to 24% for a taxable income of €13,469 (€26,938 for married couples , and up to 45 % taxed income as per the amount.

ضريبة الدخل لا تعني هي الحياة غالية أو رخيصة .
زي ما أنت قلت أن ضرائب الدخل في السويد عالية جدا مقارنة مع بقية دول العالم و لكن الدخل عالي قوي
شوف أنت في مصر ضريبة الدخل على واحد دخله 20 ألف بتوصل ل 20 %
بس ال 20 % اللي أحنا ممكن ندفعهم هنا غير اللي بيتدفعوا في ألمانيا غير اللي بيتدفعوا في أنجلترا غير السويد نظرا لأختلاف أسعار المنتجات على حسب كل دولة.

و في النهاية الحوار في أساسه هو أسعار العربيات و الضرائب اللي عليها .

شكرا

و إيه علاقة كل ده بكلامنا
أنا قلت الضرايب في انجلترا 40 % و حضرتك قلت لأ ,جبتلك التفاصيل

أنا مالي بمصر كام و ألمانيا كام :)

حضرتك اللي عملت موضوع عن الضرايب :)



و عموما فرصة سعيدة و حصل خير
و لو فيه حاجة من اللي كاتبه مش عاجبه حضرتك
اعتبرها متكتبتش عشان مانخرجش عن الموضوع الأصلي :)

يا جماعة الموضوع ببساطة ان حتى لو برة بياخدوا ضعف الضرايب اللى هنا ليهم حق ليه بقى ؟

تلاقى طرق نظيفة بتمشى بيها ، تلاقى مرور منظم و جميل ، تلاقى فى اى حالة طوارىء ناس تيجى تساعدك و تنقذك ، تلاقى الطرق كلها عليها خدمات نضيفة ..

مش كل ده ليه تمنه برضه و لا لا ؟ ده كل ده كلام عن العربيات بس طبعا لو روحنا للحياة عامة هيبقى فرق السما من الارض فى الخدمات كلها

و عشان كده لما تقول برة انك بتدفع 40%مثلا للحكومة و بتلاقى قصادها خدمات نضيفة غير لما تقول هنا بتدفع 10% و مش لاقى اى حاجة غير انك بترجع قرفان من البلد فى كل مشوار بتنزله

و اسف للخروج عن اصل الموضوع