الموضوع: رامي سري مش مسافر الاردن

المشاركة الأصلية كتبت بواسطة tutankhamoun

بعد أذن الأستاذ براون أيز ... هارد بالجانب اللي أعرفه
السواقة في أيطاليا تُعتبر بالنسبة للأوروبيين هي مخاطرة للحياة .
و بالنسبة لنا هي جنة السواقة .

أهدى سواقين هما سواقين بريطانيا و أكثر الأوربيين ألتزاما في السواقة و كمان معاهم و يمكن يكون أحسن منهم سواقين الدول الأسكندنافية .

هاديك مثال صغير .
أنت عارف أن هناك مفيش في الطرق الداخلية (أنجلترا ) رصيف فاصل للحارة .
و مع ذلك الطريق ممكن يقف 10 كم أو 20 كم
و مفيش بني آدم يستجري يدخل في الحارة المقابلة بحجة أن الطريق واقف


أحنا هنا لو الطريق وقف 10 متر ......... تلاقي كل السواقين تحولت على الحارة العكسية و عادي .. الطريق واقف يا باشا .
سلك نفسك ........ أنت هاتقف زي العبيط مستني لما الطريق يفتح ...... فتح مفخك تآكل ملبن ....

بالاضافة طبعا للأتزام الفظيع بالحارة هناك ........... و أحنا هنا معندناش أدنى أعتراف بكلمة حارة

قلبت عليا المواجع ...

الأستاذ براون أيز طبعا هايرد بس أنا قلت أقولك اللي أعرفه خصوصا عن تجربتي في السواقة هناك .
على فكرة سواقين أيطاليا و فرنسا إلى حد ما متهورين شوية بس ملتزمين كتير عننا

الألتزام هناك على فكرة في كل مكان ..... مش الطرق الرئيسية بس .





دي صورة قديمة لمدينة داخلية و توريك الألتزام عندهم من أمتى ؟؟؟؟





الأتزام مش قوانين بس .
الألتزام ........... هو ناس عايزه تلتزم .....مش تشتكي بس من غير ما يكون عندها وازع الألتزام زينا في مصر .
أحنا شعب مش بنحب الألتزام و الأنتظار

اتفضل يا باشا .. و الف شكر على الافادة

فعلا انا لما كنت هناك لمست الفرق الكبير اوى ده و قولت يمكن عشان انا قاعد فترة قليلة و مناطق سياحية فشايف الكويس بس مش زى هنا مثلا بدخل طرق داخلية و كده .. و الغريب برضه انى لاحظت انك متشوفش عربيات و ظباط شرطة كتير زى هنا و التهليل اللى بيحصل بس لما تحصل اى مخالفة او حد يركن غلط تلاقى فى ثوانى شرطة طلعت من تحت الارض و اتعاملت مع الموقف عكس هنا مثلا طول ما انت ماشى فى الميادين و كده تلاقى صوت الشرطة و سارينة و ظباط واقفين و حال الطريق زى الزفت و كل واحد بيعمل اللى هو عايزه .. شوف ميدان الجيزة مثلا تلاقى الطريق تقف فيه بالساعات و تلاقى الباشا مش عاجبه ان الطريق واقف لا وافقين بيوقفوا الناس عشان الفاميه كمان مخالفة ماشى يا عم بس اختار المكان متجيش فى حتة الناس قرفانة منها و عاملى لجنة توقف فاميه اقف مثلا فى طرق ماشية و وقف على الفاميه هو الفاميه ده مش على طول لازق فى العربية .. اللى اقصده فعلا ان فيه اختلاف كبير اوى بين هنا و هناك و عند حضرتك حق برضه الاختلاف كبير فى سلوك الناس و ان مفيش ناس فتايين و عاملين نفسهم ناصحين زى هنا يعنى اللى بيدخل الحارة العكسية ده فاكر نفسه اذكى خلق الله طيب يا عم الحاج ما كلنا معانا دريكسيون زيك و الله و بنعرف نلف بالعربية ما كنا ممكن ندخل زيك و نقفل الطريق زيك بس نقول ايه بقى كل واحد فاكر نفسه الوحيد اللى بيفهم و اذكى واحد فى العالم و الناس مش مقدرة مواهبه العظيمة فى السواقة .. ربنا يتوب علينا