الموضوع: الحقونى العربية فصلت وحالفة ماتدور

مش جايز طرمبة البنزين؟

ما اعتقدش انة من الطرمبة اللى هى عندى الرداخ لانة انا مركبة خارجى فى حوض الماتور وكهربا مش عادة وده شكلة على الشمال بالسهم الازرق وسامع صوت الشفط بتاعة التكتكة اللى بيسحب بيها البنزين مع فتحة الكونتاك يبقى واصلة كهربا طب والموبينة مش ممكن تعمل كده ودى شكلها على الجنب اليمين اصل انا شاكك فيها والاسبراتير ممكن برضة ولا مبيقطعش فجاءة وبعدين تحس ان صوت المارش متغير الصوت ده كنت بسمعة لما بشيل كابل الموبينة من الاسبراتير او سلوك البوجيهات بس هو مش بيعتل عادى بس انتم عارفين الصوت ده

بص ياباشا العربيه عندك قبل كنت بتشتكي انها بتفصل منك ؟؟ او بتكتم بنزين او بتغيب في الدوارة شويه لو كدة هيبئا طرمبه بنزين
السبب الي انامتأكد منه هو مشط الموبينه هتخلي حد يدور العربيه عندك وانت فاتح الكبوت تفك سلك المووبينه الي داخل علي الاسبراتر وتقربه في ماستر الفرامل ملئتش شرارة بتطلع تبئا كدة مشط جديد ب 120 جنيه تيواني تعبان كدة ماركه فرج تصنيع تحت بير السلم لو هتجيب هات استيراد وطبعا لازم تشيك علي علبه الفيوزات لان في فيوز اعتقد للموبينه استاذ فادي يفيدك عني في الموضوع دة
لو لقيت شرار يبا كدة المشط سليم
هتفكر في حساس الكرنك وطرمبه بنزين وخير ان شاء الله اهم حاجه الصحه

السلام عليكم
بص يا باشا انا حصلت عندى المشكلة دى امبارح و رحت بالعربية للميكانيكى اللى باتعامل معاه و هاقولك بالترتيب على اللى عمله :
1 - فك السلك اللى جاى من المموبينة لوش الاسبراتير و قربه من جسم العربية و انا فتحت كونتاكت و اديت سنة مارش لقى فى شرارة كهرباء يبقى الموبينة شغالة
2 - ركب سلك الموبينة تانى و خلع سلك من بتوع البوجيهات و جاب بوجيه قديم من عنده و ركبه فى السلك المخلوع و قربه من ارضى للعربية و سنة مارش من عندى ملقاش كهرباء و عرف ان الاسبراتير مش موصل كهرباء للبوجيهات
3 - شك ان العيب يكون من السلك راح مجرب سلك تانى لقى برضه انه مافيش كهرباء
4 - طلعت المشكلة من الاسبراتير فك وش الاسبراتير لقى الشاكوش متهالك و مكسور
5 - فك مسمارين الشاكوش بمفتاح النكيه رقم 4 و بعتنا جبنا واحد استيراد فرنساوى ماركة sagem بحوالى 50 جنيه مع المصلحة المستخبية بين الميكانيكى و بتاع الاستيراد ( سألت على الجديد كان صينى ب 60 جنيه ) و فضلت انى اجيب الفرنساوى الاستيراد
6 - سنفر لوامس النحاس بتاعت الشاكوش قبل التركيب و ركبه و العربية دارت و زى الفل