الموضوع: رامي سري مش مسافر الاردن

المشاركة الأصلية كتبت بواسطة ahmed-adel

والله هو المنطق بيقول غير كده
بدام عربية نصين يبقى مرخصها بورق مش بتاعها
مفيش m1 في مصر و هو نفسه قال إنه لو جابها هتكلفه 160000 $

أنا نفسي أعرف جابها إزاي ؟؟!!!
متهياليش حد هيجيب عربية 120d special order مثلا و يبيعهاله
و لو حد جابهاله من بره لازم تتجمرك

عموما هنعرف قريب التفاصيل :)

افرض واحد كان نازل بيها ودفع جماركها وبعد كدة باعها واشتراها منه رامي؟ انا بتكلم عن ال 120 مش ال m1

ولو ده فعلا حصل مفيش اي مشكلة انه ينقل نصين m1 في العربية الستوك 120 وده مش هيضره قانوناً في حاجة مدام معاه الورق ومعاه كل حاجة

طب افرض مثلا مثلا يعني ان العربية ال 120 كانت مع بعثة دبلوماسية زي ماسمعت وخلصوا شغلهم في مصر والراجل باعها هنا واتدفع جماركها قبل البيع
مفيش مشكلة خالص ان يشتريها ويشتري نصين ال m1 ويعمل فيها اللي عمله ده ومحدش يقدر يقوله ايه اللي بتعمله ده مدام العملية خلصت شيل وحط بس من غير لحامات

عموماً هنستنى نشوف اللي هيحصل ايه

المشاركة الأصلية كتبت بواسطة tutankhamoun

أنا مش بتكلم عن الأمكانيات بتاعة العربية .

أنا بتكلم عن مبدء التسعير ليس أكتر .

هيونداي ألنترا في المانيا (بيسموها هناك أي 30 ) موتور 1600
ثمنها 21600 يورو = 168 ألف جنيه مصري (أغلى من مصر ) بس فيها كماليات أكتر من مصر طبعا .

معاك ياباشا بس لو الالنترا اللي بتنزل عندنا نزلت بره تتوقع سعرها يبقي كام -- اذا سمحوا انها تنزل اصلا --
مش هتعدي ال 14 الف يورو يعني فرق مش قليل ابدا
وثانيا

علي فكرة كل العربيات الي حضرتك بتكلم عليها 1600 سي سي يعني عليها جمارك 40 %
وسعرها متقارب من سعرها في اي حتة في العالم
لكن حضرتك شوف اي عربية فوق ال 2000 سي سي هنتكلم عن الجمارك الي علي حق

مينفعش تقارن

أنا آسف إني مش هاعلق على الموضوع الرئيسي لأنه بالنسبة لي عبارة عن ضابط شايف شغله مش أكتر ... بغض النظر بقى عن إن ده واحد في سباق لرفع اسم مصر عاليا خفاقا من عدمه ... وبغض النظر أيضا عن كون إن مصر كلها عارفة إنه معاه عربية نصين والضابط هو الوحيد اللى ما يعرفش وده ما يقللش من شأنه .. وممكن يكون اتخذ إجراءاته أصلا لأنه واحد من اللى عارفين في مصر وده برضه لا يقلل من شأنه ... واحد شايف شغله مش أكتر ولا أقل

المشاركة الأصلية كتبت بواسطة حماده المصري

حضراتكوا مممكن تفهمونا يالي عيشتوا في اوروبا

مثلا في انجلتزا متوسط الدخل للفرد كام؟؟؟؟

يعني المهندس بياخد كام في الشهر او في السنه

الي شغال مثلا في خدمه العملاء بياخد كام

مهو لو طلع ارقام كبيره يبقى ليهم حق انهم يغلوا الاسعار

كون إن هم دخولهم عالية ده حقهم لإنهم شعوب منتجة بتصنع وتنتج وتزرع وتكتشف وتبيع إكتشافاتها وابتكاراتها ... حقهم يبقى دخولهم عالية ويركبوا أحسن العربيات .. لكن لا يصح نقارنهم بشعب فقير في كل حاجة ... فقير في العقل والعلم والإنتاج والزراعة والصناعة ومش فالح غير في إنه يقول بص الناس برة عايشة إزاي وبتقبض قد إيه

المقصود من اللى بقوله إن مش كل دول العالم زي بعضها .. إحنا دولة كانت منهوبة طوال 30 سنة كاملة من أبشع وأحط عصابة في التاريخ ولسة قدامنا كتير عقبال ما نفوق ونرجع يمكن نقدر نعمل حاجة نسيبها لأبناءنا .. إحنا خلاص راحت علينا ... وكل دولة المفترض تعمل اللى يناسب ظروفها هي مع مراعاة المبادئ العامة في وضع الخطط اللى برضه هى حاجة إحنا مش فالحين فيها

المشاركة الأصلية كتبت بواسطة tutankhamoun

ما هو أحنا الفئة السائدة هنا في مصر هي فئة 1600 سي سي .
99 % من الناس مش محتاج عربية 2000 سي سي .

العربية بتستهلك كمية بنزين أعلى ..... و بتعمل نفس اللي بتعمله عربية 1600 أو 1300 سي سي .
و كل حكومة في العالم بتعمل ما يُناسب ظروف البلد اللي بتحكمها .
زي في أنجلترا الضرائب و التأمين على العربيات الكبيرة عالية قوي .
و شوف اليابان (ثاني أكبر صانع سيارات في العالم كله ) بيحط ضرائب أد أيه على السيارات المباعة في اليابان ؟؟

اليابان ممنوع فيها ترخيص اي سيارة إلا بعد توفير جراج خاص بها ... ياترى الشرط ده موجود عندنا ولا لأ .. ولو حاولنا نطبقه الناس هاتقول إيه .. إن الحكومة بتتحكم في الشعب ومش عايزاه يركب عربيات

إحنا أكتر دولة في التاريخ .. وليس في العالم فقط .. عملية تجارة السيارات فيها لا يحكمها أي قوانين بسبب الشعب مش الحكومة ... لأن القوانين موجودة ولكننا شعب لا يحب الإلتزام بأي قوانين من الأساس ... ناس مابتعرفش تسوق ماشية في الشوارع ... وعربيات غير مطابقة للمواصفات بيتم ترخيصها سنويا ... ياترى لو طبقنا قواعد ترخيص وفحص السيارات بصورة منضبطة الناس هاتعمل إيه ... مش بعيد تولع في أقسام المرور والتراخيص بحجة تكبيل الحريات اللى بتمارسها الداخلية على الشعب ... ما هو اللى مش عاجبه حاجة دلوقتي بيولع في أول قسم شرطة يقابله ... ويقول الحرية

م التحفظ على عربيتي في نويبع لأسباب غير واضحة... العربية متبلغ عليها من اسبوعين إن أوراقها مش سليمة... و تم الفحص على العربية في مرور ميناء نويبع و طلع تقرير إن ورق العربية سليم مية في المية، و بالرغم من ده المباحث أصرت بحجز العربية و عرضها على الادارة العامة للمرور في القاهرة..، الناس على كل اللي عملته... شكراً لفريق Valvoline المحترم في توفير عربية من الاردن تليق بإسم مصر الكبير. بإذن الله هشرف إسم بلدي مهما عملته فيا من مفاجآت و إتهامات. ... زي كل مرة...
ده كلام رامى

المشاركة الأصلية كتبت بواسطة tutankhamoun

1200 أسترليني هناك و لا حاجة

أيجار شقة في منطقة ضواحي لندن ممكن يعمل من 700 إلى 1500 جنيه أسترليني
هاقولك على مصاريف العربية :

هانقول أنك جايب عربية قديمة مثلا ب 500 جنيه أسترليني لعربية 1300 سي سي

تدفع ضرائب الطريق : باين كان 300 جنيه أسترليني في السنة (ممكن تقسمها على مرتين )
تأمين أجباري مع شركة تأمين (مش بمزاجك تأمن أو لاءة ) : التأمين بيتحدد حسب حاجات كتير غير مصر

نوع السواق (ذكر أم أنثى و الأنثى هناك أقل من الراجل ) - السن كل لما السن يقل كل لما التأمين يعلى - تاريخ تأمينك القديم لو عندك تأمين سابق
نوع العربية ..... يعني ممكن عربية قديمة قطع غيارها مش متوفرة ... ممكن ما تلاقيش شركة تأمين تأمنهالك و لو ما تأمنتش ... يمنفعش تمشي بها ثانية واحدة على الطريق . و لو لقيت شركة تأمين بيبقى التأمين عالي قوي .
و كلمة قديمة هناك معناها 10 سنين

هاديك مثال
كان قدامي عربية بي أم دبليو موتور 2000 سي سي .... العربية بتلمع ...... صاحبها كان طالب فيها 200 جنيه أسترليني (رقم قريب من الرقم ده ) .... العربية موديل 6 سنين تقريبا فاتوا في التاريخ ده .
أتصلت بشركة التأمين بتاعتي ....... مرضيوش .... أتصلت بشركة تأمين تانية قالولي رقم خزعبلي عدى ثمن العربية بمراحل و قيمة التأمين ده غير البنزين بتاعها (بلاعة بنزين و قطع غيار غالية موت )

أحنا ركوب العربيات عندنا أرخص من عندهم بكتير
أنت بترخص تقريبا ببلاش ....... و مفيش فحص فني (أوعى حد يقولي أن اللي بيحصل في مصر ده أسمه فحص فني ) ..........و البنزين ثمنه رخيص مقارنة بهناك .

الحياة هناك مش رخيصة و مفيش واحد يقدر يفتح بيت لوحده إلا إذا كان طبيب جراح أو محامي مشهور .
أو بتوع العقارات نسيت أقول عليهم في الأول .... دول فلوسهم عنب ....

ايطاليا تقريبا نفس الوضع